2 Corinthians 8
Cingh dinga Hanthawnna
1Sanggamte aw, tu-in Macedonia pawlpite tunga Pasian piak hehpih na thu na theih ding uh ka deih hi. 2Amaute nakpi-a zia-et bawlsiatna lak pan, a lungnopna uh a dimletna le a zawn luat mahmahna panun nakpi-a citna nak nei-in a phulto hi. 3Ahang in, amaute in a piak theih zahzah uh le a piak theihzah val nangawn uh a piak lam uh ka theihpih hi. Amau utthu-in, 4misiangte ading nasepsakna amau zong hamphatna a tanh theih pah nadingun kote kiangah hong ngen uh hi. 5Ko lamet bangin hih loin Topa tungah amau mahmah kipia masa-in tua khit ciangin Topa deihna tawh kituakin ko tungah hong kipia uh hi. 6Tua ahi ciangin Titus in a masa lai-a a na patkhitsa ahi manin hih note hehpihna nasep hong zawhpih vet dingin amah ka na kun uh hi. 7Ahi hangin note upna, thugenna, theihna, cihtakna khempeuh le kote ▼▼8.7 Khutgelh pawlkhatte ah kote in nang kong itna uh ah
nong itna uhah midangte sangin na tungnun zawk uh bangin hih piakna tawh kisai hehpihna ah zong na tungnung zaw un. 8 Note thu kong pia kei hi. Ahi hangin midangte cihtakna tawh tehin note itna a taktak ahina kong theih nop man ahi hi. 9Ahang in, i Topa Jesu Christ hehpihna na thei uh hi; ama zawnna tungtawna na hauh theih nadingun amah a hau hi napi note hangin a zawng hi. b 10 Hih thu tawh kisai-in note ading a hoih pen kong thuhilhna in: Nikum in note a pia masa bek hi loin tua banga piak ding a ut masa na hi uh hi. 11Hih dinga utna tawh lawptaka sep na sawm bangun na neih bangbang uh tawh kituak pia-in hih nasep na zosiang un. 12Ahang in, utna a om nak leh a neih loh tawh kizui hi loin a neih tawh kizui-a a piak letsong a santak ahi hi. 13 Midangte vanzansak nadingin note vangik suat hong sawm ka hi kei uh a, a kikim ciat nading a deih ka hizaw uh hi. 14Amaute hauhna in note tangsapna hong huk kik theih nadingin tu laitaka note hauhna in amaute sapna a hu ding hi. 15“Tampi a khawmpa in tam lua nei lo a, tawmkha a khawmpa inlah tawm lua a nei kei hi” ▼▼8.15 Pk. 16:18
ci-a kigelhsa bangin tua ciangin kikim dimdiamna a om ding hi. d Corinth ah Titus Kisawl
16 Keimah in note kong lunghimawh bang lunghimawhna Titus lungsim sunga a guanpa Pasian tungah lungdam ka ko hi. 17Ahang in, Titus in ka ngetna uh hong thukimpih bek hi loin ama lungsim tup tawmna bangin note kiangah lawptakin hong pai ding ahi hi. 18Tuateh lungdamna-thu nasepna ah pawlpi mi khempeuh in a pahtak uh sanggampa amah kong zuisak uh hi. 19Tua banah amah pen sumpi puaka ka pai lai-un kote hong zui dinga pawlpite in a teelpa uh ahi hi. Topa mahmah pahtawi nading le huh nuam ka hina uh lahna-in tua sum piak ka hawm uh hi. 20Citna tawh a kipia hih letsongte ka zek uh ciangin gensiatna ka pelh nuam uh hi. 21Ahang in, Topa muh bek hi lo mihingte muh mahmah in zong amaan na sem dingin ka hih theih tawpun ka kidawm uh hi. 22 Tua banah ka sanggampa un lam tampi ah ama lawpna hong latsak tham loin note hong muanna lianpi hangin amau tawh kong sawl uh hi. 23Titus ahileh note laka ka naseppih le ka kikoppih hi-a, ka sang gam dangte uh ahileh pawlpi palaite le Christ pahtawina ahi uh hi. 24Tua ahi manin note in kong itna uh le kong kisaktheihpihna uh ahang pawlpi in a muhtel theih nadingun hih mite tungah na lak un. e
Copyright information for
ZomZIV