Mat 1 | ATA | STEP | Vaikala ane ne anu si'a Iesu Kalisito tamutu'ovuxu. Iesu ne Anu noxou Deviti 'ilusunu, xe Deviti ne anu Avalaamu 'ilusunu.

a 1:1Tav 22:18; 1A'a 17:11

b 1:3Tav 38:29-30; Rut 4:18-22

c 1:5Rut 4:13-17

d 1:62Sa 12:24

e 1:112Ta 22–24; 2A'a 36:10; Iel 27:20

f 1:12Esi 3:2

g 1:18Luk 1:27, 35

h 1:21Luk 1:31, 2:21

i 1:23Ais 7:14

j 1:25Luk 2:21

‏ Matthew 1

Nana sou Iesu

(Luk 3:23-38)

1 ^aVaikala ane ne anu si'a Iesu Kalisito tamutu'ovuxu. Iesu ne Anu noxou Deviti 'ilusunu, xe Deviti ne anu Avalaamu 'ilusunu. 2 Xe Avalaamu 'olu ane Aisaki, xe Aisaki 'olu ane Iakovo, xe Iakovo 'olu ane Iuta ilo'a ta vimovimou, 3 ^bxe Iuta ta 'olu ane Peresi ilou Sela, neni'a ne Tamari, xe Peresi 'olu ane Esuloni xe Esuloni 'olu ane Ramu, 4 xe Ramu 'olu ane Aminadavu, xe Aminadavu 'olu ane Nasoni, xe Nasoni 'olu ane Solomoni, 5 ^cxe Solomoni 'olu ane Boasi xe nenu ane Reebu xe Boasi 'olu ane Oveti, xe nenu ane Rutu, xe Oveti 'olu ane Iesi xe Iesi ne momu ane Tatananu tuala Deviti. 6 ^dXe Tatananu tuala Deviti ne 'olu ane Solomoni, Solomoni nenu ne tei la Ulia semau, 7 xe Solomoni 'olu ane Rovoamu la Rovoamu 'olu ane Avia, Avia 'olu ane Asa. 8 Xe Asa 'olu ane Iosaveti, xe Iosaveti ne 'olu Iolamu, xe Iolamu 'olu ane Usia, 9 xe Usia ne 'olu ane Iotamu, xe Iotamu 'olu ane Axasi, xe Axasi 'olu ane Esekia. 10 Xe Esekia 'olu ane Manase, xe Manase 'olu ane Amoni, xe Amoni 'olu ane Iosia, 11 ^eXe Iosia 'olu ane Ekonia, xe Ekonia ilo'a ta vimovimou. No voxo ane ne ane'i milai mixolu no paxa no tani sou navunavu no tuala tila ne Vaviloni.

12 ^fIli'i no voxo ane ta Isilaeli milai mixolu no tani sou navunavu ne Vaviloni, la Ekonia 'olu ane Salatieli xe Salatieli 'olu ane Seluvaveli. 13 Xe Seluvaveli 'olu ane Aviuti, xe Aviuti ne 'olu ane Eliakimu, xe Eliakimu 'olu ane Asolu, 14 xe Asolu 'olu ane Sadoku, xe Sadoku ne 'olu ane Akimu la Akimu 'olu ane Eliutu, 15 xe Eliutu 'olu ane Eliasa xe Eliasa 'olu ane Matani, ia Matani ne 'olu ane Iakovo, 16 Xe Iakovo ne 'olu ane Iosepu, xe Iosepu anu Malia mulue, la sou Malia mivo'onu Iesu la ane'i mimoxo'u lexe anu Kalisito.

17 La sou Avalaamu ta 'ilusulusunu musoko noxou anu Avalaamu mune'e muxali noxou Deviti la ane'i mixali loxo mavulovexa mo mulelia tami'a, mo musoko noxou Deviti mune muxali no voxo ane'i milai mixolu no paxa no tani sou navunavu no tuala tila ne Vaviloni anu mavulovexa mo mulelia tami'a. Xe musoko no voxo ane ane'i milai mixolu no tanisou navunavu ne Vaviloni mune'e muxali no voxo e Kalisito muxali ne la muxali loxo mavulovexa mo mulelia tami'a.

Malia Mivo'onu Iesu

(Luk 2:1-7)

18 ^gA'alosou Iesu kalisito muxali aloxo. Nenu Malia ane'i misosovosie mukalu sou iuluxu Iosepu ia ilou ixolu ipita uao, ia ane'i mimaisie lexe ane opoone. Keakea ane ne no anu xavi noxou Uleenu Tavuna la mumulaxu no nano no opoone. 19 Mulue Iosepu anu itema mulapu, anu mulomu lexe Malia opoone la anu lexe usuane ia anu umasaxa lexe upamaela ne Malia no ie'i ta mitema uasi, la sou anu umasaxa lexe usu'ane se'isisi. 20 Iosepu uxoo uxavuxavutala la muai pipiena lexe angelo noxou tila muxali noxou la sou muvikalanu aloxo 'o. “Iosepu, nini Deviti 'ilusunu, na'ume mamu nano'e Malia loxo semameni. Nalomu! Molomolo ane muxolu no opoone ne muxali no anu xavi noxou Ulee Tavunasi. 21 ^hAne ivo'onu 'ilie mulu, la nalemolu ualasou lexe Iesu xo Anu sou uxexeenu 'ili'ilixo masua noxi'a ta mitema mo ulivunoxa'a.” 22 Mimii tavu'alo 'o, muxali sou umomosou vaikala vile tila mu'oxonu no anaxa'a ta mitemasou palomatana. 23 ⁱMuvikala aloxo 'o. “Nalomu, sema vile ilou mulu iai ipita uao, ia ane opoone la ivo'onu molomolo mulu vile la ngingi ngamoxo'u ualasou lexe Enmanueli.” (Uala ne laaxu lexe Lataua uxolu nonginge.) 24 No voxo ane Iosepu mutulu la anu mulai mu'oxonu aloxo angelo noxou Tila muvikala nuxu lexe anu uno'e semau. 25 ^jIa ilou iai uasi, mulai muxali no voxo e Malia mivo'onu 'ilie no anu, la sou mumoxo'u ualasou lexe Iesu.