Hebrews 1
God Ana Tur Natun Wanawanan
1Marasika, God i mar maumurih maiyow naatu ef tata’ane dinab oro’orot wanawanahimaim ata a’agir hitenya’ih. 2 aBaise boun iti yomanin it ata veya’amaim, God ana tur etei i Natun sawar etei bai’ukwarin isan rurubin i wanawananamaim na tit eo tanonowar. Naatu i Natun wanawananamaim mar tafaram wanawanan sawar etei God imataren. 3 bNatun biyanamaim marakaw ekukusisiar ana itinin i anababatun God ana fair bonamanamarin tutufin etei ebi’obaiyit. I awan fora’abinamaim, tafaram wanawanan sawar eo himamatar boun hi’in tenan. Naatu sabuw hai bowabow kakafih notawiyen isan bow bisawar ufunamaim, maramaim God ana asukwafune mare, sawar tutufin etei tafahimaim.God Natun I Ra’at
4 cImih Natun i tounamatar etei natabirih, na’atube wabin auman God bitin i tounamatar etei wabih natabir.5 dAnayabin God men kafa’imo ana tounamatar ta isan eo,
“O ayu Natu, o ayu boun o Tamat a matar.”
Na’atube God men kafa’imo tounamatar ta isan eo,
“Ayu nati tounamatar Tamah, O ni’i tounamatar ayu Natu.”
6 eBaise God Natun ana ain tafaramamaim baiyafarinamih ana veya, iti na’atube eo,
“Kwa tounamatar etei boro ayu Natu kwanakwafir.”
7 fNaatu tounamatar isah God iti na’atube eo,
“God ana tounamatar bebeh ya,
naatu ana akirwairafih wairafabe e’asir in ebitakir.”
8 gBaise God Natun isan eo,
“O a aiwob, O God i boro nama wanatowan, wanatowan.
O abonawiyen a sabuw isah boro turobe’emaim inabonawiyih.
9Anayabin o i yawas mutufurin kubiyabow, naatu sawar kakafih o i kubifutuwen.
Isan imih God, o a God arubini yasisir ana bora’ara’aten bit
i ra’at a ofonah etei natabirih.”
10 hGod iban maiye eo,
“Regah O i aneika kamar isinaf matar,
naatu o taiyuw umamaim mar isinaf matar.
11Iti sawar etei boro hini’en, baise o boro na’atuka inama, ar faifuw tibiririk na’atube boro hiniririk.
12Biya baibiyon na’atube boro inanu,
naatu ar faifuw na’atube boro yumatan nabotabir.
Baise o a’itinin i mar etei ta’imon,
naatu ayawas i yomanin en.”
13 iNaatu God men kafa’imo ana tounamatar ta isan eo,
“Iti umau asukwafune inamare inama’am,
kamabiy ana bow a ana sasasamamih babamaim ana ya.”
14 jImih tounamatar i abistan? Tounamatar i wagabur God isan tebowabow naatu God iyafarih ten sabuw iyab God yawas ebit i tibibaisih.
Copyright information for
AAI