2Ch 22 | ZomZIV | STEP | Giahphual luhte in Jehoram tapa upate khempeuh Arab-te tawh that khin uh ahi manin Jerusalem a mite in a tapa moi pen Ahaziah ama kumpi za a luahsak uh hi. Tua ciangin Judah kumpipa Ahaziah in uk ding a kipan hi.

2 Chronicles 22

Judah Kumpi Ahaziah

1 Giahphual luhte in Jehoram tapa upate khempeuh Arab-te tawh that khin uh ahi manin Jerusalem a mite in a tapa moi pen Ahaziah ama kumpi za a luahsak uh hi. Tua ciangin Judah kumpipa Ahaziah in uk ding a kipan hi.

2 Ahaziah kumpi a suah in kum sawmnih le nih ^{▼▼22.2 Septuagint khutgelh pawlkhat le Syriac (2Ku. 8:26 zong en in); Hebrew in sawmli le nih} pha a, Jerusalem ah kum khat sung a uk hi. A nu min Athaliah hi-a Omri tunu khat ahi hi.

3 A nu in khialhna lam sep ding hanthawn ahi manin aman zong Ahab innkuante lampi mah a tawn hi. 4 A pa sih khit ciangin ama seplohpi ah amaute lamlak suak uh ahi main Ahab innkuante gamtatsa bangin TOPA muhna-ah a sia-a gamta ahi hi. 5 Ramoth Gilead ah Aram kumpipa Hazael sim dingin Israel kumpipa Ahab tapa Joram ^{▼▼22.5 Hebrew in Jehoram, Joram tawh kilamdang lo tg.6 le 7 ah zong} tawh a kuankhawm lai-un amaute hilhna amah’n zong a zui hi. Aram-te in Joram liamsak uh hi; 6 tua ahi ciangin Ramoth ^{▼▼22.6 Hebrew in Ramah, Ramoth tawh kilamdang lo} a Aram kumpipa Hazael tawh a kidona-ah amaute in liamsakna, a hingimsakna panun a kidamsak dingin Jezreel ah a kilehkik hi. ^d

Tua ciangin Ahab tapa Joram liam khin ahi manin amah en dingin Jezreel ah Judah kumpipa Jehoram tapa Ahaziah ^{▼▼22.6 Hebrew khutgelh pawlkhat, Septuagint, Vulgate le Syriac (2Ku. 8:29 zong en in); Hebrew khutgelh a tampen ah Azariah} a paisuk hi.

7 Joram kianga Ahaziah hawhna hangin Pasian in Ahaziah pukna a tungsak hi. Ahaziah a tun ciangin Ahab innkuan siasak dingin TOPA in sathau a nilhsa Nimshi tapa Jehu tawh a kimu dingin Joram le amah a paikhia uh hi. 8 Jehu in Ahab innkuan tunga thukhenna a sep khit ciangin Judah uliante le Ahaziah khoi ama tanaute tapate mu a amaute a that hi. 9 Tua ciangin Ahaziah zong dingin kuan a Samaria ah a buk laitakin a mite in a man uh hi. Amah Jehu kiangah puak uh a, a that uh hi. Amaute in, “Amah a lungsim khempeuh tawh TOPA a zong Jehoshaphat tapa ahi hi,” a cih manun amah a vui uh hi. Tua ciangin Ahaziah innkuan sungah kumpi-gam a ngah kik zo dingin a vanglian khat beek a om kei hi.

Athaliah le Joash

10 Ahaziah nu Athaliah in a tapa sih a muh ciangin, Judah kumpi innkuan buppi siatsak ding a sawm hi. 11 Ahi hangin kumpi Jehoram tanu Jehosheba ^{▼▼22.11 Hebrew in Jehoshbeath, Jehosheba tawh kilamdang lo} in Ahaziah tapa Joash la-a, a kithat ding kumpi tapate lak panin amah gukhia-in, amah le a cingnu lupna inndei sung khatah a koih hi. Jehosheba pen, ^{▼▼22.11 Hebrew in Jehoshbeath, Jehosheba tawh kilamdang lo} Kumpi Jehoram tanu lah hi-in, siampi Jehoiada zi lah hi a, Ahaziah sanggamnu zong hi ahi manin Athaliah in amah a thah theih loh nadingin tuanu panin naupang a sel hi. 12 Athaliah in gam a uk kum guk sung teng Pasian biakinnpi sungah amaute tawh amah a bucip hi.