Rev 16 | TpiKJPB | STEP | ¶ Na mi harim wanpela bikpela nek i kam ausait long tempel i spik long dispela sevenpela ensel, Go long ol rot bilong yupela, na kapsaitim ol dis bilong belhat tru bilong God antap long dispela graun.

Revelation of John 16

1 ¶ Na mi harim wanpela bikpela nek i kam ausait long tempel i spik long dispela sevenpela ensel, Go long ol rot bilong yupela, na kapsaitim ol dis bilong belhat tru bilong God antap long dispela graun. 2 Na namba wan i go, na kapsaitim dis bilong em long dispela graun. Na i gat wanpela sua i karim sik na i givim pen i pundaun antap long ol man husat i gat mak bilong dispela animal, na antap long ol husat lotuim piksa bilong em. 3 Na namba tu ensel i kapsaitim dis bilong em antap long biksi. Na em i kamap olsem blut bilong wanpela daiman. Na olgeta wan wan tewel i stap laip insait long biksi i dai. 4 Na namba tri ensel i kapsaitim dis bilong em antap long ol riva na ol ai bilong wara i sut. Na ol i kamap blut. 5 Na mi harim ensel bilong ol wara i spik, Yu stap stretpela, O Bikpela, husat i stap, na husat i bin stap, na husat bai stap, bilong wanem, yu bin jasim olsem. 6 Long wanem, ol i bin kapsaitim blut bilong ol seint na ol profet, na yu bin givim ol blut long dringim. Long wanem, ol i gat namba inap. 7 Na mi harim narapela ausait long alta i spik, Yes, olsem tasol, God Bikpela i Gat Olgeta Strong, tru na stretpela em ol kot bilong yu. 8 ¶ Na namba foa ensel i kapsaitim dis bilong em antap long san. Na God i givim pawa long em long kukim ol man wantaim paia. 9 Na ol man i kuk wantaim bikpela hat, na ol i tok bilas long nem bilong God, husat i gat pawa long bosim ol dispela bikpela hevi. Na ol i no tanim bel, long givim em glori. 10 Na namba faiv ensel i kapsaitim dis bilong em antap long sia bilong dispela animal. Na kingdom bilong em i pulap long tudak. Na ol i kaikaim ol tang bilong ol bikos pen i traipela. 11 Na ol i tok bilas long God bilong heven, bilong tingim ol pen bilong ol na ol sua bilong ol, na ol i no tanim bel long ol pasin bilong ol. 12 ¶ Na namba sikis ensel i kapsaitim dis bilong em antap long dispela bikpela wara Yufretis. Na wara bilong en i go drai olgeta, inap long em i ken redim rot bilong ol king bilong hap is. 13 Na mi lukim tripela spirit i no klin, olsem ol rokrok, i kam ausait long maus bilong dispela dregon, na ausait long maus bilong dispela animal, na ausait long maus bilong dispela giaman profet. 14 Long wanem, ol i ol spirit bilong ol spirit nogut, ol i wokim ol mirakel, husat i go long ol king bilong dispela graun na bilong dispela graun olgeta, long bungim ol long pait bilong dispela bikpela de bilong God i Gat Olgeta Strong. 15 Lukim, mi kam olsem wanpela stilman. Blesing i stap long em husat i was, na lukautim gut ol klos bilong em, nogut em i wokabaut skin nating, na ol i lukim sem bilong em. 16 Na em i bungim ol wantaim i go long wanpela ples ol i kolim long tok ples Hibru Armagedon. 17 ¶ Na namba seven ensel i kapsaitim dis bilong em i go long skai. Na wanpela bikpela nek i kam ausait long tempel bilong heven, i kam long sia king, i spik, em i pinis. 18 Na i gat ol nek, na ol klaut i pairap, na ol lait bilong klaut. Na i gat wanpela bikpela guria, kain olsem ol man i no lukim long taim man i kam long dispela graun inap long nau, em i strongpela guria olsem, na bikpela olsem. 19 Na dispela bikpela biktaun i bruk pinis i go long tripela hap, na ol biktaun bilong ol kantri i pundaun. Na bikpela Babilon i kam insait long tingting gen long ai bilong God, long givim long em dispela kap bilong wain bilong strong bilong belhat tru bilong em. 20 Na olgeta wan wan ailan i ranawe i go, na ol i no lukim ol maunten. 21 Na bikpela ren ais i pundaun ausait long heven antap long ol man, olgeta wan wan ston i hevi klostu olsem wanpela talen. Na ol man i tok bilas long God, bilong tingim dispela bikpela hevi bilong ren ais. Long wanem, bikpela hevi bilong en i bikpela moa yet.