Psa 43 | Vulgate_HebPs | STEP | pro victoria filiorum Core eruditionis

Psalms 43

1 pro victoria filiorum Core eruditionis 2 Deus auribus nostris audivimus patres nostri narraverunt nobis opus quod operatus es in diebus eorum in diebus antiquis 3 tu manu tua gentes delisti et plantasti eos adflixisti populos et emisisti eos 4 non enim in gladio suo possederunt terram neque brachium eorum salvavit eos sed dextera tua et brachium tuum et lux vultus tui quia conplacuisti tibi 5 tu es rex meus Deus praecipe pro salutibus Iacob [ (Psalms 43:6) in te hostes nostros ventilabimus in nomine tuo conculcabimus adversarios nostros ] [ (Psalms 43:7) non enim in arcu meo confidam neque gladius meus salvabit me ] [ (Psalms 43:8) quia salvasti nos de hostibus nostris et eos qui oderant nos confudisti ] [ (Psalms 43:9) in Domino gaudebimus tota die et in nomine tuo in aeternum confitebimur semper ] [ (Psalms 43:10) verum tu proiecisti et confudisti nos et non egredieris in exercitibus nostris ] [ (Psalms 43:11) vertisti terga nostra hosti et qui oderant nos diripuerunt nos ] [ (Psalms 43:12) dedisti nos quasi gregem ad vorandum et in gentibus dispersisti nos ] [ (Psalms 43:13) vendidisti populum tuum sine pretio nec grandis fuit commutatio eorum ] [ (Psalms 43:14) posuisti nos obprobrium vicinis nostris subsannationem et inrisum his qui erant in circuitu nostro ] [ (Psalms 43:15) posuisti nos similitudinem in gentibus commotionem capitis in tribubus ] [ (Psalms 43:16) tota die confusio mea contra me et ignominia faciei meae cooperuit me ] [ (Psalms 43:17) a voce exprobrantis et blasphemantis a facie inimici et ultoris ] [ (Psalms 43:18) omnia haec venerunt super nos et non sumus obliti tui nec mentiti fuimus in pacto tuo ] [ (Psalms 43:19) non est conversum retro cor nostrum nec declinaverunt gressus nostri a semita tua ] [ (Psalms 43:20) quoniam deiecisti nos in loco draconum et operuisti nos umbra mortis ] [ (Psalms 43:21) si obliti sumus nominis Dei nostri et expandimus manus nostras ad deum alienum ] [ (Psalms 43:22) numquid non Deus investigabit istud ipse enim novit cogitationes cordis quoniam propter te mortificati sumus tota die reputati sumus ut grex occisionis ] [ (Psalms 43:23) consurge quare dormitas Domine evigila quare proicis nos in sempiternum ] [ (Psalms 43:24) quare faciem tuam abscondis oblivisceris adflictiones et angustias nostras ] [ (Psalms 43:25) quoniam incurvata est in pulvere anima nostra adhesit terrae venter noster ] [ (Psalms 43:26) surge auxiliare nobis et redime nos propter misericordiam tuam ]