Mic 5 | TpiKJPB | STEP | ¶ Nau bungim yu yet long ol liklik ami, O pikinini meri bilong ol liklik ami. Em i bin wokim wok bilong pasim biktaun i birua long yumi. Ol bai paitim jas bilong Isrel wantaim wanpela stik antap long wasket.

Micah 5

1 ¶ Nau bungim yu yet long ol liklik ami, O pikinini meri bilong ol liklik ami. Em i bin wokim wok bilong pasim biktaun i birua long yumi. Ol bai paitim jas bilong Isrel wantaim wanpela stik antap long wasket. 2 Tasol yu, Betlehem Efrata, maski yu stap liklik namel long ol tausen bilong Juda, yet ausait long yu bai em i kam ausait i kam long Mi husat i mas stap hetman bilong Isrel, husat ol wokabaut i go ausait bilong em em i bin bilong bipo, bilong oltaim oltaim bipo. 3 Olsem na bai em i givim ol i go, inap long taim long meri husat i hatwok long karim pikinini i karim. Nau hap lain i stap yet bilong ol brata bilong em bai go bek long ol pikinini bilong Isrel. 4 Na em bai sanap na givim kaikai insait long strong bilong BIKPELA, insait long pasin king bilong nem bilong BIKPELA, God bilong em. Na ol bai stap. Long wanem, nau bai em i gat biknem i go inap long ol pinis bilong dispela graun. 5 Na dispela man bai stap dispela bel isi, taim ol lain Asiria bai kam insait long hap bilong yumi. Na taim em bai wokabaut insait long ol haus king bilong yumi, nau bai yumi kirapim bilong birua long em sevenpela wasman bilong sipsip, na etpela nambawan man. 6 Na ol bai mekim i stap pipia hap bilong Asiria wantaim bainat, na hap bilong Nimrot insait long ol dua bilong en. Olsem tasol bai em i kisim bek yumi long dispela man Asiria, taim em i kam insait long hap bilong yumi, na taim em i wokabaut insait long ol hap arere bilong yumi. 7 ¶ Na hap lain i stap yet bilong Jekop bai stap insait long namel bilong planti lain manmeri olsem wanpela wara bilong nait i kam long BIKPELA, olsem ol ren antap long gras, dispela i no wetim man, o wetim ol pikinini man bilong ol man. 8 Na hap lain i stap yet bilong Jekop bai stap namel long ol man i no Ju insait long namel bilong planti manmeri olsem wanpela laion namel long ol animal bilong bikbus, olsem wanpela yangpela laion namel long ol lain bilong sipsip. Husat, sapos em i go namel, bai wokabaut antap long ol, na brukim ol long planti hap hap wantaim, na i no gat wanpela husat i ken kisim bek ol. 9 Yu bai litimapim han bilong Yu antap long ol birua bilong Yu, na olgeta birua bilong Yu bai Yu rausim. 10 Na em bai kamap olsem long dispela de, BIKPELA i tok, long Mi bai rausim ol hos bilong yu ausait long namel bilong yu, na Mi bai bagarapim olgeta ol karis bilong yu. 11 Na Mi bai rausim ol biktaun bilong hap bilong yu, na tromoi i go daun olgeta strongpela ples hait bilong yu. 12 Na Mi bai rausim ol poisin pasin ausait long han bilong yu. Na yu bai i no inap i gat ol glasman moa. 13 Ol piksa god ol i sapim bilong yu tu bai Mi rausim, na ol piksa god bilong yu i sanap ausait long namel bilong yu. Na yu bai i no inap lotuim moa wok bilong ol han bilong yu. 14 Na Mi bai kamautim ol lain diwai bilong yu ausait long namel bilong yu. Olsem tasol bai Mi bagarapim olgeta ol biktaun bilong yu. 15 Na Mi bai mekim bekim pe nogut insait long belhat na belhat nogut tru antap long ol haiden, kain olsem ol i no bin harim bipo.