Isa 57 | ZomZIV | STEP | Thumaante mangthang napi, a lungsima ngaihsun kuamah a om kei hi; a thutak mite kilamang napi, siatna panin a kihemkhia ahilam kuamah in a tel kei hi.

Isaiah 57

1 Thumaante mangthang napi,
a lungsima ngaihsun kuamah a om kei hi; ^a
a thutak mite kilamang napi,
siatna panin
a kihemkhia ahilam
kuamah in a tel kei hi.
2 Thutanga kalsuante
lemna ah lut uh a;
a sih uh ciangin khawlna a mu uh hi. ^b
3 “Ahi hangin no numei aisante’ tapate angkawm le kizuakte suan le khakte aw,
hih lai-ah hong pai un! ^c
4 Kua ciamnuih na hi uh hiam?
Kua zahnuihsanin kamka in
kua leiiphensan na hi uh hiam?
Note a lehdote’ tate,
zuauphuakte’ suan le khakte hi lo na hi uh hiam?
5 Tehno kungte lak le singhiang nuai tengah
numei pasal kilunggulhna-in na kangtum uh a; ^d
kuam thukpi sung le suanghawm sungah
na tate uh kithoihna-in na nei uh hi. ^e
6 Kuam sunga suangmaite note tanh milimte ahi hi;
amaute diakdiak no aituam ahi hi. ^f
Hihi, tuate tungah dawntheih biakna na sung in,
an-a biakna na pia uh hi.
Hih nate hangin ka lungsim khiam tuan ding ka hi hiam? ^g
7 Munsangna le mual sangpi ah na lupna na bawl a; ^h
tua lai-a paito in kithoihna na pia hi. ⁱ
8 Kongkhakte le kongkhak mungte liah ah
na dawibiakna limte na koih hi.
Kei hong nusia-in na lupna na hawkkhia a,
a tungah kahto in zapi-in na hong hi;
a lupna na itte tawh thukimna na bawl a,
amaute guaktang hihna na mitsuan hi. ^j
9 Olive thau kengin Molech ^{▼▼57.9 Ahikeh kumpipa tungah} ah na pai a, ^l
na paknamtuite na kinuh phapha hi.
Na tangmite ^{▼▼57.9 Ahikeh milimte} gamlapi ah na sawl a, ⁿ
hankhuk ^{▼▼57.9 Hebrew in Sheol} dongah na tuaksuk hi! ^p
10 Na paina lampi teng hangin na gima,
ahi hangin, ‘Lametna bei ta hi’ na ci kei hi. ^q
Na hatna uh na thaksak kik uh a,
tuaci-in na bah kei uh hi.
11 “Kei tunga na khialh nading,
nong mangngilh nading le na lungsim nangawna ^r
nong ngaihsut lohna zah dong dingin ^s
lau a na kihtak kua ahi hiam? ^t
Daitaka sawtveipi ka om manin ^u
kei hong kihta lo hilo na hi hiam?
12 Na thumaanna le na nasepnate kipholaak dinga, ^v
na phattuampih kei ding hi.
13 Huhna ngenin na kiko ciangin
na kaihkhop milimte kihonsak ve!
Tuate khempeuh huih in len khiamang dinga
husan bek in tuate a mutmang ding hi. ^w
Ahi hangin kei hong beel mi-in ^x
leitang luah dinga ^y
ka mual siangtho a nei ding hi. ^z

Lunggimte Hehnepna

14 “Zik un, zik un, lampi sial un!

Ka mite’ lampi a khakte hemkhia un,”
kici ding hi.
15 Ahang in, a sang, a sangpen Pa - ^aa
a nungta tawntung ama min siangthopa gen hih ahi hi: ^ab
“A sangna le a sianthona munah ka tenga, ^ac
ahi hangin lungsim niamte le
lunggimte a lungkhauhsak dingin ^ad
a lungsim niamte le a lunggimte tawh ka tengkhawm hi. ^ae
16 Mihing huu ka piansaksa hi a - ^af
ka mai-ah mihing lungsim gim ding ahi manin
ka mawhsak suak kei dinga,
ka heh tawntung kei ding hi.
17 Ama huaiham mawhna hangin ka heh lua-a; ^ag
amah dan thuaksakin hehin ka lehngatsan hangin, ^ah
ama nopsak bangin a gamta veve hi. ^ai
18 Ama lampi ka muh khit hangin amah ka damsak ding hi; ^aj
amah lam ka hilh dinga hehnem in, ^ak
19 a thum Israel-te muk panin phatna ka piangsak ding hi.
Lemna, a nai a gamla-a omte tungah lemna,” ^al
TOPA in ci a, “Amaute ka damsak ding hi,” a ci hi.
20 Ahi hangin migilote, khawl hun nei lo,
tuipi kilok tuihual in ^am
nin le buan a laptoh tawh kibang uh hi. ^an
21 “Migilote adingin lungnopna a om kei hi,” ka Pasian in a ci hi.