Romans 12
Finik so Deiw ka kel Kakamin em Weng te.
(12:1 - 15:13)
Kun so Kal so Atin Kuw eso Fewtokoko, Bin em Weng te.
1Nem nakunum kumel kunum waneng yutaka! Nu Sunbin-Got em nulo kukuyemkabe ibolow folok kukuw be fein atemkabuluw kasike kame, yu nem weng kalakati kiliko, gelewemoliwka! Yu Sunbin-Got em wiin fian daolewkemin kukuw gelewbomi, yukalem kal so, anggil so, finik so bin so, alik alik be atin kuw elo kuw duleweko, akalem wiin so amkoyemse kunum waneng keko, boliwka! Bomeliwi, e yulo yetemeko, kalfong fian keyemoke te. a 2Keko beli, yu kawin kaleem kawtiw biim kukuw emdiw kanelinba keko, amen amen kuw kakamoliwka! Yu Sunbin-Got em ibolow fukunin beelo kilele dolon kemoliwka! Kemiw tewe, e ki keko, em kitil dim ete yom wa keyemkabe ibolow fukunin be famdes keyemei, yom fukunin e kikis keyemei, yu Sunbin-Got em ibolow ken so, mesesem eisneng sen so banim so, Sunbin-Got em kiin dim e kilinin eisneng so, beem dim ete kuw ibolow fukunkabiliw te.3Yu kililina! Sunbin-Got e nelo ibolow folok kenemeko, finik so aluwbamin dunemse kasike kame, ne beem mongom ete alik alik yulo weng temtem weng mak bokoyemite: Yu kanelom yukalem wiin e emisik keleweko, fian katiw dao kemokoliw te! Kate, yu kilele ibolow fukuneko, Sunbin-Got em yulo amen kuw amen kuw duyemse fein ibolow be yukalem ete kilele diw atemeko, ibolow felit angeko, boliwka! b
4Yu kal dim kaleem fakam weng kale kililoliwka! Nukalem kal dim e makmak kekabe kate, anggil beem anung anung be banso keko, beem aluwbamin bakati amen kuw amen kuw banso kekabe te. c 5Beemdiw, Kulais e kunum waneng banban nulo kuluko, kal makmak em anung anung keyemkabe kasike kame, mali kawtiw yu mali iso kilele fewtokoko, bomi, kanelom mali ilo “Koyemuma!”, yangokoliw te! 6Keko beli, Sunbin-Got e nulo ibolow folok keyemeko, akalem ibolow kuw geleweko, nulo aluwbamin mak amen kuw amen kuw duyemse te. Nulo amen kuw amen kuw duyemkabe aluwbamin be kanekote:
- Mak e Sunbin-Got em bontem dim bakamin e,
- mak e mali kunum waneng ilo dakayemin e,
- mak e Sunbin-Got em kukuyemkabe weng kilele kaleyemin e,
- mak e mali kawtiw ilum fian so kebiliw kawtiw im gengbul kal be dokoyemiwi, im ibolow silel angin kebin e,
- mak e kamok keko, yetebomin em aluwbamin ete te.
- mesesem mesesem eisneng sukum kebiliw kawtiw ilo dokoyemin beem aluwbamin be duyeme tewe, yu kitil keko, ilo banban dukayemboliwka!
- kinkin ibolow duyemin beem aluwbamin be duyeme tewe, yu kalfong so keko, mali ilo dokoyem kemoliwka! d
Ibolow Mutuk Fian em Dukayemin Kukuw em Weng te.
- Yu kanelom kal dim kuw ibolow mutuk fian dukayembokoliw te!
- Yu sili sili kukuw beelo ibolow kaim alel kelewsomi, kukuw ken dim kuw fewtokoko, boliwka!
- Kate, ilo bamki so weng kuw dukayemboliwka! g
- Kate, wiin banim baluw kawtiw iso makuw wanin waneko, kakamoliwka!
- Kate, diwkuw diwkuw kawtiw im kiin dim e ken kiol kuw kukuw beem dulum elote kuw ibolow fukuneko, keboliwka! i
Copyright information for
BHL