Jer 2 | ZomZIV | STEP | TOPA thu kei tungah hong tunga,

Jeremiah 2

Israel in Pasian Taisan

1 TOPA thu kei tungah hong tunga, 2 “Pai inla Jerusalem-te zakin va tangko in: ^a

“Na khangno lai-a nong kipiakna, ^b
mothak banga kei nong itna,
sehnel-gam kantan le gamtaak
sunga nong zuihnate ka phawk hi. ^c
3 TOPA tungah Israel siangtho a,
a lak gahmasa pen ahi hi;
amah a ne peuhmah a mawh suak uh a, ^d
amaute tungah siatna a tung hi,’ va ci in,”

TOPA in cikhia hi.
4 Israel innkuana bawng’te khempeuh, Jacob innkuante aw,
TOPA thugen za un.

5 TOPA gen hih ahi hi:

“Na pate un kei tungah bang khialhna mu a,
kei kiang panin gamlapi gammang uh ahi hiam?
Amaute in kimanna nei lo milimte nung zui uh a,
amau mahmah kimanna nei lo a suak uh hi. ^e
6 Amaute in, ‘Egypt panin eite hong paikhiatpih ^f
sehnel-gam le dum lak, ^g
lei keuna le khuamialna ^{▼▼2.6 Ahikeh sihna liim} mun,
kuama pai ngeilohna-a hong makaih
TOPA koi-ah om ahi hiam?’
ci-in a dong beek kei uh hi.
7 A gah le a sunga piangte na nek
theih nadingun lei hoihna munah note kong puak hi. ⁱ
Ahi hangin note nong pai uh a,
ka leitang ninsakin gouluahna a kihhuai na suaksak uh hi. ^j
8 Siampite in ‘TOPA koi-ah om hiam?’ ci-in
a dong beek kei uh hi.
Thukham zangte in kei hong thei lo uh a, ^k
makaite in kei hong lehdo uh hi.
Kamsangte in Baal minin thu gen uh a, ^l
kimanna a nei lo milimte a zuizui uh hi.
9 “Tua ahi ciangin note kong mawhsak-a, kong mawhsak lai ding hi,”

TOPA in cikhia hi.
“Tuateh na tate uh tate ka mawhsak lai ding hi.
10 Kittim ^{▼▼2.10 Tua pen Cyprus le nitumna lam tuipi geite} tuipi gei kantan unla va en dih un; ⁿ
Kedar ^{▼▼2.10 Syro- Arabian sehnel gam-a Bedouin behte inn} ah mi sawl unla naicik ah kan dih un; ^p
hih bang na a piang ngei hiam, mu un:
11 Minam khat in a pasiante a kheng ngei hiam?
(Tuate lah pasiante a hi peuhmah kei hi.) ^q
Ahi hangin ka mite in amau ^{▼▼2.11 Masoretic Bupi; Hebrew tanglai laizial ah kei} minthanna
bangmah man lo milimte khekna-in hong nei uh hi.
12 Vantungte aw, lauthawng mahmah unla,
lau lua-in ling un,”

TOPA in cikhia hi.
13 “Ka mite in mawhna nih a bawl khin uh hi;
amaute in a nungta tuinak
keimah hong taisanin
tui a vung thei lo a
kitamsa tuikhuk a to uh hi.
14 Mi nasem ding le sal dingin Israel a suak ahi hiam? ^s
Tua ahileh bang hangin galmat-a om ahi hiam?
15 Humpinelkaite hawk uh a, ^t
amah a ngik uh hi.
Amaute in a gam, gamsimtham suah uh a;
a khuapite kangtumin a kinusia hi. ^u
16 Memphis ^{▼▼2.16 Hebrew in Nopth} le Tahpanhes mite nangawn in ^w
na lu ^{▼▼2.16 Ahikeh na luguh kitam khinzo} ua kumpi lukhu a metkhia uh hi.
17 Na Pasian uh TOPA in
lampi ah hong makaih lai-in amah na taisan manun ^y
hihte no tungah hong tung hi lo ahi hiam? ^z
18 Shihor ^{▼▼2.18 Tua pen Nile pem khat} a tui dawn lel dingin ^ab
Egypt ah pai na hi uh hiam? ^ac
Tuateh Gunpi ^{▼▼2.18 Tua pen Euphrates} a tui dawn lel dingin ^ae
Assyria ah pai na hi uh hiam? ^af
19 Na gitlohna un note dan hong tuaksak dinga;
na nungtolhna un hong tai ding hi. ^ag
Tua ahi ciangin na Pasian uh TOPA hong taisanin
nong kihtak loh uh ciangin ^ah
gitlohna hi-a, kha velval ahilam ^ai
ngaihsun unla tel un,”

Thahatpen TOPA in cikhia hi.
20 “Sawtpek lai-in na hakkol na kuaitan a, ^aj
hong kihenna khaute bottatin,
‘Nang na ka sem kei ding hi,’” na ci hi.
Hi takpi hi, mualsang tung teng le
singlian nuai tengah ^ak
numei kizuakte bangin na lum kawikawi uh hi.
21 Note, a kiteltel a cidam a muantak
lenggui paipi banga kong suan na hi uh hi. ^al
Bangci in kei hong langpangin
a sia thei gam-lenggui suak mawk na hi uh hiam?
22 Vuttui tawh kisil-in,
saban tampitak na zang zongin ^am
ka mai-ah na khialhna om lai veve hi,”

Thupipen TOPA in cikhia hi.
23 “Bangci in, ‘Ka kihhuai kei hi; ^an
Baal nung ka delh kei hi,’ ci thei na hi hiam? ^ao
Kuam sunga na gamtatnate en in; ^ap
na sepsa ngaihsun pha in.
Nang, a kawi
taitai kala-oh nu na banga,
24 gamlak nuam a sa gamsung laanu ^aq
a huk laitaka huih dik vatvat,
kuama kham zawh loh na bang tazen hi.
Atal khatpeuh in gimpi-in a zon kul lo a,
a huk hunin a mu lel ding hi.
25 Na khedap siat dong,
na dangkeu dongin tai kei in.
Ahi hangin nang, ‘Phamawh kei!
Gamdang pasiante ka it hi, ^ar
amaute nung ka zui teitei ding hi,’ na ci hi.
26 “Guta khat a kimat cianga a zum bangin ^as
Israel innkuan -
amaute, a kumpite uh, a uliante uh,
a siampite uh le a kamsangte uh a zum ding uh hi. ^at
27 Amaute in singtawng kiangah, ‘Ka pa na hi hi’ ci uh a,
suangtum kiangah, ‘Nang sung pana piang ka hi hi,’ ci uh hi. ^au
Amaute in hong maingat loin ^av
hong nungngatsan uh hi; ^aw
tua hi napi a lungkham uh ciangin, ^ax
‘Hong pai-in ko hong hon in!’ ci zel uh hi. ^ay
28 Nomau bawlsa na pasiante uh tu-in koi-ah om ahi hiam?
Na lungkham uh ciangin
hong hot theih leh kihonsak un!
Ahang in, Judah aw,
khuapi na neih zahzah uh pasian na nei uh hi.
29 “Bang hangin kei hong mawhsak na hi uh hiam?
Note khempeuh in kei nong lehdo uh hi,” ^az

TOPA in cikhia hi.
30 “Na mite a mawkna-a dan pia ka suak hi;
amaute a kibawlpha nuam kei uh hi.
Humpinelkai gilkial bangin
na namsaute un na kamsangte uh a liakmang khin hi. ^ba

31 “Tu khanghun a note aw, TOPA thu ngaihsun dih un:

“Israel tungah sehnel-gam suak ngei a,
khuamial mahmah gam suak ngei ka hi hiam?
Bang hangin ka mite in, ‘Ka ututun ka vak thei uh hi.
Nang kiangah hong pai nawn kei nung,’ ci uh ahi hiam?
32 Nungak khat in a kizepna suangmanphate mangngilh a,
mothak khat in a mothak puante mangngilh ahi hiam?
Tua hi napi ka mite in sim zawh loh ni tampi sung
kei hong mangngilh khin uh hi. ^bb
33 Na itte uh zol ding na siam uh hi.
Numei siapente nangawn in no tung pan hong sin thei lai uh hi.
34 Mawhpeng mizawngte inn luhin
na mat khak ngei loh hangin ^bc
nuntakna sisan na puantunga baang, mite in a mu uh hi. ^bd
Tua hi napi hihte khempeuh tangin,
35 ‘Ka mawhpeng hi;
kei tungah amah a heh kei hi,’ na ci lai hi.
Ahi hangin, ‘Ka mawh kei hi,’ ci na hih manin ^be
nang tungah thu kong khen ding hi. ^bf
36 Bang hangin na lampite khelin ^bg
tua zahta tung mawk na hi hiam?
Assyria na maizumpih bangin
Egypt na maizumpih ding hi. ^bh
37 TOPA in nang muante nolh khin a;
amaute in nang hong huh lo ding uh ahi manin, ^bi
nang zong khut lukhuksa in
tua mun na paisan ding hi. ^bj