Tob 11
. BEDA, ubi supra. Postquam illuminatus est populus gentium, praecedit divina gratia ad illuminandam caecitatem Judaeorum, ut in libris suis cognoscant Christum verum hominem et verum Deum, et sic tandem quasi viso angelo et filio suo quos diu non viderant, multum gaudeant; tandem, scilicet, se Ecclesiae de gentibus, congregatae mysteriorum communione conjungat. . BED., ubi supra. Canis gaudebat dum tecta dominorum diu invisa reviseret. Gaudent doctores de effectu sui operis, cum Judaeam a Domino recolligendam intelligant. Gaudent de praemio vitae aeternae, et cunctis eodem praemio corda exhilaranda praedicunt, et statim adventuram gratiam sancti Spiritus edunt. Audito a doctoribus verbo salutis, exsurgit populus Judaeorum de perfidiae suae caecitate longa, et amore currit ad Dominum; sed offendens gressibus operum, donec renatus instructus in Christo, fidei et operationis lumen percipiat. . BEDA, ibid. Dominus credentibus aperte revelat quanta sit antiqui hostis malitia, qui ipsum in passione devorare gestivit; sed per hoc occisus, membra sua, id est, eos quos ante tenebat, amisit. BED., ibid. Habet adhuc populus Judaeorum velamen ante faciem cordis, etc., usque ad qui autem fragilitatis et ignorantiae conscii dicunt, Domine Deus, illumina tenebras meas; a Domino illuminantur. . etc. ID., ibid. Lucem gratiae spiritualis, quae septiformis est, significat. Post septem dies illuminationis ingreditur uxor: quia postquam Judaea per fidem illuminata fuerit, postquam gratiam Spiritus sancti acceperit; ingredietur ad eam Ecclesia, ut sit unum ovile et unus pastor, et sit domus Christi una, uno lapide angulari firmata. . .