Psa 126 | TwiNAK | STEP | Bere a Awurade san de yɛn baa Yerusalem no, na ɛyɛ yɛn sɛ dae.

Psalms 126

Ogye mpaebɔ

1 Bere a Awurade san de yɛn baa Yerusalem no, na ɛyɛ yɛn sɛ dae.
2 Yɛserewee na yɛtoo ahosɛpɛw nnwom!
Na aman foforo ka faa yɛn ho se, “Awurade yɛɛ nneɛma akɛse maa wɔn.”
3 Ampa ara ɔyɛɛ nneɛma akɛse maa yɛn; ɛyɛɛ anigyesɛm maa yɛn!
4 Awurade, fa yɛn san kɔ yɛn asase so sɛnea osu san de nsu kɔ subon a emu awo mu no.
5 Ma wɔn a woduaa no nusu mu no ntwa no anigye so!
6 Wɔn a wɔde osu kɔsoaa aba no de anigye de nnɔbae bɛto ahosɛpɛw dwom asan aba.