Isaiah 21
Babylonis, pro multitudine populi dicta mare. In quo Dominus tentatus, in quo Israelitae percussi a serpentibus. Generalis sententia, quasi culpa singulorum est quod in tempestate opprimuntur. LXX: Aelamitae et legati Persarum. Aelamitae, despicientes. quasi diceret: O Persae et Medi, nolite timere, equos ascendite, Babylonem obsidete. Dei fortitudine confisus, audacter, contra adversarios loquitur. Quo te et alias gentes gemere faciebat; vel, ut nullus jam gemat pressus potentia Babylonis; vel, tantis malis sit afflicta, ut contra te gemere non audeat. . Quasi diceret: O Persae et Medi, sumite cibum, etc., usque ad in quo ignea tela diaboli restringatis. etc. Quid post mensam ingruat et, vel, contemplare, o Balthasar, quid scripserit in pariete: Speculantes dicuntur prophetae. Cyrus princeps imperabat Medis et Persis, etc., usque ad litterae scilicet et spiritus ad duo referunt Testamenta. Idem leo pro virtute animi, qui speculator praerogativa contemplationis. Id est, per diem in contemplatione positus, diebus ac noctibus paratus audire et loqui quae praeceperit. Ut me custodiam ab omni peccato, ut sim dignus audire verbum Domini. Quod sequitur, se vidisse significat, venire, scilicet Salvatorem super bigam sedentem, et duobus animalibus, id est, asino et camelo, unum currum jungentem. Cyro et Dario Babylonem vastantibus, etiam idola sunt confracta, templo Beli subverso et igne concremato. Quasi dicat: O popule, qui recondendus es in horrea mea, quem trivi variis angustiis, ut excuterem paleas et triticum purum, conferrem in horrea, quae audivi a Domino ex Deo Israel, etc. LXX: Idumaeae, etc., usque ad onus Duma ad me clamat. HIER. Deus, scilicet custos meus, etc., usque ad loquitur deinde gentibus: studiosius Joan. 9.. etc. Quasi populo meo dabo lumen laetitiae, etc., usque ad operatione, et sic audiam vos. Arabes sunt Saraceni, etc., usque ad inde alloquitur Deus Judaeos fugientes sic: O Judaei, qui obsidionem Babyloniam fugietis in saltu, id est in silvis Saracenorum dormietis, fugientes Chaldaeos in semitis Dodanim, quod interpretatur vel id est, in via quae ducit propinquos vestros Saracenos. ID. Quae est principium noctis. Qui peccare incipit, in vespera est; qui ad summum venit, in media nocte. Media nocte primogenita Aegypti occiduntur. Petrus negat, luce jam vicina poenitet. ID. Quia vespera principium malorum, etc., usque ad quando contra patrem rebellavit. Hoc contra eos potest dici, qui otio et desidiae se tradiderunt et propria salute contenti sunt, nec poenitentibus et conversis manum porrigunt. Fatigatis fratribus ardore solis et sitis ferte aquam, ne in solitudine pereant. . etc. Quasi diceret: Quia non habuistis in eos misericordiam, prope sustinebitis captivitatis miseriam. Post annum a Judaica captivitate et Jerusalem subversione, hi quoque vastati sunt. ID. quod est: Quomodo mercenarius annum suum, etc., usque ad panemque coelestem comederint. .