Rev 15 | TpiKJPB | STEP | ¶ Na mi lukim narapela mak long heven, bikpela na i wok long mekim ol man tingting planti, sevenpela ensel husat i gat dispela las sevenpela bikpela hevi. Long wanem, insait long ol i pulap long belhat tru bilong God.

Revelation of John 15

1 ¶ Na mi lukim narapela mak long heven, bikpela na i wok long mekim ol man tingting planti, sevenpela ensel husat i gat dispela las sevenpela bikpela hevi. Long wanem, insait long ol i pulap long belhat tru bilong God. 2 Na mi lukim samting olsem wanpela biksi bilong glas ol i abusim wantaim paia. Na ol husat i bin winim pait long winim dispela animal, na long winim piksa bilong em, na long winim mak bilong em, na long winim namba bilong nem bilong em, i sanap antap long dispela biksi bilong glas, taim ol i gat ol harp bilong God. 3 Na ol i singim song bilong Moses, wokboi bilong God, na song bilong Pikinini Sipsip, i spik, Ol wok bilong yu i bikpela na i wok long mekim ol man tingting planti, God Bikpela i Gat Olgeta Strong. Stretpela na tru em ol rot bilong yu, yu King bilong ol seint. 4 Husat bai i no inap pret long yu, O Bikpela, na givim glori long nem bilong yu? Long wanem, yu tasol i stap holi. Long wanem, olgeta kantri bai kam na lotu long ai bilong yu. Long wanem, ol kot bilong yu i kamap ples klia. 5 ¶ Na bihain long dispela mi lukluk, na, lukim, tempel bilong haus holi bilong testimoni long heven i op. 6 Na dispela sevenpela ensel i kam ausait long tempel, taim ol i gat dispela sevenpela bikpela hevi, na werim ol naispela laplap i klin na waitpela, na ol bros bilong ol i pas nabaut wantaim ol bikpela let gol. 7 Na wanpela bilong dispela fopela animal i givim i go long dispela sevenpela ensel sevenpela dis gol i pulap wantaim belhat tru bilong God, husat i stap laip oltaim oltaim na oltaim. 8 Na tempel i pulap wantaim smuk i kam long glori bilong God, na long pawa bilong em. Na i no gat man husat em inap long go insait long tempel, inap long dispela sevenpela bikpela hevi bilong dispela sevenpela ensel i kamap pinis.