Micah 7
1¶ Tok lukaut i stap long mi! Long wanem, mi stap olsem taim ol i bin bungim ol prut bilong taim bilong biksan, olsem ol las hap ol i mumutim bilong kaikai wain bilong nambawan hap kaikai. I no gat wanpela lain bung bilong kaikai bilong kaikai. Tewel bilong mi gat laik long prut i mau pastaim. 2Gutpela man em i dai olgeta ausait long dispela graun. Na i no gat wanpela stretpela man namel long ol man. Ol olgeta i wet hait long blut. Ol i painim olsem abus, olgeta wan wan man, brata bilong em, wantaim wanpela umben. 3Inap long ol i ken mekim strong pasin nogut wantaim tupela han wantaim, hetman i askim, na jas i askim bilong kisim wanpela pe. Na dispela bikman, em i tokaut long laik bilong em pasin pasin i gat trabel. Olsem na ol i raunim dispela i go pas. 4Nambawan bilong ol em i olsem wanpela rop i gat nil. Nambawan stretpela man em i sap moa long wanpela banis bilong liklik bus i gat ol nil. De bilong ol wasman bilong yu na bilong hevi i kam lukim yu i kam. Nau bai paul bilong ol i stap. 5Yupela i no ken putim bilip long wanpela pren, yupela i no ken putim strongpela bilip long wanpela stiaman. Holimpas ol dua bilong maus bilong yu long meri husat i slip long bros bilong yu. 6Long wanem, pikinini man i givim sem long papa, pikinini meri i kirap na birua long mama bilong em, tambu pikinini meri i birua long tambu mama bilong em. Ol birua bilong wanpela man em ol man bilong hauslain bilong em yet. 7¶ Olsem na mi bai lukluk i go long BIKPELA. Mi bai wetim God bilong kisim bek bilong mi. God bilong mi bai harim mi. 8No ken wokim amamas tru i birua long mi, O birua bilong mi. Taim mi pundaun, mi bai kirap. Taim mi sindaun long tudak, BIKPELA bai stap wanpela lait long mi. 9Mi bai karim bel nogut bilong BIKPELA, bilong wanem, mi bin mekim sin i birua long Em, inap long Em i ken toktok wantaim strongpela askim long hevi bilong mi, na mekim kot long sait bilong mi. Em bai bringim mi i kamap long dispela lait, na mi bai lukim stretpela pasin bilong Em. 10Nau meri husat i birua bilong mi bai lukim dispela, na sem bai karamapim meri husat i tokim mi, BIKPELA, God bilong yu, i stap we? Tupela ai bilong mi bai lukim meri. Nau bai ol i krungutim em olsem graun malumalu long ol rot. 11Long dispela de ol i wokim ol banis bilong yu, long dispela de bai ol i rausim strongpela tokaut i stap longwe. 12Long dispela de tu em bai kam, yes, long yu long hap Asiria, na long ol biktaun ol i strongim, na long dispela strongpela ples hait, yes, i go long riva, na long biksi i go long biksi, na long maunten i go long maunten. 13Tasol dispela hap bai stap nating bilong tingim ol husat i stap long en, bilong tingim kaikai bilong ol wok bilong ol. 14¶ Givim kaikai long ol manmeri bilong yu wantaim stik bilong yu, lain sipsip bilong lain bilong yu, husat i stap wanpis insait long ples diwai, insait long namel bilong Karmel. Larim ol kisim kaikai long Basan na Gileat, olsem long ol de bilong bipo. 15Bilong bihainim ol de bilong yu bilong kam ausait long hap bilong Isip, bai Mi soim i go long em ol samting bilong mekim em tingting planti. 16Ol kantri bai lukim na stap paul tru long olgeta strong bilong ol. Ol bai slipim han bilong ol antap long maus bilong ol, ol ia bilong ol bai stap iapas. 17Ol bai rabim tang long das olsem wanpela snek, ol bai muv ausait long ol hul bilong ol olsem ol liklik snek bilong dispela graun. Ol bai stap pret long BIKPELA, God bilong yumi, na bai pret taim ol i tingim Yu. 18Husat em i wanpela God olsem Yu, husat i lusim pe bilong sin nogut, na abrusim ol pasin bilong kalapim lo bilong ol hap lain i stap yet bilong lain bilong Em? Em i no holim yet belhat bilong Em oltaim oltaim, bilong wanem, Em i gat gutpela amamas long soim sori. 19Em bai tanim gen, Em bai gat sori tru long yumi. Em bai daunim ol sin nogut bilong yumi. Na Yu bai tromoi olgeta sin bilong ol i go long daunbilo tru bilong biksi. 20Yu bai mekim samting i tru long Jekop, na dispela sori long Abraham, dispela Yu bin wokim strongpela promis i go long ol tumbuna papa bilong mipela long ol de bilong bipo.
Copyright information for
TpiKJPB