2Ki 3 | ZomZIV | STEP | Judah kumpipa Jehoshaphat kumpi a suah zawh kum sawm le giatna kumin Ahab tapa Joram Israel kumpi suaka kum sawm le nih sung a uk hi.

2 Kings 3

Moab Lehdona

1 Judah kumpipa Jehoshaphat kumpi a suah zawh kum sawm le giatna kumin Ahab tapa Joram ^{▼▼3.1 Hebrew ah Jehoram; Joram tawh kilamdang lo; tg.6 ah zong} Israel kumpi suaka kum sawm le nih sung a uk hi. 2 TOPA mitah a hoih loin gamta-a, ahi hangin a nu le a pa hih bangin a hih kei hi. Amah in a pa bawlsa Baal suang siangthote a hemkhia hi. 3 Tua hi napi Nebat tapa Jeroboam in mawhna bawla Israel zong a bawlsakte panin a kiheisan kei hi. ^b

4 Tu-in Moab kumpipa Mesha in tuu khawi-a, amah in Israel kumpipa tungah tuuno tul zakhat le tuutal tul zakhat mul a puak ding ahi hi. 5 Ahi hangin Ahab a sih khit ciangin Moab kumpipa in Israel kumpipa a lehdo hi. 6 Tua hun ciangin Samaria pan Kumpipa Joram kuankhia a, Israel khempeuh a kaikhawm hi. 7 Amah in Judah kumpipa Jehoshaphat kiangah zong, “Moab kumpipa in kei hong lehdo hi. Moab do dingin nong kuanpih ding hiam?” ci-in kamtai a sawl hi. ^c

Amah in, “Kong kuanpih ding hi, kei zong nangmah bang ka hi-a, ka mite nangma mi hi-in, ka sakolte nangma sakol ahi hi,” ci-in a thuk kik hi.

8 Amah in, “Bang lampi tawnin sim ding i hi hiam?” ci-in a dong hi.

Amah in, “Edom Sehnel-gam lam pan,” ci-in a dawng hi.

9 Tua ciangin Israel kumpipa, Judah kumpipa le Edom kumpipa tawh a kuankhawm uh hi. Ni sagih sung a kual pai kawikawi khit uh ciangin galkapte le a ganhing kente uh ading tui a nei nawn kei uh hi. ^d

10 “Bang cih ding! Ei kumpi thum teng Moab tunga piak dingin TOPA hong sap ai’ve maw?” ci-in Israel kumpipa a patau hi.

11 Ahi hangin Jehoshaphat in, “Amah tungtawna TOPA thu i dot theih ding, hih lai-ah TOPA kamsang khat beek om lo ahi hiam?” ci-in a dong hi. ^e

Israel kumpipa’ ulian khat in, “Shaphat tapa Elisha hiah om hi. Elijah khut tui buak amah ahi hi,” ^{▼▼3.11 Tua in, amah Elijah neihtuam nasempa ahi hi.} ci-in a dawng hi.

12 Jehoshaphat in, “TOPA kammal in amah a ompih hi,” a ci hi. Tua ciangin Israel kumpipa, Jehoshaphat le Edom kumpipa a kiangah paisuk uh hi. ^g

13 Elisha in Israel kumpipa kiangah, “Eite khat le khat bang kisaina nei i hi hiam? Na nu kamsangte le na pa kamsangte kiangah va pai in,” a ci hi.

Israel kumpipa in, “Hi kei, TOPA in ko kumpi thum teng Moab tungah piak dingin hong sap ahi hi,” ci-in a dawng hi.

14 Elisha in, “A na ka sep Thahatpen TOPA nuntakna lo in ka cihin Judah kumpipa Jehoshaphat ka zahtakna hi kei leh nang en zong kong en kei dinga, kong phawkkha kei ding hi. 15 Ahi zongin tu-in harp tum siam khat hong paisak un,” a ci hi. ^h

Harp a tumtum laitakin Elisha tungah TOPA khut tunga, 16 amah in, “TOPA gen hih ahi hi: Hih kuam sungteng kuakhuk dimsak un. 17 Ahang in, TOPA gen hih ahi hi: Huih le guah na muh loh uh hangin hih kuam sungteng tui dim dinga nang le na tuuhonte le na ganhing dangte in na dawn ding uh hi. 18 TOPA mit ah hih in abaih na ahi hi; Moab zong nangma khut sungah hong pia ding hi. 19 Kulh-a ki-um khuapi teng le khua lian teng na lawnthal ding hi. Singkung hoih peuhmah na phuk dinga, tuinak khempeuh khakcipin, lo hoih peuhmah suangtumin na siasak ding hi,” a ci hi. ⁱ

20 A zingciang zingsang biakpiak hunin tua ci-in om a - Edom lam panin tui a luang mawk hi! Tua ciangin gamsung teng tui a dim hi.

21 Tu-in Moab-te do dingin kumpite kuan hi, ci-in a vekun za uh hi; a moi a hamin galhiam tawi thei peuhmah kisamkhia in gamgi ah a pang uh hi. 22 Zingsang in amaute tho baih uh a, tui tungah ni a tang hi. Moab-te in a gal-et uh ciangin tui sana - sisan a bang hi. 23 Amaute in, “Tua sisan hi! Tua kumpite khat le khat kido-in kigo uh hi ding hi. Tu-in Moab in a van nusiat uh va la ni!” a ci uh hi.

24 Ahi hangin Israel giahphual ah Moab-te a tun uh ciangin Israel te tho-in a taikeksak matengun a do uh hi. Tuateh Israel-te in gam sung teng sim uh a Moab-te a golum khin uh hi. 25 Khuapite susia uh a, lo hoihte ah suang a dim mateng suang a lawn ciat uh hi. Tuinak khempeuh khakcip uh a, singkung hoih peuhmah a phuk uh hi. Kir Hareseth ah suang tumte bek kinusia uh a, ahi hangin suanglotna tawite in umin a sim veve uh hi. ^j

26 Moab kumpipa in a galte in amah zo hi cih a muh ciangin namsau tawi mi za sagih kengin Edom kumpipa lam phulet dingin kithawi-a, ahi hangin a phulet zo kei hi. 27 Tua ciangin ama kumpi zalaih ding a tapa upa pen khuapi kulh tungah biakna-in a pia hi. Israel tungah a hehna uh lian lua mahmah hi. Amaute nungkikin amau gamah a ciah uh hi.