Psalms 100
1Милость и суд воспою Тебе, Господи: 2пою и разумею в пути непорочне: когда приидеши ко мне? Прехождах в незлобии сердца моего посреде дому моего. 3Не предлагах пред очима моима вещь законопреступную: творящыя преступление возненавидех. 4Не прильпе мне сердце строптиво: уклоняющагося от мене лукаваго не познах. 5Оклеветающаго тай искренняго своего, сего изгонях: гордым оком и несытым сердцем, с сим не ядях. 6Очи мои на верныя земли, посаждати я со мною: ходяй по пути непорочну, сей ми служаше. 7Не живяше посреде дому моего творяй гордыню: глаголяй неправедная не исправляше пред очима моима. 8Воутрия избивах вся грешныя земли, еже потребити от града Господня вся делающыя беззаконие.
Copyright information for
CSlElizabeth