1 Thessalonians 1
1เป หม่า คูเปาโล, คูสิลาส, ▼▼กรีกโหง่ หม่า อา เฮ๊ เร๊อ “คูสิลวานัส”
เร๊อ คูทิโมธี. เป ราจว๊า โหร่ลู ลีเออต๊าบ่า เด๊อ ซี เธสะโลนิกา เพรหยื่อเอ่เต ตู๊หมู่ตอกล๊อ เต๊เห่ อา โอ่. b ซี เธสะโลนิกา เพรหยื่อเอ่เต ตู๊หมู่ตอกล๊อ เต๊เห่ หม่า เพ จอแปแหร่ เร๊อ แบ่เจ่ เหย่ซู่ครี๊ อาแกแย เต๊เห่ เฮ๊อ. เตบุ๊ยเตเตอเรอ เร๊อ เตตู๊จุเตอเจ๊อ เก่ โอ่เกอดื่อ เร๊อ ซี นี๋. เธสะโลนิกา เพรหยื่อเอ่เต ตู๊หมู่ตอกล๊อ เต๊เห่ อา เตโอ่เซอเพร เร๊อ อา เตหยื่อเตแหน่
2เบ๊อะเป กุยจ๊อเบ เด๊อ ซี ล๋อ ปลีเง เบ๊อะเนอ, เป เฮ๊บุ๊ยเฮ๊เตอเรอ จอแปแหร่ ปว๋า โตโพ๊ เจ๊อ. 3เด๊อ ซี เตหยื่อเตแหน่ อาขว่าอาคยา, ซี เมเต อาทวาอาเถ่, เด๊อ ซี เตโมเร๊อ อู อาขว่าอาคยา, ซี ครือเม เต. เร๊อ เด๊อ ซี โอ่ เร๊อ เตแม๊ชือ เด๊อ เป แบ่เจ่ เหย่ซู่ครี๊ อาโอ่ อาขว่าอาคยา, ซี แด่ทูซิปล่อเบ๊ เตเมจาเมจือ ซี เต๊เห่. เบ๊อะเป กุยจ๊อเบ เด๊อ เปเพ จอแปแหร่ โอ่ เบ๊อะเนอ, ล๋อ ซี เมเต เออเต๊เห่เนอ, เป โชตาปา เป่ปา เจ๊อ โต่ เจ๊อ. 4โป่แหว่ เด๊อ จอแปแหร่ โมหนิเร๊อ ซี, เป ซิเง เร๊อ ซี หม่า แกแย เด๊อ จอแปแหร่ นว๊าแถ่หนิ ซีเต๊เห่ เฮ๊อ. 5เมเตเฮ๊เรอ เป พย๊าแฮ เป่ ซี เตซิครือมีลา เออเนอหมา ตื๊อแพ๊ เป กู๊อู่ อา เตเฮ๊เบ่ เนอหม่าโต่. เตซิครือมีลา เออเนอหมา, อาโอ่ เร๊อ อา เตอเรอฉว่าชอ, อาโอ่ เร๊อ แหย่โยบูโพ๊ แบ่เจ่, อาโอ่ เร๊อ เตหยื่อเอ่ ลอหล่าตี๊กลิ เตซิครือมีลา อา เตจ๊อเตเต เออเต๊เห่. เร๊อ เบ๊อะเป โอ่เกอ เร๊อ ซี เบ๊อะเนอ, เป หม่า แกแย ฮู๊เต เต๊เห่เนอหม่า, ซี ซิเง โทดื่อเฮ๊อ. เออเนอหมา เป โอ่เซอเพร เป่ เด๊อ ซี เหล่หนิบุ๊ย หนิเตอเรอ อาเง แพ๊. 6ซี แม๊บือ เป เร๊อ แบ่เจ่ เร๊อ อู เมจาเมจือ แหน่เจ๊อ ซี, หม่าแน๊เรอ ซี ซิครือซิลอ พย๊าฉื่อปา เตซิครือมีลา. เบ๊อะซี พย๊าฉื่อ เตซิครือมีลา เบ๊อะเนอ, แหย่โยบูโพ๊ แบ่เจ่ เม ซิครือซิลอ เป่ ซี เฮ๊อ. c 7ฮู๊เนอเรอ ซี ทวาแถ่ เป่เฮ๊อ แกแย เด๊อ อา หยื่อเอ่แหน่ ครี๊ เด๊อ อา โอ่ เด๊อ มาซิโดเนีย เก่กู เนอเต๊เห่ เร๊อ อาคายาเก่กู เนอเต๊เห่ อาเหล่แม๊บือ เฮ๊อ. 8เมเตเฮ๊เรอ แบ่เจ่ อา เตซิครือมีลา เด๊อ ซี แด๊โฉ่โด่แน เป่ อู เออเนอ, อา โล จว๊าโต่ ตื๊อแพ๊ เด๊อ มาซิโดเนียเก่ เร๊อ อาคายาเก่กู เนอหม่าโต่. ซีมีลา เด๊อ ซี หยื่อเอ่แหน่ จอแปแหร่ อาหรี่อาแก เออเนอ, อา โลปีซี จว๊าโต่ เกอลอ เจ๊อเฮ๊อ เด๊อ เหล่โอ่ ปว๋า โต๊โผ่ เฮ๊อ. ฮู๊เนอเรอ ซี เตหยื่อ อาหรี่อาแก เออเนอ, เป โหล่ โด่แน เป่ปา อู เตเพร่ว โต่ เฮ๊อ. 9เบ๊อะเป แฮ โอ่เล เกอ ซี เบ๊อะเนอ, ซี เอ๊โมฉื่อ แลแค เป ฮู๊เตเนอ, ล๋อ แกแย โอ่ เบ๊อะเนอ เต๊เห่ โด่แน เป่ ลอปลี เฮ๊อ เป. อา โด่แน เป่ เป เร๊อ แซ่ฮู๊ ซี เก่ เมเกอ จอแปแหร่ เด๊อ อา เซอเพร เร๊อ อาจ๊ออาเต หม่าแหน่ เออเตเพร อา เตเมเนอ, ซี วี๊แก แก ลอ เจ๊อ ซี เตจ๊อเบ เตแหย่โย เต๊เห่ เจ๊อ. 10โทเรอ จอแปแหร่ อาพู๊คู เหย่ซู่ เด๊อ อาเพ เม ก๊อถ่อ เซอเพร กาคยา คยาแซ๊ ลู เด๊อ เตเซอ เออเตเพร เก่ แฮแล คยาแซ๊ เด๊อ ม๊อขุ ปาเนอ, ซี โอ่ป่อแม๊ชือ แลแค ฮู๊เต เนอ เหย่ซี เฮ๊ ลอปลี เป่ เป. เหย่ซู่ หม่า เพร เมแลเปล๊กา เฮ๊อ เป เร๊อ จอแปแหร่ อา เตซิปล่อดุ เด๊อ อา เก่ เมจากาคยา อู ปา เออเนอ เตเพร อา กู๊ยากู เฮ๊อ.
Copyright information for
EkySCThai