Mat 1 | DGZ | STEP | Iesu Keriso ani sibabasi mega anenen onin e taueniwa, ap gapan Eibaraam naewa mega yan ge yan onamuin ene Devit yanen. Devit naewa mega yan ge yan onamuin ene Iesu yanen.

‏ Matthew 1

Iesu isimure waiwa

1 Iesu Keriso ani sibabasi mega anenen onin e taueniwa, ap gapan Eibaraam naewa mega yan ge yan onamuin ene Devit yanen. Devit naewa mega yan ge yan onamuin ene Iesu yanen.

2 Eibaraam orup Aisik baraen,
Aisik orup Diekap baraen,
Diekap orup Diuda tase gwani den semon.
3 Diuda orup Peres ge Sara semon inamu Teima,
Peres orup Esiron baraen,
Esiron orup Ram baraen,
4 Ram orup Aminadap baraen,
Aminadap orup Nason baraen,
Nason orup Salomon baraen,
5 Salomon orup Boas baraen inewa Reap.
Boas orup Obet baraen inewa Rut,
Obet orup Diesi baraen,
6 Diesi Ayop Devit baraen,
Devit Yuraya kwapuraewa naise,
gapan Solomon baraen,
7 Solomon orup Reaboam baraen,
Reaboam orup Abaidia baraen,
Abaidia orup Esa baraen,
8 Esa orup Diosapat baraen,
Diosapat orup Dioram baraen,
Dioram orup Usaya baraen,
9 Usaya orup Diotam baraen,
Diotam orup Eas baraen,
Eas orup Esekaya baraen,
10 Esekaya orup Manasa baraen,
Manasa orup Emon baraen,
Emon orup Diosaya baraen,
11 amba Diosaya orup Diekonaya,
gwani wai den semon.
Wam ame gapan at Babilon nagirewa tauan at Isurero nagirewa up tamon at muga ewagai sia entan amon.

12 At Babilon nagirewa up tamon amone,
at muga gan wanumune amba sia entan ewagai
onamone, gapan Diekonaya orup Siatiero baraen,
Siatiero orup Serababero baraen,
13 Serababero orup Abiut baraen,
Abiut orup Elayakim baraen,
Elayakim orup Eso baraen,
14 Eso orup Sedok baraen,
Sedok orup Akim baraen,
Akim orup Eliut baraen,
15 Eliut orup Eliesa baraen,
Eliesa orup Matan baraen,
Matan orup Diekap baraen,
16 Diekap orup Diosep baraen.
Diosep Meri memewa amba Meri Iesu inewa. Amba Iesu Meri potap yanen, me God wa watu eneni Keriso, God om enuni apanewa.

17 Ap gapan, Eibaraam ani sibabasi mega yan ge yan onamuin ene amba Devit yaneni ameme iragi aonagaet pusi nawan degede (14) amba Devit ani sibababasi mega yan ge yan onamuin ene amba at Babilon nagirewa tauan at Isurero nagirewa up tamon amone ameme iragi aonagaet pusinawan degede (14) amba at Babilon up tamon amone nagirewa ame ani sibabasi mega yan ge yan onamuin ene amba Keriso yaneni ameme iragi aonagaet pusinawan degede (14).

Iesu Keriso yaneni guturewa

18 Iesu Keriso anenen yaneni guturewa mam, Me inewa Meri apan Diosep ganganasen dere naine mutapen, go namu tobot ya tane gapan, Meri mek anuni Guewa Posewa Woup Seni amun mega gapan bagup tan. 19 Diosep me apan kakae tamanawa menan Meri umam ya anupen menan karaua ae veat anun, menan me imup ununke uon ae veat anu taiwandin. 20 Go mame anuiwandini, Diosep enok ineni gapan God anea mega da taue anega dien, “Diosep apan Devit ani sibabaseawa, Meri wara naitapen menan pa gega ak, tap ya anu, iwa dim da me potap digumin taniwa ame Guewa Woup Seni amun mega gapan tan. 21 Me orup apan baraepi, amba ge yaua Iesu diai, iwa waenapan mega koewa muga anu ae vepen menan taueta.” 22 Ayop God nop mega namu wani mame iragi tan tavewa venasen ame God no oise waiwandini apanewa gamup anega wan,

23 Waenoro ini denawa bagup tapi,
amba orup apan baraepi, me yaua Imanuero diain,
(Imanuero gueguewa ame God den inanup wandia).

24 Menan, wam ame Diosep enok ine kandae yon wandeni gapan Ayop anea mega anen dieni di tan. Ap menan me waen Meri naisen. 25 Go mu dere wainan da ya inane go mondi iniwanumune aiwandin eni orup apan yanen. Amba Diosep orup ame yaua Iesu dien.