Joh 19:38-42 | EkySCKali | STEP | ꤓꤥ꤭ꤚꤣꤧ꤬ ꤠꤤ꤭ꤢ꤬ꤚꤤꤗꤢꤞꤢꤧꤖꤢꤨ ꤋꤢꤨ꤭ꤡꤛꤥꤎꤢꤧ ꤡꤝꤢꤊꤝꤤ꤭ ꤛꤢꤩ꤬ꤏꤛꤢꤨ ꤢ꤬ꤜꤥ꤭ ꤣꤧ꤭ ꤘꤣ ꤋꤝꤤꤕꤤꤜꤢ ꤢ꤬ ꤥ꤬꤯ ꤋꤢꤨ꤭ꤡꤛꤥꤎꤢꤧ ꤗꤢ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣ꤬ꤖꤚꤢꤩ꤬, ꤗꤢ꤬ꤔꤢꤧꤚꤣꤧ꤬ ꤢ꤬ ꤜꤢ꤭ ꤞꤤꤤ꤬ꤏꤢꤩ꤭ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ꤜ꤫ꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤓꤝꤢ꤭ꤟꤥ꤬ꤓꤝꤢ꤭ꤞꤝꤢꤩ ꤖꤢꤧ ꤜꤢꤨ꤭ ꤋꤥ꤭ꤖꤢꤨꤡ꤫ꤢꤩ꤬ ꤖꤢꤧ꤯ ꤢ꤬ ꤡꤝꤢꤊꤝꤤ꤭ ꤋꤝꤤꤕꤤꤜꤢ ꤣꤧ꤭ꤔꤣꤧ꤬, ꤢ꤬ ꤡꤢꤨ꤭ ꤜꤢꤨ꤭ ꤚꤣꤧ꤬ ꤢ꤬ ꤟꤢꤧ꤭ ꤖꤛꤢꤘꤝꤢ ꤡꤝꤢꤊꤢꤧ꤭ ꤙꤢꤧ꤬ꤡꤢꤩ꤬ ꤢ꤬ꤜꤥ꤭ ꤣꤧ꤭꤯

John 19:38-42

ꤢꤨ꤭ ꤜꤥ ꤛꤢꤩ꤬ꤏꤛꤢꤨ

(ꤗꤢꤞꤢꤧ ꤂꤇:꤅꤇-꤆꤁, ꤗꤢ꤬ꤊꤢꤨ ꤁꤅:꤄꤂-꤄꤇, ꤜꤢꤨꤊꤢ꤬ ꤂꤃:꤅꤀-꤅꤆)

38 ꤓꤥ꤭ꤚꤣꤧ꤬ ꤠꤤ꤭ꤢ꤬ꤚꤤꤗꤢꤞꤢꤧꤖꤢꤨ ꤋꤢꤨ꤭ꤡꤛꤥꤎꤢꤧ ꤡꤝꤢꤊꤝꤤ꤭ ꤛꤢꤩ꤬ꤏꤛꤢꤨ ꤢ꤬ꤜꤥ꤭ ꤣꤧ꤭ ꤘꤣ ꤋꤝꤤꤕꤤꤜꤢ ꤢ꤬ ꤥ꤬꤯ ꤋꤢꤨ꤭ꤡꤛꤥꤎꤢꤧ ꤗꤢ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣ꤬ꤖꤚꤢꤩ꤬, ꤗꤢ꤬ꤔꤢꤧꤚꤣꤧ꤬ ꤢ꤬ ꤜꤢ꤭ ꤞꤤꤤ꤬ꤏꤢꤩ꤭ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ꤜ꤫ꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤓꤝꤢ꤭ꤟꤥ꤬ꤓꤝꤢ꤭ꤞꤝꤢꤩ ꤖꤢꤧ ꤜꤢꤨ꤭ ꤋꤥ꤭ꤖꤢꤨꤡ꤫ꤢꤩ꤬ ꤖꤢꤧ꤯ ꤢ꤬ ꤡꤝꤢꤊꤝꤤ꤭ ꤋꤝꤤꤕꤤꤜꤢ ꤣꤧ꤭ꤔꤣꤧ꤬, ꤢ꤬ ꤡꤢꤨ꤭ ꤜꤢꤨ꤭ ꤚꤣꤧ꤬ ꤢ꤬ ꤟꤢꤧ꤭ ꤖꤛꤢꤘꤝꤢ ꤡꤝꤢꤊꤢꤧ꤭ ꤙꤢꤧ꤬ꤡꤢꤩ꤬ ꤢ꤬ꤜꤥ꤭ ꤣꤧ꤭꤯ 39 ꤋꤢꤨ꤭ꤔꤤ꤬ꤊꤢ꤬ꤘꤢꤩꤗꤢꤨ꤬ ꤋꤚꤝꤢ꤭ꤡꤝꤢꤊꤣꤧ꤭ ꤔꤢꤧ ꤢ꤬꤯ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤟꤢꤧ꤭ ꤥ꤬ꤜꤢꤩ꤭ ꤊꤣꤧ꤭ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤘꤣ ꤗ꤫ꤢꤪ꤬ꤋꤤꤋꤢꤩ꤭ ꤘꤣ ꤢ꤬ꤚ꤫ꤣꤧ꤬ꤋꤢꤩ꤭ ꤔꤣꤧ꤬ꤒꤣ꤬ꤖꤚꤢꤩ꤬ ꤗꤢ꤬ ꤋꤢꤨ꤭ꤔꤤ꤬ꤊꤢ꤬ꤘꤢꤩꤗꤢꤨ꤬ ꤟꤣꤧ꤯ ꤢ꤬ ꤖꤛꤢꤟꤢꤧ꤭ꤔ꤫ꤤ꤬ ꤜ꤫ꤢꤩ꤬ꤕꤜ꤫ꤥ꤬ ꤔꤥ꤬ꤗꤢꤦ ꤔꤣꤧ꤭ꤡꤣ꤬ ꤘꤣ ꤢꤨ꤭ ꤢꤩ ꤔꤢꤧ, ꤗꤢꤨꤚꤢ꤬ ꤔꤢꤧ ꤢ꤬ꤜꤢꤨꤎꤢ꤬꤯ ꤢ꤬ ꤜꤢꤧ꤬ꤓꤥ꤬ꤔꤣꤧ꤬, ꤢ꤬ ꤖꤢꤦ꤬꤮ ꤥ꤬ ꤡꤣꤧ ꤔꤣꤧ꤭ꤏꤣꤧ꤭ ꤔꤢꤧ ꤍꤢꤧ꤭ꤡꤝ꤫ꤢꤩ꤬ ꤡꤣꤧ꤯ ^a 40 ꤛꤢꤩ꤬ꤞꤤ꤭ ꤣꤧ꤭ꤞꤤꤔꤣꤧ꤭ ꤖꤛꤢ ꤛꤢꤩ꤬ꤏꤛꤢꤨ ꤢ꤬ ꤜꤥ꤭ꤣꤧ꤭ ꤚꤣꤧ꤬ ꤢ꤬ ꤙꤥ꤬ ꤒꤣꤧ꤬ꤜꤢꤨ꤭ ꤔꤢꤧ ꤤ꤬ꤊꤢꤩ꤭ ꤙꤢꤧꤕꤜꤤ꤭ ꤒꤣ꤬ꤙꤢ꤬ ꤚꤣꤧ꤬ ꤢ꤬ ꤙꤥ꤬ꤙꤤ ꤒꤣꤧ꤬ꤜꤢꤨ꤭ ꤒ꤫ꤣ꤬ ꤜꤢꤨ꤭ ꤔꤢꤧ ꤒꤢꤩ꤬ꤔꤥ꤬ꤗꤢꤦ ꤔꤣꤧ꤬ꤒꤣꤧ꤬ꤟꤢꤩ꤬꤯ ꤛꤢꤨꤘꤢ꤬ꤖꤢꤨ ꤢ꤬ꤜ꤫ꤢꤩ꤬ꤊꤜꤥ꤭ ꤜꤥ ꤜꤥ꤭ ꤔꤣꤧ꤬ꤗꤢ꤬ ꤢ꤬ ꤗꤢꤩ꤬ ꤜꤢ꤭ꤋꤢꤧ꤭ ꤟꤢꤨꤔꤣꤧ꤬꤯ 41 ꤙꤣꤧ ꤢꤨ꤭ ꤜ꤫ꤢꤩ꤬ꤗꤢꤦ꤭ꤞꤣꤧ꤭ꤓꤢꤧ꤬ ꤛꤢꤩ꤬ꤏꤛꤢꤨ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ꤜꤥ꤬ ꤢ꤬ꤊꤢꤧ꤭ꤏꤢꤔꤣꤧ꤬, ꤊꤢꤨꤊꤜꤢꤩ꤭ ꤥ꤬ ꤒꤣ꤬ꤜ꤫ꤢꤩ꤬꤯ ꤘꤣ ꤊꤢꤨꤊꤜꤢꤩ꤭ ꤔꤣꤧ꤬ꤒꤣ꤬ꤜ꤫ꤢꤩ꤬ ꤢ꤬ꤊꤢꤨ꤭ꤔꤣꤧ꤬, ꤢꤨ꤭ ꤋꤢꤦ꤬ꤊꤢꤨ꤭ꤔꤥ꤭ ꤥ꤬ꤞꤢꤩ꤭ ꤜꤥ꤭ꤊꤢꤨ꤭ ꤒꤣ꤬ꤊꤢꤨ꤭ ꤘꤣ ꤜ꤫ꤢꤪ꤬ꤊꤢꤨ꤭, ꤚꤣꤧ꤬ ꤢꤨ꤭ ꤜꤥꤔꤢꤪ ꤜꤢ꤭ꤟꤤ ꤔꤢꤧ ꤜꤥ꤭ꤒꤣ꤬ꤖꤚꤢꤩ꤬꤮ ꤒꤥ꤬꤯ 42 ꤙꤣꤧꤔꤣꤧ꤬ ꤒꤣ꤬ꤔꤣꤧ꤭ꤔꤣꤧ꤬ ꤢ꤬ꤒꤥ꤭ ꤔꤢꤧ ꤗ꤫ꤢꤪ꤬ꤔꤣꤧ꤭ ꤘꤣ ꤢꤨ꤭ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤥ꤬ꤔꤢꤩ꤬ ꤏꤢꤕꤣꤧꤚꤥ꤬ ꤛꤢꤨꤘꤢ꤬ꤖꤢꤨ ꤢ꤬ꤗ꤫ꤢꤪ꤬ꤔꤣꤧ꤭ꤘꤥ꤬ ꤔꤣꤧ꤬ꤒꤣ꤬ꤔꤣꤧ꤭, ꤓꤥ꤭ꤒꤥ꤬ ꤜꤥ꤭ꤊꤢꤨ꤭ ꤜꤢ꤭ ꤥ꤬ꤖꤢꤦ꤬ ꤙꤣꤧꤔꤣꤧ꤬ ꤒꤣ꤬ꤊꤢꤨ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤛꤢꤩ꤬ꤞꤤ꤭ ꤡꤝꤢ ꤜꤥꤔꤥ꤭ꤊꤢꤧ꤭ ꤜꤢꤨ꤭ ꤙꤣꤧꤔꤣꤧ꤬꤯