Jeremiah 3
1“Mi khat in a zi ma-intuanu in zong amah nusia henla pasal dang khat tawh kiteng leh
amah tuanu kiangah kileh kik ding ahi hiam?
Tua gam teng a ninsak suak khin hi lo ahi hiam?
Ahi hangin nang, lawmpa dang tampi tawh a kiteng khin numei paktat na bang hi - a
hong kileh kik peuhmah ding na hi hiam? b
TOPA in cikhia hi.
2 “A sangna munte ento dih in;
hong kibuangawp lohna mun om ahi hiam?
Lampi gei-ah na lawmpate na ngaka, c
sehnel-gama zin kawikawite ▼
▼3.2 Ahikeh Arab khat
tawh na kibang hi.Na paktatna le na gitlohna-in e
leitung na ninsak hi. f
3 Tua ahi ciangin khuapi guah zu lo a, g
guahsia zong a zu tuan kei hi. h
Tua hi napi na paktat mithah lailai a;
zuma na mai san ding na nial lai hi.
4 Tu mahmah in zong, ‘Ka Pa ,
ka neutunga kipan ka lawmpa, i
5 heh denden ding na hi hiam?
Na thangpaihna zom den keii ding na hi hiam?’ nong ci hi.
Hih bangin pau napi
na hih theih gitlohna khempeuh na sem hi,” a ci hi.
Amuanhuai Lo Israel
6 Kumpipa Josiah hun laitakin TOPA in kei tungah, “A muanhuai lo Israel gamtatna na mu hiam? Mualsang dawn khempeuh le singliim nuai khempeuh ah tuanu pai-in tua lai-ah ang va kawm hi. 7Hihte khempeuh a sep khit ciangin kei lamah hong kihei kik inteh ci-a ka ngaihsut hangin hong kihei kik lo a, a muanhuai lo a sanggamnu Judah in a mu hi. 8Ama angkawmnate hangin a muanhuai lo Israel makna laipi ka pia a, ka hawlkhia hi. Tua hi napi a muanhuai lo a sanggamnu Judah lau lo lailai a; amah zong kuankhia-in a angkawm hi. 9Israel adingin a bawl mawhna neucik tawh a kibat hangin, amah in leitang ninsaka, singtawng le suangtum tawh a angkawm hi. 10Hih bang teng hi napi a muanhuai lo a sanggamnu Judah, a lungsim neihzahin kei lam hong kihei loin, a kineih bek ahi hi,” TOPA in cikhia hi. 11 TOPA in kei kiangah, “A muantak lo Judah sangin a muanhuai het lo Israel thumaan zaw hi. 12Pai inla leilu lamah hih thupuak tangko in: “‘A muantak lo Israel aw, hong kileh kik in,’ TOPA in cikhia hi.‘Lainat siampa ka hi manin
kong talgawmsan nawn kei ding hi,’ TOPA in cikhia hi. j
Ka heh tawntung kei ding hi.
13 Na khialhna phawk tapeuh in-
TOPA na Pasian na langdona,
niliim nuai tengah
gamdang pasiante tunga na angvanna na thehthang a, k
ka thu nong mang kei hi,’ ci-in,”
TOPA in cikhia hi.
14 Keimah na pasal ka hi hi. A muantak lo Israel aw, hong ciah kik in,” TOPA in cikhia hi. “Khuapi simah khatta kong teel dinga, bawng’ simah nihta hong teelin Zion ah kong puak ding hi. 15Tua ciangin ka lungsim banga note theihna le theihtelna tawh note hong mapi dingin tuucingte kong pia ding hi. 16Tua ni ciangin gam sungah khan cihtakin khangin na tam mahmah ding uh hi, TOPA in ci a, kuamah in, ‘TOPA thukhun singkuang,” a cikha nawn kei ding uh hi. Amaute lungsim ah lut ngei nawn loin zong phawkkha nawn lo ding uh a, kigoih loin adang khat beek a kibawl nawn kei ding hi. 17Tua hun ciangin amaute in Jerusalem, TOPA Tokhom ci ding uh a, TOPA min pahtawi dingin Jerusalem ah minam khempeuh a kikhawm ding uh hi. Amaute in a lungsim gitloh-tentenna uh a zui nawn kei ding uh hi. 18Tua ni ciangin Judah innkuante in Israel innkuante zom ding uh a, a nih un na luah dingun na pate uh tunga ka piaksa gam ah leilu-lam gam panin a paikhawm ding uh hi. l 19 Keimahmah in, “‘Lungdam lua-in tapate bangin ka bawl dinga,
minam khatpeuh luah a nopcipen le
a deihhuaipen nang kong pia ding hi,’ ka ci hi.
‘Pa’ hong ci-in m
nong zuihna pan kihei lo ding kong sa hi.
20 Ahi hangin Israel innkuan aw, a pasal tunga a muanhuai lo numei khat bangin
kei tungah na muanhuai kei khin hi?”
TOPA in a cikhia hi.
21 Khosangte ah kikona khat kiza a,
Israel mite kahna le ngetna ahi hi;
bang hang hiam cih leh amaute in a lampi uh pialsan khin uh a,
amaute Pasian TOPA manggilh khin uh hi. n
22 “A muantak lo mite hong kihei kik un;
na nungtolhna uh kong damsak ding hi,” a ci hi. o
“Nang TOPA kote Pasian na hi manin
nang kong zuan na ding uh hi.
23 Mualneu le mualliante tunga
milim biate gamlum henhanna zuaupi taktak hi a;
TOPA eite’ Pasian sung bekah
Israel-te hotkhiatna a om takpi hi.
24 I neu lai-a kipanin i pate sepsa gahte,
a tuuhon - a ganhonte uh,
a tanu a tapate uh a zumhuai a pasiante un
valhtum khin hi. p
25 Maizumin lumcip ni,
i maizumna-in kikhuh ni.
Eite le i pate i nih in
TOPA i Pasian tungah i mawh khin zo hi; q
i neu tunga kipan tuni dong
TOPA eite Pasian thu i mang kei hi,” a ci uh hi. r
Copyright information for
ZomZIV