1 Corinthians 11

1ฮู๊เนอเรอ, แม๊บือเกอ แลแค แว ฮู๊ แว แม๊บือ ครี๊ เนอ. ^a

เบ๊อะจ๊อเบ เบ๊อะเนอ รอเร๊อ แลแค ซี เตแด่ ซิปล่อสู่เทอ เต๊เห่

2ซี ซิเหน่แถ่เบ่ โต่ แว ปว๋า โพ๊, โท๊โต่ ซี ครวาเม ฮู๊ อู อิซว๊าแก แว เร๊อ แว อิซว๊า แฮเง เป่ ซี เนอเต๊เห่ อาขว่าอาคยา, แว ถู่เซ๊ เกอเร๊อ แหน่เจ๊อ ซี.

3หม่าแน๊เรอ แว ซิหยื่อ นอ ซิเงโปล แร๊ เกอ โป่ ซี เร๊อ ครี๊ หม่า เพรคู เต๊เห่ อากู่กล๊อ. เร๊อ เว หม่า อา ทวา เม อากู่กล๊อ, เร๊อ จอแปแหร่ หม่า อา ทวา ครี๊ อากู่กล๊อ. 4ฮู๊เนอ อาขว่าอาคยา, เก่ เพรคู เตเพรเพร ซิหยื่อ กุยจ๊อเบ เด๊อ เตจ๊อเบโฮกู เบ่เบ่ หม่าโต่เรอ อา เก่ ซิหยื่อ แด๊โฉ่โด่แน โล เป่ อู เร๊อ โหง่ เด๊อ จอแปแหร่ นอเฮ๊โล ลู เออเต๊เห่ เด๊อ เตจ๊อเบโฮกู เนอ เบ่เบ่, อา เก่ โก่ บี่หนิ อากู่กล๊อ เฮ๊เนอ, อา แซ่ เฮ๊อ เร๊อ อา แด่หยื่อแด่แหน่ ครี๊ โต่ เนอ เฮ๊อ. 5เพรเหมาะ เต๊เห่ อาเง เกอลาติ เนอ, อา เก่ กุยจ๊อเบ เด๊อ เตจ๊อเบโฮกู เบ่เบ่ หม่าโต่เรอ อา เก่ แด๊โฉ่โด่แน เป่ อู เร๊อ โหง่ เด๊อ จอแปแหร่ นอเฮ๊โล ลู เนอเต๊เห่ เด๊อ เตจ๊อเบโฮกู เบ่เบ่, อา เก่ โก่ บี่หนิ อากู่กล๊อ โต่ เฮ๊เนอ, อา แซ่ เฮ๊อ เร๊อ อา แด่หยื่อแด่แหน่ อาเว โต่ เฮ๊อ. โท๊โต่ อา แซ่เฮ๊อ เร๊อ เพรเหมาะ เด๊อ อา จี่ เตอเล๊อ อากู๊โล เตเพร เร๊อ อา ทวาแถ่ เตซิเตเร เนอ เฮ๊อ. 6เพรเหมาะ เด๊อ อา ซิหยื่อ โก่ บี๊ อา กู่กล๊อ โต่ เตเพรเพร เนอ, อา โต จี่ เตอเล๊อแก อากู๊โล หม่า อาแร๊เล๊อ. หม่าแน๊เรอ จี่ เตอเล๊อแก เร๊อ ซิเตเร แพ๊ อา เก่เฮ๊เรอ, โก่ บี๊แก อากู่กล๊อ หม่า อาแร๊เล๊อ. 7หม่าแน๊เรอ เพรคู เกอลาติ เร๊อ เบ๊อะอา จ๊อบู่จ๊อเบ เต่อ เร๊อ อู เบ๊อะเนอ, อา โต โก่ บี่หนิ อากู่กล๊อ โต่. เมเตเฮ๊เรอ จอแปแหร่ แบ๊ตา เพรคู เออเนอ แซ่เน๊อ อาเหน่ อาขว่าอาคยา, เพรคู หม่า จอแปแหร่ อา เตอเรอดุเตอเรอทู, หม่าแน๊เรอ เพรเหมาะ หม่า เพรคู อา เตอเรอดุเตอเรอทู. ^b 8เมเตเฮ๊เรอ เบ๊อะจอแปแหร่ แบ๊ตา เพรคู เบ๊อะเนอ, อา พย๊า เพรเหมาะ อาครืออาขรว่า เร๊อ อา แบ๊ตา ลู หม่าโต่. หม่าแน๊เรอ เบ๊อะอา แบ๊ตา เพรเหมาะ เบ๊อะเนอ, อา พย๊า เพรคู อาครืออาขรว่า เร๊อ อา แบ๊ ลู. ^c 9ฮู๊เนอเรอ เด๊อ เพรเหมาะ อาขว่าอาคยาเร๊อ จอแปแหร่ แบ๊ตา เพรคู หม่าโต่. หม่าแน๊เรอ แซ่ฮู๊ เพรคู เก่ หนิซว๊าหนิโค อาเงเนอเรอ, อา แบ๊ตา เพรเหมาะ แพ๊. 10แซ่ฮู๊ ม๊อขุเตเน่วพู๊ เต๊เห่ เก่ ซิเง เร๊อ เพรเหมาะ เต๊เห่ โอ่ แลแค เร๊อ อา เตอเรอฉว่าชอ อาเงเนอ, อา โตเบ่ โก่ บี๊ แลแค อากู่กล๊อ. เหย่ซี โก่ เบ๊อะอากู่กล๊อ เออเนอหมา อา เด๊อะโล เตม๊าเตแด เต๊อเจ่อ เด๊อ อา กุยจ๊อเบ เบ่เบ่, อา แด๊โฉ่โด่แน จอแปแหร่ อาลาอาโหง่ เบ่เบ่, อา โอ่ เร๊อ อา เตอเรอฉว่าชอ ฮู๊เนอ.

11ฮู๊เตเต๋ เบ่เบ่, ล๋อ แกแย เด๊อ อา ทวาแถ่ เฮ๊อ เตเตอเจ๋อ แพ๊ เน๊อ แบ่เจ่ เต๊เห่เนอ, เพรคู เบ่เบ่, เพรเหมาะ เบ่เบ่, เตเพร เน๊อ เตเพร อา โหล่แหน่ ลูแพ๊. 12เป โหล่ เร๊อ ลู เตเพร เร๊อ เตเพร เนอหม่า อา หม่าแหน่ เจ๊อ. เมเตเฮ๊เรอ จอแปแหร่ พย๊า เพรคู อาครืออาขรว่า เร๊อ อา แบ๊ตา เร๊อ เพรเหมาะ. หม่าแน๊เรอ เพรคู เนอ, อา โอ่เป๊เจ่แล เกอ แพ๊ เด๊อ เพรเหมาะ อาฮ๊อกู ปว๋า เตเพร แพ๊. เพร เด๊อ อา นอทวาแถ่ ลอ เตปว๋า เต๊อเจ่อ เออเตเพร เนอหม่า จอแปแหร่ แพ๊. 13ซี เตเนแม๊มอ, เพรเหมาะ เตเพร แฮ จ๊อเบ เด๊อ เตจ๊อเบโฮกู เร๊อ อา เก่ โก่ บี่เร๊อ อากู่กล๊อ โต่ เฮ๊เนอ, อาแร๊โต่ เนอหม่า ซี ซิเงดื่อ เฮ๊อ. 14อู เหล่โกล เฮ๊ เนอ, เพรคู เด๊อ อา แด่ทู อากู๊โล เนอ, อา ทวา เตซิเตเร เด๊อ ลูเง. 15หม่าแน๊เรอ เพรเหมาะ เด๊อ อา แด่ทู อากู๊โล เนอ, อาตว่าอาแร๊ เด๊อ ลูเง, อู เฮ๊ ฮู๊เนอ แวเฮ๊โต่? 16หม่าแน๊เรอ, แว เฮ๊ ฮู๊เออ เร๊อ เด๊อ ซีเกล เนอ, แกแย เด๊อ อาซิปล่อ โต เกอ โต่ เนอ อาโอ่ เต๊เห่. เต เด๊อ แว ซิหยื่อ เฮ๊ เหย่ซี เนอหม่า ฮู๊เตเฮ๊เร๊อ, เป เพรโด่แนพู๊ เต๊เห่ อิซว๊าโค๊ เป่ อู เร๊อ เหล่โกลเหล่แบ่ เด๊อ อาโรเนอ อาโอ่ เตอเจ๋อ โต่. โท๊โต่ เพรหยื่อเอ่ เออ เด๊อ อา โอ่ เด๊อ วี เบ๊อะเต๋ ตีวี อากู เต๊เห่เนอ เบ่เบ่, เบ๊อะเหย่ซี จ๊อเบ เบ๊อะเนอ, อา เมแซ่ เกอ ลอ ฮู๊เนอ แพ๊.

เบ๊อะโครินธ์พู๊ เต๊เห่ เอ่โอ แลแค แบ่เจ่ เตเอ่โอ บูโพ๊ เหมาะเฮ๊ เบ๊อะเนอ, อา เมซื๊อ แลแค เต

17โทเรอ แว ซิหยื่อ อิซว๊า เป่ โป่ ซี เนอ อาโอ่ ปา เต๊เห่. แว เตเร อิซว๊า เป่ โป่ ซี เออเนอ, แว เก่ ถู่เซ๊ เกอเร๊อ ซี เมเต เออเต๊เห่เนอ อา โอ่ เตอเจ๋อ โต่, เมเตเฮ๊เรอ เบ๊อะซี จ๊อบู่จ๊อเบ โหร่ลู เบ๊อะเนอ, ซี โตเม เต เด๊อ อาแร๊เล๊อ เต๊เห่ หม่าแน๊เรอ ซี ลื๊อลื๊อ เมเด๊ออา มู๊แหม่ เล๊อ เต๊เห่เห่. 18อาเหร่อเล๊อ เต๊อเจ่อ หม่า หม่าเฮ๊อ ซี แฮ จ๊อบู่จ๊อเบ เต่อลู บ๊อเคเต๋ เบ่เบ่ เนอ, ซี ซิปล่อ ลูโค๊คยาลู, อู เฮ๊ เป่ แว ฮู๊เนอ. ฮู๊ อู เฮ๊ เป่ แว เนอ แว หยื่อเอ่ เร๊อ เต๊เห่เห่ หม่า อาโต แหน่ แพ๊. 19แซ่ฮู๊ อู เก่ แม๊เถอะ ซิเง เร๊อ แกแย เต๊เห่ หม่า อา หยื่อเอ่ หม่า แอ, หม่าโต่ แอ เนอ, ซิปล่อ ลูโค๊ลู เออเนอ อา เบ่ โอ่แถ่ แหน่ แพ๊. 20เบ๊อะซี แฮ เอ่โอ โหร่ลู แบ่เจ่ เตเอ่โอ บูโพ๊ เหมาะเฮ๊ เบ๊อะเนอ, ซี เอ่โอ แซ่ปา เจ๊อ เร๊อ อู เอ่โอ แบ่เจ่ เตเอ่โอ บูโพ๊ เหมาะเฮ๊ โต่. 21เมเตเฮ๊เรอ, ซี แฮ เอ่โอ แบ่เจ่ เตเอ่โอ บูโพ๊ เหมาะเฮ๊ บ๊อเคเต๋ เบ่เบ่ เนอ, ซี แฮ เอ่ก๊อโอบา เกอเร๊อ เหร่อลอ เหล่เอ่เหล่โอ เต๊เห่, ซี แด่แก เป่ เกออู โต่. แกแย โอ่วีเอ่ เนอ อาโอ่ เต๊เห่. แกแย เด๊อ อา เอ่มือโอแพร๊ เนอ อาโอ่ เต๊เห่. 22ซี เอ่ แลแค เด๊อ ซีหี่ โต่หม่า ซีหี่ โอ่ แหน่ โต่ แอ? หม่า ซี ซิหยื่อ เมมุยแลปี จู๊แก่ แหน่ เฮ๊อ ล๋อ เพรหยื่อเอ่ เออ เออเต๊เห่ อามุย แหน่ เฮ๊อ แอ? หม่า ซี ซิหยื่อ เม ซิเตเรแก แกแย โซพ๊าโซแร เนอเต๊เห่ แอ? แว เตเร เฮ๊ ปา ซี ฮู๊เต? แว โตเบ่ ถู่เซ๊ เกอเร๊อ ซี แอ? เหล่ถู่เซ๊ เกอเร๊อ ซี เนอ อาโอ่ เตอเจ๋อ โต่.

23เมเตเฮ๊เรอ, เต เด๊อ ซี เม เต๊เห่เนอ, อาแซ่เน๊อ ฮู๊ แบ่เจ่ เหย่ซู่ อิซว๊าแก เป่ แว เนอเต๊เห่ โต่. เต เด๊อ อา อิซว๊าแก เป่ แว เต๊เห่เนอหม่า, แว อิซว๊า เป่ เกอ ลอ โทเฮ๊อ ซี เฮ๊อ. แว อิซว๊า เป่ ซี เนอ, เบ๊อะอู อิเชตาแก เฮ๊อ แบ่เจ่ เหย่ซู่ เนอเตเฮ๊ เบ๊อะเนอ, อา พย๊าแถ่ ค๊อมู, 24เร๊อ อา เฮ๊บุ๊ยเฮ๊เตอเรอแถ่ จอแปแหร่, โทเรอ อา บิเพ๊กยา ค๊อมู เร๊อ อา เฮ๊ เน๊อ, “เออ หม่า แว เหน่กล่อ เด๊อ อา เด๊อะแลแก เด๊อ ซีเง. แซ่ฮู๊ ซี เก่ ซิเงแถ่เบ่ โต่ แว ปว๋า โตโพ๊ เนอเรอ, เม แลแค ฮู๊เออ ปว๋า โตโพ๊ นี๋.” 25เหย่ซี เอ่โท ค๊อมู เร๊อ, อา พย๊าแถ่ลาติ แท๊ทือเส่เทอเบ เร๊อ อา เมแซ่ เกอ ฮู๊ อา เมเหร่อ เนอ, เร๊อ อา เฮ๊ เน๊อ, “แท๊ทือเส่เทอ เออเนอหมา หม่าเฮ๊อ จอแปแหร่ เตอ๊อแล อาเซ อา เตม๊าเตแด เต๊อเจ่อ. ^d จอแปแหร่ เมหม่าเมกลอ ตาเตแก โทเฮ๊อ เตอ๊อแล เออเนอ เร๊อ แวสุ่ย เด๊อ อา ทุ๊ยตา เด๊อ ซิเง เออเนอ เฮ๊อ. ซี โอ แท๊ทือเส่เทอ เออ เบ๊อะเกเต๋ เบ่เบ่เนอ, แซ่ฮู๊ ซี เก่ ซิเงแถ่เบ่ โต่ แว ปว๋า โตโพ๊ เนอเรอ, เม แลแค ฮู๊เออ เนอ นี๋.” ^e 26ซี เอ่ ค๊อมู เร๊อ ซี โอ แท๊ทือเส่เทอ เด๊อ เบกูเออ เบ๊อะเกเต๋ เบ่เบ่ เนอ, ซี แด๊โฉ่โลแถ่ เฮ๊อ แบ่เจ่ อาเตเซอ อาหรี่อาแก โต่ เฮ๊อ เด๊อ อา แฮ คยาแซ๊ ปา โตโพ๊ เนอ เฮ๊อ.

27ฮู๊เนอเรอ, อูเปเป๋ เบ่เบ่ เด๊อ อา เอ่ ค๊อมูเออ เร๊อ อา โอ แบ่เจ่ อาเทอเบ เด๊อ เตแด่ซิแหน่ซิเตเร ลู โต่ เต๊เห่เนอ, อา เมซื๊อ เฮ๊อ แบ่เจ่ อาเหน่กล่อ เร๊อ อาสุ่ย เออเนอ เฮ๊อ. 28ฮู๊เนอเรอ เน โต แด๊เฮอแล แม๊เกอเร๊อ ดื่อ เนเหน่, เร๊อ เน โต เอ่โหน่ ค๊อมู, โอโหน่ แท๊ทือเส่เทอ เด๊อ เบกู เออเนอ. 29เบ๊อะซี เอ่ ค๊อมู, ซี โอ แท๊ทือเส่เทอ เออ เบ๊อะเนอ, ซี เบ่ เตเน ตาเต โต่ ครี๊ อาเหน่กล่อ อาโหง่แลช๊า เออเนอ. ซี เก่ เตเน ตาเต โต่ เฮ๊เนอ, จอแปแหร่ เก่ ปลี๊ ซี ปา. 30เด๊อ ซี เตเน ตาเต แลแค ฮู๊เนอ โต่ อาขว่าอาคยา, เด๊อ ซีเกล เนอ, แกแยชู๊ยแกแยเช เต๊เห่ หม่า อาโอ่ เอ๊เอ๊, แกแย อ๊าเจ่เหร่เจ่ เต๊เห่ หม่า อา โอ่ปลูโอ่เผ่เผ่, แกแยเซอ หม่า อาโอ่ เต๊เห่เห่. 31ซี เก่ แด๊เฮอแล แม๊เหร่อเล๊อ ดื่อ ซีเหน่ เฮ๊เนอหม่า, จอแปแหร่ ปลี๊ ซี โต่. 32ช๋า จอแปแหร่ เมจากาคยา แกแย เด๊อ อา หยื่อเอ่ ลู โต่ เนอเต๊เห่ อาเคปาเนอ, แซ่ฮู๊ อา เก่ เมจากาคยา ปา เต่อเกอ เป เร๊อ เหย่ซี แต่เหม่ เนอ, อา อิซว๊า เกอเร๊อ เป, อา ปลี๊ เกอเร๊อ เป ฮู๊เออ เนอแพ๊.

33ฮู๊เนอเรอ, แว โคแบ๊ซว๊า ซี๋, เบ๊อะซี แฮโอ่ปล๊อ ลู เด๊อ ซี เก่ เอ่ปล๊อโอ่ปลูโร๊ลู แบ่เจ่ เตเอ่โอ บูโพ๊ เหมาะเฮ๊ เบ๊อะเนอ, โอ่ยวาโอ่ป่อ เร๊อ ลู เตเพร เร๊อ เตเพร เร๊อ เอ่ปล๊อโอ่ปลูโร๊ลู. 34หม่าแน๊เรอ เบ๊อะซี เอ่โอ แบ่เจ่ เตเอ่โอ บูโพ๊ เหมาะเฮ๊ เบ๊อะเนอ, เด๊อ ซีเกล เนอ, แกแย เตเพรเพร เก่ ซิเอ่ซิโอ ลาเล๊ เฮ๊อ เก่เฮ๊เรอ แซ่ฮู๊ จอแปแหร่ เก่ ปลี๊ ซี โต่ เนอ, ซี โตเบ่ เอ่โอ แฮ เหร่อ แลแค เด๊อ ซีหี่.

เต เด๊อ แว โหล่ เฮ๊ อิซว๊าอี๊แส่ ซี เนอ อาโอ่ ปา เต๊เห่, หม่าแน๊เรอ แว เก่ เฮ๊ เป่ ซี ช๋า แว แฮโต่ เด๊อ ซี โอ่ ปา.