2 Corinthians 6
1Kasike, alik nu Sunbin-Got eso fangfang dakabuluw kunum waneng kebomeluwi, aso nu yulo kitil weng mak bokoyemuwete: Yu kanelom Sunbin-Got em yulo kukuyemse folok ibolow be tutumokoliw te! Babo! 2Nimtew angom? E bokolei, Aisaya e fut tem boko, bokolomele:“Ken ding ati e, ne kom gaanemin be kiliko, wosuli te.
Kulo wosusi ding dim be, ne kulo dokokemeko, finik so kulamin deiw kel mo kokemsi te.”,
angse kasike. Kame yu kilele kililina! Kame em ding kale “Ken ding ati!”, angse ding ete te! Keko beli, kame em nulo “Finik so kulamin deiw mo koyemoki!”, angse beem ding ete te! a
Kalan Kunum im Aluwbameliw em Sang te.
3Nakunum kumel kunum waneng yutaka! Nu kitil kuw keko, mali im kakamin deiw kel kumin koyemin beem mongom mak nam dukuko, kaim daluw te. Babo! Mesik esik mali kawtiw i “Fol em aluwbamin beem sen ete nu kuminuw kai!”, angeko, num aluwbamin beelo kalak dako, desi keyemokoliw kasike. 4Kate nimtew eisneng ete nu aluwuw tewe, aso nu mali kawtiw ilo kilele kukuyemuwete: Aso nu Sunbin-Got em weng afak kunum nute te! Bomeluwi, aso nu diwkuw diwkuw ibolow falit kukuw kuw beem afak kakabuluw te.- Kal ilum ding dim bakate,
- ibolow tilel kemin ding dim bakate,
- sakik ding dim bakate,
- Sunbin-Got em kiin dim e kiol kuw kukuw e,
- ibolow kal ken so kukuw e,
- ibolow falit so kukuw e,
- ibolow kinkin kukuw e,
- ibolow mutuk dulew dulew kukuw e,
- Sunbin-Finik em kitil dim kakamin kukuw e, b
- Gelewsomi, mali kawtiw im aso nulo yemsulbiliw ding dim bakate,
- mali im aso num wiin de mit dakabiliw ding dim bakate,
- mali im aso num dulum elote ibik weng keyembiliw ding dim bakate,
- mali im aso nulo ken sang bakayembiliw ding dim bakate,
- aso num fein weng bakabuluw kate, “Dasuw bakam funum funum kunum ite te!”, yangbiliw ding dim bakate,
Dasuw Got im Deiw so, Sunbin-Got em Deiw so, Bonggu Kolewkemin em Weng te.
14Nakunum kumel kunum waneng yutaka! Yu kanelom fein ibolow kelinba kawtiw iso bongguko, ibolow makmak kelokoliw te! Nimtew angom? Kiol kukuw so, sili sili ibolow kukuw so bonggubinba kekabiliw kasike! Beemdiw, ailbin so, kutiliw so, ikal bonggubinba kekabiliw te. e 15Yu kilele ibolow fukunina! Kulais so, Seten-Ataanim ▼▼6:15 Gilik weng sin e, kale kel Seten-Ataanim em wiin “Belial”, angeko, be te.
so, aso i ibolow makmak kesomi, kalfong so aluwbamin makmak kuw kekabiliw sako? Bayo! Beemdiw, fein ibolow so kunum waneng so, fein ibolow kelinba kawtiw iso, ibolow makmak kelinbakabiliw te. 16Feinka! Yu Sunbin-Got diwkuw diwkuw finik so bin Sunbin-Got em am yol yute te! Nimtew angom? E bokolomele:“Im ibolow mutuk e nem am yol kebomaka! Keko beli, ne iso bomelii, kakamoki te.
Beli, ne im Sunbin-Got kebilii,
isik nem fein kunum waneng kebokoliw te!”,
angse kasike. Angse kate, Sunbin-Got em am yol so, dasuw-got iso ibolow ki makmak keko, binba kekabiliw te. g 17Kasike,
“Kamok Fian e yulo bokoyemomele: 'Yu mali nem ibolow gelewinba kebiliw kawtiw im biliw dim koyem unoliwka!
Koyem unesomeliwi, im dim amen amen kuw keboliwka!', yangakabe te.
Keko beli, yu kanelom Sunbin-Got nem kiin dim ninik so eisneng mak meleleweko, fewtokoko, kemokoliw te!
Keko, bomeliwi, Kamok Fian auk so kitil so Sunbin-Got ne yulo kalfong so nem mit mewso yemde toloki te. h
18Yemde telesomelii, ne yom kalew keyembilii,
yu nem muluwel kebokoliw te.',
auk so kitil so Kamok Fian nete yangbi te.”,
angse kale. i
Copyright information for
BHL