1Ti 5 | EkySCThai | STEP | ซิพรวา แต่ เพรคู โหมะเผระ แต่เหม่ นี๋, หม่าแน๊เรอ กุยซิยอ เฮ๊เบ่ แด่ดุหยื่อแหน่ อา ฮู๊ เน กุยซิยอ เนเพ เนอ นี๋. เพรคู เด๊อ อาหน่าเจ่ เต๊เห่เนอ แด่ อา ฮู๊ เนโป่ เร๊อ เนเหน่ เนอ นี๋.

1 Timothy 5

เตแรตาเบ่ เด๊อ แกแย หยื่อเอ่แหน่ เต๊เห่ อาเง

1 ซิพรวา แต่ เพรคู โหมะเผระ แต่เหม่ นี๋, หม่าแน๊เรอ กุยซิยอ เฮ๊เบ่ แด่ดุหยื่อแหน่ อา ฮู๊ เน กุยซิยอ เนเพ เนอ นี๋. เพรคู เด๊อ อาหน่าเจ่ เต๊เห่เนอ แด่ อา ฮู๊ เนโป่ เร๊อ เนเหน่ เนอ นี๋. 2 แด่หยื่อแด่แหน่ แลแค เพรเหมาะ โหมะเผระ เต๊เห่ ฮู๊ เนโหมะ เนอ นี๋. โทเรอ เพรเหมาะ เด๊อ อาหน่าเจ่ เต๊เห่เนอ, แด่หยื่อแด่แหน่ เหย่ซี เร๊อ เตเน อาโพ๊อาแปละ เหย่ซี ฮู๊ เน โป่เพรเหมาะ เนอ นี๋.

3 เพรเหมาะโอ่แคร๊ เด๊อ อู เพร เมจว่า ลู โอ่โต่ เต๊เห่เนอ, แด่ดุหยื่อแหน่ เหย่ซี เร๊อ แม๊ตู่เมจว่า หนิ เหย่ซี นี๋. 4 หม่าแน๊เรอ เพรเหมาะโอ่แคร๊ เตเพรเนอ อา เก่ พู๊โอ่, หม่าโต่เรอ อาเลอ เต๊เห่ เก่โอ่ เฮ๊เนอ, อาพู๊อาเลอ ซีเต๊เห่ โตเบ่ แม๊ตู่หนิ เร๊อเกอ อา โหมะโอ่แคร๊ อา เพอโอ่แคร๊ เออ ฮู๊ ครี๊พู๊ เหล่โกล เมเนอ. ฮู๊เนอ อาขว่าอาคยา, เมบุ๊ยเมเตอเรอ คยา โหมะเพเพอโพ เต๊เห่ เน๊อ แกล๊ ฮู๊เออ นี๋, เมเตเฮ๊เรอ เมเตฮู๊เออ เต๊เห่ เนอหม่า อาโต จอแปแหร่ อาซิปล่อ. 5 เพรเหมาะ เตเพร เด๊อ อา โอ่แคร๊ หม่าแหน่ เร๊อ อู เพรแม๊เพรตุ ลู โอ่โต่ เตเพรเนอ, อา แม๊ชือ อา เตเมจว่า เด๊อ จอแปแหร่ อา โอ่. โทเรอ เหมาะคี๊คี๊ เหมาะเชเกลเกล อา กุยจ๊อเบ โตโมโม เจ๊อ. โท๊โต่ อา กุยซิยอ จอแปแหร่ เร๊อ อา เก่ เมจว่า ลู. 6 หม่าแน๊เรอ เพรเหมาะโอ่แคร๊ เตเพร เด๊อ อา แม๊ปูหนิ อา เตซิหยื่อซิลอ อา เตเมโมแล เกอเร๊อ อาเหน่ เตเพร เนอ, อา เซอเพร หม่าแน๊เรอ อา เซอ โทเฮ๊อ. 7 แซ่ฮู๊ อู เก่ แด่ แต่ เหย่ซี เตซื๊อ แต่เหม่เนอ, อิซว๊าอี๊แส่ ตาหนิเป่ แกแย เด๊อ อา หยื่อเอ่ เหย่ซู่ เต๊เห่ เก่ เม แลแค ฮู๊เนอ นี๋. 8 แกแย เตเพรเพร เก่ อาแม๊อาตู่หนิ เร๊อเกอ อากลุยอาแล โต่ เฮ๊เนอ, อา เท๊บี๊แกเฮ๊อ ครี๊พู๊ อา เตอิซว๊าอี๊แส่ เฮ๊อ. เร๊อ อา หม่า แกแย เด๊อ อา จาเล๊อ ปา เจ๊อ เน๊อ แกแย เด๊อ อา หยื่อเอ่เกออู ครี๊ โต่ เตเพร เจ๊อ. อา จาเล๊อ หม่า แกแย เด๊อ อา แม๊หนิ เด๊อะเกอ อา หี่ด๊อหี่แพพู๊ อาพู๊อาเม โต่ เนอเต๊เห่ เฮ๊อ.

9 เพรเหมาะโอ่แคร๊ เตเพรเพร เด๊อ อาหน่า เก่ บาแถ่ลา เชอโซซว๊า โต่เนอ, แด่ แต่ อา เด๊อ เพรเหมาะโอ่แคร๊ อา ลีราม๊า อากู แต่เหม่ นี๋, โท๊โต่ อา โตเบ่ เวโอ่น๊อ แพ๊ โตโพ๊ แพ๊. 10 โทเรอ อา เบ่ ทวาดื่อ เพร เหมาะ เด๊อ อามีลา โลแร๊ เน๊อ อา เมเตแร๊ เต๊เห่ อาคยา. อา เบ่ ทวาดื่อ เพร เหมาะ เตเพร เด๊อ อา แม๊ตู่ ดุแถ่ หนิ แร๊โท ดื่อเฮ๊อ อาพู๊อาเลอ เต๊เห่, อา เบ่ เอ๊โมฉื่อ ซิเผระ เต๊เห่ เด๊อ อา หี่ด๊อหี่แพกู, อา เบ่ ทวาดื่อ เพรเหมาะ เตเพร เด๊อ อา ซู๊ปลี จอแปแหร่ อาแกแย เต๊เห่ อากู๊โด่, ^{▼▼อา เบ่ทวาดื่อ เพรเหมาะ เตเพร เด๊อ อา เม จอแปแหร่ อาเตเม เด๊อ แด่แล ซิปล่อ อากู.} อา เบ่ เมจว่า แกแย เบ่แป่เบ่เช เต๊เห่ โทเรอ อา เบ่ทวา เพรเหมาะ เตเพร เด๊อ อา เด๊อะแล อาซิปล่อ เด๊อ อา เมเตแร๊ เต๊เห่ อาเง.

11 หม่าแน๊เรอ, เพรเหมาะโอ่แคร๊ เด๊อ อาหน่า เจ่ปา เต๊เห่เนอ, แด่โน แต่ เหย่ซี เด๊อ เพรเหมาะโอ่แคร๊ อา ลีราม๊า อากู แต่เหม่. เมเตเฮ๊เรอ เบ๊อะเหย่ซี สุ่ยเทอพ๊าหย่า อา เตซิหยื่อซิลอ เมเป่แก เฮ๊อ อาเตโม ครี๊ เบ๊อะเนอ, เหย่ซี ซิหยื่อ เต๊เปล่ คยาแซ๊ แลแค อาเว แพ๊. 12 เด๊อ เหย่ซี เมปย๊าแก อา เตอ๊อแล เหร่อเนอ ตือมือ อาขว่าอาคยา, จอแปแหร่ เก่ เมจากาคยา เหย่ซี ปา. 13 โท๊โต่ เหย่ซี ทวาแถ่ แกแย เตเกลแลแบ๊, เมลอ ค๊าขี่, เร๊อ จว๊าเล แถ่หี่ เตเม โท เตเม. ตื๊อ อา เตเกล เออเนอ หม่าโต่, เหย่ซี โอ่โก แด๊อูแหย่โย, โป๊อูมุย, โนเมซู๊ซ๊า ดู๊แด เต่อเกอ เด๊อ อูโร เตหรี่เตแก อากู เน๊อ เฮ๊เบ่ โหง่ เด๊อ อา โต เฮ๊โต่ เต๊เห่. 14 ฮู๊เนอเรอ แว ซิหยื่อ เน๊อ เพรเหมาะโอ่แคร๊ เด๊อ อาหน่าเจ่ปา เต๊เห่ เก่ พย๊า แลแค อาเว. โทเรอ พู๊โอ่เลอโอ่ แลแค, เร๊อ แม๊ตู่หนิ แลแค หี่แพ เนอหม่า ตื๊อเรอ แกแย เด๊อ อา แม๊ปู เป เตซื๊อ เด๊อ อา เก่ เฮ๊มู๊แหม่รีแจ่ เป เต๊เห่เนอ, อา แม๊เถอะปา อาเหล่เฮ๊ เป เต๊เห่ โต่ เฮ๊อ. 15 เมเตเฮ๊เรอ เพรเหมาะโอ่แคร๊ เต๊เห่เห่ เนอ, อา ตีรี๊ก๊อแก เฮ๊อ อาเหน่ เร๊อ ครี๊ เฮ๊อ, เร๊อ อา ครวาจว๊าเกอ แลแค โลเน๊มู๊แหม่รีแจ่ กู่กล๊อ อาคยา เฮ๊อ.

16 เพรเหมาะ เด๊อ อา ทวา ครี๊พู๊ เต๊เห่เนอ, เด๊อ อา กลุยแล อาเกลเนอ, เพรเหมาะโอ่แคร๊ เก่ โอ่ เตเพรเพร เฮ๊เรอ เหย่ซี เบ่ แม๊ตู่หนิ ลู. แด่แถ่ แต่ เตวี๊เตแย๊ เออเนอ เด๊อ เพรหยื่อเอ่ตู๊หมู่ตอกล๊อ อาโอ่ แต่เหม่, เมเตเฮ๊เรอ แซ่ฮู๊ เพร หยื่อเอ่ตู๊หมู่ตอกล๊อ เก่ แม๊ เมจว่า แพ๊ตื๊อ เพรเหมาะโอ่แคร๊ เด๊อ เพรเมจว่า ลู โอ่โต่ เต๊เห่ อาเงเนอเรอ, แม๊ตู่หนิ แลแค เหย่ซี นี๋.

17 โหมะพรูโหมะเผระ เด๊อ อา ทวา ทวาดุทวาเต เด๊อ อา เมแร๊เต เต๊เห่เนอ, ซี โตเบ่ แด่หยื่อแด่แหน่ เหย่ซี, โท๊โต่ เหย่ซี โตเบ่ พย๊าหนิ โป่เอ่โป่โอ เลคว๊าเลเก่. ^{▼▼ลีเทส่อพ๊า เด๊อ อาโร เต๊เห่เห่เนอ, “ซี โตเบ่ แด่หยื่อแด่แหน่ เหย่ซี, โท๊โต่ เหย่ซี โตเบ่ พย๊าหนิ โป่เอ่โป่โอ เลคว๊าเลเก่” อา เฮ๊ เกออู ฮู๊เนอ โต่, อา เฮ๊ เน๊อ, “เหย่ซี โตเบ่ พย๊าหนิ คว๊าเก่ เนอโพ๊ แค๊” ฮู๊เนอ} โหมะพรูโหมะเผระ เด๊อ อา ทวา ทวาดุทวาเต เด๊อ อา ครือเม จอแปแหร่ อาเตเม เต๊เห่, เร๊อ อา แด๊โฉ่โด่แน เป่ อู เน๊อ จอแปแหร่ อาลาอาโหง่ เร๊อ อา อิซว๊าอี๊แส่ เป่ อู เน๊อ จอแปแหร่ อาลาอาโหง่ เต๊เห่เนอ, ซี โตเบ่ แด่หยื่อแด่แหน่ เหย่ซี, เด๊อะโป่เอ่โป่โอ เป่ เหน่เจ๊อ เหย่ซี เลคว๊าเลเก่ เจ๊อ. 18 เมเตเฮ๊เรอ ลีเทส่อพ๊ากู เฮ๊ เน๊อ, “ปู่ เด๊อ ซี นอหยี่ ตาโซอา เร๊อ โบ๊เนอ, ซี โตเบ่ โตโกล๊บี๊ อาแกกู โต่,” ^cโทเรอ “เพรแรเต เตเพรเนอ อา โตเบ่ พย๊าหนิ อาคว๊าอาเก่.” ^d 19 แกแย เตเพรเพร เก่ แด่ เตซื๊อ เด๊อ โหมะพรูโหมะเผร่ เด๊อ อา ทวา ทวาดุทวาเต อาเกล เตเพรเพร เก่เฮ๊เรอ ปีตี๊ตื๊อดื่อ เพรข่าเฮ๊โล เก่โอ่ ซิเนอ โต่หม่าเน๊อ ซิโซ โต่ เฮ๊เนอหม่า หนิดา เกอ แต่ แลแค อาโหง่ แต่เหม่ นี๋. ^e 20 เหย่ซี เก่ เม เตซื๊อ เก่เฮ๊เรอ, ซิพรวา เหย่ซี เร๊อ อิซว๊า แร๊ กาคยา เหย่ซี เด๊อ แกแย ตูปลูเต๊เผ่ อา เป๊เส่เง เนอ นี๋. แซ่ฮู๊ แกแย เด๊อ อาโร เต๊เห่ เก่ ซิอิเช อาเงเนอ ตูรู๊ เม แลแค ฮู๊เนอ นี๋.

21 เด๊อ จอแปแหร่ เน๊อ เหย่ซู่ ครี๊ เน๊อ เตเน่วพู๊ บูโพ๊ เต๊เห่ อา เป๊เส่เง เนอ, แว เฮ๊เบ่โหง่ เด๊อ อา อาหม่าอากลอ ตือมือ เน๊อ เน เก่ จูเอ่ เตอิซว๊าอี๊แส่ เด๊อ อาขุ เออเต๊เห่ เร๊อ เน เมเต อิเตเต๋ เบ่เบ่, แม๊เบ๊ขุ ตาโผ่ แต่ อู เตเพร่ว แต่เหม่ นี๋. โท๊โต่ แม๊ดุ แม๊ปีตี๊ แต่ อู เตเพร๊ แต่เหม่ นี๋.

22 จว๊า แด่แถ่แพรลิ่ว แต่ ซี กู๊ขุ เด๊อ อูโอ่ เตเพรเพร เด๊อ อา เก่ เม จอแปแหร่ อา เตเอ่เตแร อาเงเนอ แต่เหม่ นี๋. จว๊าโน เกอ แต่ เด๊อ อู เม เตซื๊อเตปล๊า อาเกลเนอ แต่เหม่ นี๋, โอ่โพ๊โอ่แปละดื่อ เนเต นี๋.

23 โอตื๊อเทอ แต่เหม่, โอซีแล๊ เต่อเร๊อ แท๊ทือเส่เทอแย ตี๊กิ ตี๊กิ นี๋ เน ชุ๊ย โตโมโม ดื่อเง อาขว่าอาคยา, อา เก่ เมแร๊ จว่าเกอ เนฮ๊อกู เช ปา.

24 แกแย เต๊เห่เห่ อา เตซื๊อเตปล๊า เนอ อา โอ่โล หล่าลี แร๊เจ๊อ, เร๊อ อู ปว๋า เตเพร แม๊เถอะ ซิเง ล๊อปลี เหย่ซี เตซื๊อ เออเนอ เน๊อ จอแปแหร่ เก่ เมจากาคยา เหย่ซี ปา หม่าแน๊เรอ แกแย เด๊อ อาโร เต๊เห่เห่ อา เตซื๊อเตปล๊า เนอ, กู๊แหน่เคเออ อู แม๊เถอะแจ่ อา โต่. หม่าแน๊เรอ อู เก่ แม๊เถอะเนอ อา เด๊อคยา ปา. 25 ฮู๊เนอเฮ๊อ เตเมแร๊ เด๊อ เป แม๊เถอะ โล โล๊ลี เจ๊อ อา เนอ อา โอ่ เต๊เห่. เตเมแร๊ เด๊อ อู แม๊เถอะโล โล๊ลีแจ่ แต่ล๋าย อา โต่ เต๊เห่ เบ่เบ่, อู เก่ แม๊เถอะ ตาเตเนอ อา เด๊อคยา ปา.