Psalms 38
David phatna-la khat. Ngetna khat
1 TOPA aw, hehsa in hong taihilh kei inla;thangpaisa in hong sek kei in. a
2 Ahang in, na thaltangte in kei hong sunlet khin-a, b
kei tungah na khut hong tusuk zo hi.
3 Nang thangpaihna hangin ka pumpi dam thei lo a;
ka mawhna hangin ka guhte a khauh kei hi. c
4 Vangik lua mahmah puak bangin d
ka khialhna in kei hong vukcip hi. e
5 Ka hai mawhna hangin
ka liamnate muatin a kihhuai hi. f
6 Hong kiniamkhiat mahmah a g
sunnilohin kun kheukheu-in thumthumsa-in ka vak hi. h
7 Ka nung suk teng na mahmah a; i
ka pumpi tungah a damna mun a om kei hi.
8 Ka tha nem-in hong kinengcip a; j
lunggim lua-in ka tau hi.
9 Ka lunggulhna khempeuh na mai-ah
kong luikhia hi, Topa aw;
ka khuisatna nang kiang pan a kisel kei hi. k
10 Ka dip kuakua a, ka thahatna bei ta hi; l
ka mit nangawn mial ta hi. m
11 Keima liammate hangin
ka lawmte le ka kikholhpihte in hong pel uh a;
ka vengte in gamlapi ah hong omsan uh hi.
12 Ka nuntakna a zongte in a thangte uh siah uh a, n
kei hong nasak nuamte in ka siat nading a kikum uh hi; o
sun nilohin khem hong sawm uh hi.
13 Bangmah a za thei lo bilngongpa ka bang a, p
a kamka thei lo awktawngpa ka bang hi.
14 Khua a za lo, a kam in a dawngkik thei lo pa
ka bang khin hi.
15 TOPA aw, nangmah kong ngak hi;
Topa ka Pasian aw, nong dawng ding hi. q
16 Ahang in, keimah in, “Ka khe a tal ciangin
kei tungah kihisakin kisangsak kei uh hen,” ka ci hi. r
17 Ahang in kei ka puk dekdek a,
ka natna a kam thei kei hi. s
18 Ka khialhna ka pulak a; t
ka mawhna in hong lungkhamsak hi.
19 A thahat ka galte tampi hi uh a,
a thu om lopi-a hong mudah tampitak ahi uh hi.
20 Ka hoihna gitlohna-a hong thukte in, u
a hoih ka zon ciangin hong gensia uh hi. v
21 TOPA aw, kei hong taisan kei in;
hong gamla omsan kei in ka Pasian aw. w
22 Keima Honpa Topa aw,
kei huh dingin hong kuan meng in, x
Copyright information for
ZomZIV