Psa 27 | ZomZIV | STEP | David phuah TOPA in ka khuavak le ka hotkhiatna ahi hi - kua lau ding ka hi hiam? TOPA ka nuntakna kulh muanhuai ahi hi

Psalms 27

David phuah

1 TOPA in ka khuavak le ka hotkhiatna ahi hi -
kua lau ding ka hi hiam? ^a
TOPA ka nuntakna kulh muanhuai ahi hi - ^b
kua lau ding ka hi hiam?
2 Ka sa ^{▼▼ 2 Ahikeh hong daisak dingin} nawmvalh dingin
migilote hong kuan uh ciang,
ka galte le ka langte in kei hong sim uh ciangin,
amaute kimuktu in a puk ding uh hi.
3 Galkap honin kei hong umcih zongin
ka lunglau kei ding hi; ^d
ka langah gal in hong do zongin tua ciang nangawnin
ka kimuang lai ding hi. ^e
4 TOPA thu khat ka donga
ka zon hih ahi hi: ^f
ka nuntak sung tawntung
TOPA inn sungah ka ten theih nading, ^g
TOPA mel hoihna enin
ama biakinnpi ah amah ka zon theih nading ahi hi.
5 Ahang in, lungkham hunin
ama tenna sungah lungmuangin kei hong kemin, ^h
a biakbuk liim sungah kei hong seel dinga, ⁱ
suangpi khat tungah kei hong koih to ding hi. ^j
6 Tua ciangin hong umcih galte tungsan ah
ka lu kitawisangin ^k
lungdamna aw tawh kiko-in a biakbuk ah biakna ka pia dinga; ^l
la sakin TOPA tungah tumtheih ka tum ding hi. ^m
7 Kong sap ciangin ka aw za in, TOPA aw; ⁿ
kei hong lainat inla hong dawng in. ^o
8 Ka lungtang in, “Ama ^{▼▼ 8 Ahikeh nang tungah, ka lungtang aw, aman hong gen khin zo hi,” kei a zongin} mai zong sin!” hong ci hi. ^q
TOPA, na maitang kong zong ding hi.
9 Na maitang hong seelsan kei inla ^r
na nasempa hehsa-in hong nawhkhia kei in; ^s
kei hong huhpa nang na hi hi.
Hong nolh kei inla zong hong taisan kei in, ^t
ka Honpa Pasian aw. ^u
10 Ka nu le ka pa in hong taisan uh zongin,
TOPA in kei hong sang ding hi.
11 TOPA aw, na zia hong hilh inla;
kei hong nuainette hangin
lampi tang ah kei hong pi in.
12 Ka galte deihna ah kei hong puak kei in;
teci zuaute kei langah pang uh a, ^v
ngongtatna huu a sangkhia uh hi.
13 Hih thu ah ka kimuang lailai hi:
A nungtate gamah
TOPA hoihna ka mu ding hi. ^w
14 TOPA ngak in; ^x
kihatsakin kilungkhauhsak inla
TOPA ngak in.