Ecc 9 | ZomZIV | STEP | Hihte khempeuh ka ngaihsun kikkik a, thumaante le mipilte in a sep khempeuh Pasian khutsuak hi-a ahi hangin amau tuah ding itna hiam muh dahna hiam cih kuamah in a theih loh lam a tawpna ah ka mukhia hi.

Ecclesiastes 9

Mi Khempeuh Mong

1 Hihte khempeuh ka ngaihsun kikkik a, thumaante le mipilte in a sep khempeuh Pasian khutsuak hi-a ahi hangin amau tuah ding itna hiam muh dahna hiam cih kuamah in a theih loh lam a tawpna ah ka mukhia hi. 2 Mi khempeuh - a thumaante le migilote, a sia ^{▼▼9.2 Septuagint (Aquila), Vulgate le Syriac; Hebrew in le a sia cih a nei kei hi.} le a pha, a nin le a siang, biakna a pia le a pia lote in a kibangin mong a nei ciat uh hi. ^b

Mi hoihpa tunga tung bangbang
mawh neipa tungah tunga
a kiciampa tunga tung bangbang
a kiciam ngamlo pa tungah tung hi. ^c

3 Sunni nuai-a a piang peuhmah gitlohna ahi hi: tuate khempeuh a mong uh kibang ciat hi. Tua tham loin mihing lungtang gitlohna vive hi a, a nuntak lai mah un a lungsim uh hai-a tua nung ciangin sihna lam zuan uh hi. 4 A nungta laite laka a om peuhmah in lametna ^{▼▼9.4 Ahikeh Tua ahi leh bang i teel ding hiam? A nungta khempeuh tawh lametna a om hi.} nei a - humpinelkai sisa khat sangin a nungta lai ui khat nangawn hoihzaw hi! ^e

5 Ahang in, a nungta laite in a sih ding lam uh thei a,
ahi hangin a site in bangmah thei lo hi;
amaute in pahtakman nei nawn lo uh a,
amaute kiciamtehna nangawn kimangngilh hi. ^f
6 Amaute itna, amaute muhdahna le
amaute hazatna beimang khin ahi nungsang;
sunni nuai-a a piang peuhmah
bangmah a tangkha nawn kei ding uh hi. ^g

7 Pasian na nasepna hong angvanna ahi manin: pai in lungkimtakin na an ne inla lung nuamtakin na zu dawn in. 8 Puanpak silh den inla na lu sathau nilh tawntung in. 9 Pasian hong piaksa sunni nuai-a a mawknapi na nuntak hun sung - a mawknapi na hun khempeuh, na it na zi tawh a nuam theithei in zang in. Hih in na nuntak sunga na lawhtak hi-a, sunni nuai-ah gimpi-a na thalawhsa ahi hi. 10 Na pai nading hankhuk ^{▼▼9.10 Hebrew in Sheol} ah sep ding om lo, geel ding om lo, theihna pilna lah om tuan lo ahi manin khuta sep ding na muh peuhpeuh na tha neih zahin sem in. ⁱ

11 Sunni nuai-ah adang pawlkhat ka mu lai hi:

Tai kidemna ah a manlangte in zo kim lo a,
a thahatte in gal zo kim loin
tua mah bangin a pilte in an kham kim lo uh a, ^j
a teite hau kim loin
lai siamte a ki-angvan kim kei hi;
ahi hangin, amaute khempeuh tungah ahunlem hunin a tung kim hi. ^k

12 Tua banah, ama hun tun ding kuamah in a thei kei hi.

Len gilo-in ngasa a kimat bang,
thangin vasa a kimat bangin
gitloh hunah mite awk a, ^l
lamet loh laitakin amau tungah a tung hi. ^m

Haina Sangin Pilna Hoihzaw

13 Sunni nuai-ah ka lungsim hong khoih mahmah pilna gentehna khat zong ka mu hi: 14 Khatvei lai-in mi tawmkha a tenna khuapi neu khat om hi. Tua khua a do dingin kumpi vanglian khat kuana, a kimkotah galkap tampitak a umcihsak hi. 15 Tu-in tua khuapi sunga teng khat zawng napi pila ama pilna hangin tua khuapi a hu zo hi. Ahi hangin tua mizawngpa kuamah in a phawk kha kei hi. 16 Tua ahi ciangin, “Hatna sangin pilna hoihzaw hi,” ka ci hi. Ahi hangin mizawngpa pilna kisimmawh a, ama kampaute a kithu simsak nawn kei hi. ⁿ

17 Mihaite ukpa kikona sangin a gingkhia lo
mipilte kampau thusim zawk ding ahi hi.
18 Galhiamte sangin pilna hoihzaw a, ^o
ahi hangin mawhneipa in na hoih tampitak a susia hi.