Rev 15 | YomNWM | STEP | Buna ndimona mu diyilu dimbu kinkaka, kinneni ayi kitsiminanga : tsambuadi di zimbasi ziba ayi tsambuadi di bivuku bi tsuka bila nganzi yi Nzambi yidi yiduka mu bivuku beni.

Revelation of John 15

Dimbu ki tsambuadi di bivuku bi tsuka

1 Buna ndimona mu diyilu dimbu kinkaka, kinneni ayi kitsiminanga : tsambuadi di zimbasi ziba ayi tsambuadi di bivuku bi tsuka bila nganzi yi Nzambi yidi yiduka mu bivuku beni. 2 Ndimona mbu wuba wukienzuka banga lumueno wusobakana ayi mbazu ayi ndimona batu bobo banunga bulu, mfikulꞌandi ayi thalu yi dizina diandi, baba batelama va mbu wuba banga lumueno, basimba zingitale ^{▼▼ngitale : Minsekudi minkaka miyolukila lusinga va buangu ki ngitale.} zi Nzambi. 3 Bayimbila nkunga wu Moyize, kisadi ki Nzambi ayi nkunga wu Muana dimemi. Bayimbila ti :

Pfumu Nzambi, nkua ngolo yoso
Mavanga maku madi manneni ayi madi matsiminanga.
A ntinu wu makanda,
zinzila ziaku zidi zisonga ayi zikiedika
4 A Pfumu, nani wunkambu kukinzika
ayi nani wunkambu kembisa dizina diaku e ?
Bila ngeyo veka kaka widi wunlongo ;
makanda moso mela kuiza ayi
mela fukama va ntualꞌaku
bila mavanga maku masonga mamonikini.

TSAMBUADI DI ZIMBUNGU ZI NGANZI YI NZAMBI

5 Mambu mama bu mavioka, ndimona nzo Nzambi, yizibuka mu diyilu, yawu nzo yi ngoto yi kimbangi.

6 Tsambudi di zimbasi zinata tsambudi di bivuku zitotukila muna Nzo Nzambi. Zivuata minledi mi lino yivedila ayi miba lezama ayi sentila yi nolo mu zithulu ziawu.

7 Wumosi mu bivangu biya bi moyo wuvana tsambuadi di zimbungu zi nolokuidi tsambuadi di zimbasi. Zimbungu beni ziba zi wala nganzi yi Nzambiyi moyo mu zikhama-zikhama zi mimvu. 8 Buna muisi, wutotukila mu nkembo wu Nzambi ayi lulendo luandi, wuwesa Nzo Nzambi ayi kadi mutu kalendi kota mu nzo Nzambi ko nate tsambuadi di bivuku binata tsambuadi di zimbasi bimeni.