1Ti 3 | ZomZIV | STEP | Hih lai-ah thugen muantak khat a om hi: Mi khatpeuh in pawlpi kem suah ding a ut leh nasep thupi sem nuam ahi hi.

1 Timothy 3

Saptuam Kemte le Upate

1 Hih lai-ah thugen muantak khat a om hi: Mi khatpeuh in pawlpi kem ^{▼▼3.1 Tang ngeina-ah bishop;tg.2 ah zong} suah ding a ut leh nasep thupi sem nuam ahi hi. 2 Pawlpi kem ahileh: ngawh bei, zi khat bek a nei, a kidaam thei, amah ki-uk zo, a zahtak baang, zindo a siam, a hilh thei, 3 lenggahzu a kham lo, a ngongtat lo, a lungnem, kitot a hat lo, sum iplah lo hi pelmawh ding hi. 4 Ama innkuan sung ukzo a a tate in zahtakna takpi tawh a thu a mante hi pelmawh ding hi. 5 (Mi khatpeuh in ama innkuan sung a uk nading zia a theih kei leh Pasian pawlpi bangci kep thei ding ahi hiam?) 6 A piangthak tung hi lo ding hi. Tua hi kei leh kimisak dinga, dawimangpa thuak bang thukhenna a thuak kha ding hi. 7 A maimawl loh nading le dawimangpa thanga a awk loh nadingin pualam mite in hoihtaka a zahtak hi pelmawh ding hi.

8 Tua mah bangin pawlpi upate zong, zahtak a baang mi, a thutak, lenggahzu a hai lo, a maan lo metna a zong lo mi hi ding hi. 9 Amaute lungsim kitheihna siangtak tawh a thuk upna thutakte a lenkipte hi pelmawh ding hi. 10 A pel loin amaute kizia-et masa dinga, paubaanna a om kei leh upa kisemsak pan ding hi.

11 Tua mah tawh kibangin a zite ^{▼▼3.11 Ahikeh lam, saptuam upanu} uh zong zahtak a baang numei hi dinga, migensiat hat loin na khempeuh a kidaam thei, a muantak mi hi ding hi. ^c

12 Pawlpi upate, zi khat bek a nei hi pelmawh ding a, ama innkuan sung le a tate hoihtaka a uk zo hi pelmawh ding hi. 13 Limtaka na a semte in ama ading a hoih pen mun le Christ Jesu sunga a upna uh kitelcianna lianpi a ngah uh hi. ^d

14 No kianga kong paipah ding ka lamet hi napi, hih lamlahnate kong gelh hi. 15 Kong ziakai khak leh Pasian innkuan sunga mite in amau le amau bangci gamtat ding cih na theih nading uh ka deihna ahi hi. Tua Pasian innkuan, a nungta Pasian pawlpi hi-a thutak khuampi le bulkip ahi hi. 16 A lian mahmah nial nading a om lo pasian-mina thuthuk ahi: ^e

Amah ^{▼▼3.16 Khutgelh pawlkhatah Pasian} pumpi-in ^{▼▼3.16 Ahikeh ci-le-sa sungah} hong kilang a,
Kha in dik tangsakin ^h
vantung mite in mu uh a,
minamte lakah a thu kihilhin ⁱ
leitungah ki-um a,
minthanna tawh kilato hi. ^j