Acts 12
อู เมจาเมจือ ฉว่าชอ แฮโต่
1เบ๊อะเนอโตโพ๊ คุ๊ยเฮโรด ▼▼คุ๊ยเฮโรด เออเตเพร เนอหม่า คุ๊ยเฮโรด อากริปปา.
เป๊อแถ่ เมจาเมจือ เพรหยื่อเอ่ ตู๊หมู่ตอกล๊อ เต๊เห่. 2เด๊อ อา เฮ๊เบ่ อาโหง่ อาขว่าอาคยา, อู เมเซอแก คูยอห์น อาแหม่ คู ยากอบ เร๊อ เน๊. 3อา แม๊เถอะ เร๊อ อา เมเต ฮู๊เออเนอ, อาโต เน๊อ แกแยยิวพู๊ เต๊เห่ อาซิ ปล่อ อาขว่าอาคยา, อา เฮ๊ ตาโป่ อาโหง่ เร๊อ เบ่ ปื่อ โป่ คูเปโตร. เตเม เออเนอ อา ทวาแถ่ เบ๊อะป่วยค๊อมู โชโด โฮหมื่อโต๊โผ่ เบ๊อะเนอ. 4อู ปื่อโท คูเปโตร เร๊อ อู ด๊อตา ลู เด๊อ ทอกู. อู เด๊อะตา เกลอฮู๊ ลูยหมู่ อาเตเม เด๊อ เหย่ซี เบ่ โอ่ป่อเร๊อ ลู. เหย่ซี โอ่ป่อ ตู๊หมู่ โท ตู๊หมู่. ตู๊หมู่เนอ อา โอ่ ซิลุย. เบ๊อะป่วยเตจว๊า ตา ลว๊า โทเฮ๊อ เบ๊อะเนอ, คุ๊ยเฮโรด เตเน เร๊อ อา เก่ เจแม๊ คูเปโตร เร๊อ อา เก่ แด๊เฮอ เมจากาคยาลู เด๊อ แกแย เบ๊หมู่ อา เป๊เส่เง ปา. b 5ฮู๊เนอเรอ อู ด๊อโอ่ ตื๊อดื่อ ปา คูเปโตร เด๊อ ทอกู. หม่าแน๊เรอ เพรหยื่อเอ่ ตู๊หมู่ตอกล๊อ เต๊เห่ ซิปล่อฉว่า กุยจ๊อเบ เป่ แหน่เจ๊อ เด๊อ ลูเง. เตเน่วม๊อขุพู๊ เมแลเปล๊แก คูเปโตร เด๊อ ทอกู
6เบ๊อะคุ๊ยเฮโรด เอ๊เถ่ แต่ล๋าย คูเปโตร เด๊อ แกแย เบ๊หมู่ อา เป๊เส่เง ล๋ายโต่ เตเซเนอ, คูเปโตร โอ่เมอโอ่ เด๊อ เกลอฮู๊ ซิเนอ อาเปล่กู. อู จอกลอหม่า อา เร๊อ สู่เปลอต่อเท๊ เนอโบ. โท๊โต่ เกลอฮู๊ เต๊เห่ โอ่ป่อ โอ่ลอ เบ๊อะทอ กู่ดาทือเนอ. 7แบ่เจ่ อา เตเน่วม๊อขุพู๊ เตเพร จว๊า ก๊อถ่อ โอ่โลคย๊า เบ๊อะเนอ เร๊อ อา ลีเตเคแถ่ ลอ เบ๊อะคูเปโตร โอ่ เด๊อะ ทอกูเนอ. เตเน่วม๊อขุพู๊ แปล่ คูเปโตร รอเกล เร๊อ อา ถู่แรก๊อถ่อ ลู เร๊อ อา เฮ๊ ลู เน๊อ, “ก๊อถ่อแพรมอ” โตโพ๊เรอ สู่เปลอต่อเท๊ อาโอ่ เด๊อ คูเปโตร อากู๊ขุ เนอโค๊ลอ อากู เออเนอ อา แลปลื๊อตา ลอ หนิ เร๊อดื่อ อาเหน่. 8โทเร๊อ เตเน่วม๊อขุพู๊ เฮ๊ ลู เน๊อ, “แหร่แถ่ เน ฮ๊อท๊อ เร๊อ แด๊หนิ เน แข่แด๊พ๊า.” เร๊อ คูเปโตร ครวาเมเกอ ฮู๊ เตเน่วม๊อขุพู๊ เฮ๊ อา เนอ. เร๊อ อา เฮ๊ โป่ ลู เน๊อ, “อิท๊อแถ่หนิ เน อิเกเนอ เร๊อ ครวาจว๊าเกอ แวคยาเออ.” 9เร๊อ คูเปโตร ครวาเถ่ เกอ ลู คยา โต่เด๊อ ทอกลอ. หม่าแน๊เรอ เตเน่วม๊อขุพู๊ เม เป่ ลู ฮู๊ เออเนอหมา อา หม่าแหน่ แอ, หม่าโต่ แอ, เร๊อ คูเปโตร ซิเง ตาเต โต่. อา เตเนแพ๊ เร๊อ อา แม๊เถอะลว๊าเออ แพ๊. 10เหย่ซี จว๊า ตาลว๊า เบ๊แกโท เพรโอ่ป่อกู่ดา อาเหร่อเล๊อ โต๊โต่ โทเรอ อา จว๊า ตาลว๊าเบ๊ โป่ เนอโต่โต๊โต่. เด๊ออาโน่เล๊อ เร๊อ อา จว๊าโต่ เด๊อ กู่ดา เด๊อ อู เม อา เร๊อ ต่อเท๊ เนอตูกู. กู่ดากู เออตูกูเนอ หม่า อา จว๊าล๊อปลู๊ โนโต เจ๊อ เด๊อ วีกู เร๊อ อา ลูโมเถ่ เป่ หนิเร๊อดื่อ เหย่ซี แพ๊, เร๊อ เหย่ซี เถ่จว๊าแก เบ๊อะกู่ดา เออเนอตูกู. เร๊อ เหย่ซี ครวาจว๊ารว๊า แพ๊ แกล๊เด๊อวีกู เออโตโบ เร๊อ เตเน่วม๊อขุพู๊ โอ่เหม่คย๊าแก เป่ คูเปโตร. 11อา โอ่เหม่โท เป่ ลู ตื๊อเรอ คูเปโตร ซิเงโหน่ แพ๊ เตทวาแถ่ อาเหน่ เร๊อ เหย่เออ แพ๊ เร๊อ อา เฮ๊ เน๊อ, “กู๊แหน่ เออ แว ซิเงเฮ๊อ เนอ เตเมทวาแถ่ อาเหน่ ฮู๊เออเนอหม่า อา หม่าแหน่ เจ๊อ. แบ่เจ่ จอแปแหร่ นอจว๊า อา เตเน่วม๊อขุพู๊ เร๊อ อา แฮ เมแลเปล๊ เถ่แก แว เด๊อ คุ๊ยเฮโรด อา เตอเรอฉว่าชอ อาเล, โท๊โต่ อา แฮ เมแลเปล๊ แว เด๊อ แกแยยิวพู๊ เด๊อ อา แม๊ชือ เด๊อ อา เก่ เมจาเมจือ แว เต๊เห่ อา กู๊ยากู.” 12เบ๊อะอา ซิเงแฮเฮ๊อ เนอ เตเมทวาแถ่ อาเหน่เออ หม่า อา หม่าแหน่ เจ๊อ เฮ๊อ เบ๊อะเนอ, อา จว๊า เด๊อ คูยอห์น เด๊อ อู เอ๊โป๊ อามุย เนอ คูมาระโก เออเตเพร อาโหมะ มารีย์ อาหี่, เร๊อ เบ๊อะเนอเคเนอ, อา โตตื๊อ เร๊อ อู จว๊า โอ่ปล๊อโอ่ปลู กุยจ๊อเบ โหร่ลอ ลู เบ๊อะเนอ. 13คูเปโตร กาด่อ กู่ดาดุ เด๊อ หี่เป๊เส่เงเนอ ตูกู เร๊อ แซ่ฮู๊ เหย่ซี เก่ ซิเง เร๊อ หม่าอูเป ด่อ กู่ดา เป เนอ เร๊อ หลู่เล๊ เพรเหมาะพู๊ เด๊อ อามุย เร๊อ เหมาะโรดา เฮ๊ เออเตเพร จว๊าแม๊ฉื่อ ลู. 14เร๊อ อา ซิเง คูเปโตร ตาลา เร๊อ อา ซิครือ ตาลว๊าซิลือ เร๊อ อา โชตาปา บ๊าโม เป่ ลู กู่ดา เร๊อ อา แกล่กาโน แด๊โฉ่ เป่ เหย่ซี เร๊อ คูเปโตร ก๊อถ่อโอ่ เด๊อ อากลอเนอ. 15“หม่า เน ตีมุย แอ?” เหย่ซี เฮ๊ฉื่อ เหมาะโรดา ฮู๊เนอ, ตื๊อดื่อเรอ อา หม่าแหน่ เจ๊อ เหมาะโรดา เฮ๊ชาเผระฉื่อ เหย่ซี ฮู๊เนอ. “คูเปโตร อาแหย่โย แพ๊กอ” เหย่ซี เฮ๊ฉื่อ กาคยา ลู ฮู๊เนอ. 16เบ๊อะเนอโตโพ๊ คูเปโตร ด่อ ตี๊ตี๊ โป่ กู่ดา เร๊อ เหย่ซี บ๊าโม กู่ดา เร๊อ อา แม๊เถอะ คูเปโตร เร๊อ เหย่ซี คย๊ายื๊อ โก๊โน๋ โต่. 17คูเปโตร ซิหยื่อ นอโส่โส๋ โอ่ เหย่ซี เร๊อ อา วื๊อแหว่โล เป่ เหย่ซี เร๊อ อากู๊ขุ. เร๊อ อา แด๊โฉ่ เป่ เหย่ซี เน๊อ แบ่เจ่ จอแปแหร่ เมแลเปล๊เถ่ แคร๋ อา เด๊อ ทอกู ฮู๊เต อาหรี่อาแก. เร๊อ อา เฮ๊ เน๊อ, “แด๊โฉ่ เป่เกอ คูยากอบ เร๊อ ล๋อ เพรหยื่อเอ่พู๊ เด๊อ อาโร เนอเต๊เห่ เร๊อ เตหรี่เตแก เออเนอ นี๋,” คูเปโตร เฮ๊โฉ่แก เป่ เหย่ซี ฮู๊เนอ เร๊อ อา เถ่จว๊าแก เด๊อ อาโร โต๊โผ่. 18เหมาะลีบู เฮ๊อ เร๊อ เพรโอ่ป่อ ทอกู เต๊เห่ เตเน ซิปล่อซู๊ซ๊า แหน่เจ๊อ เร๊อ อา เฮ๊ เกอเร๊อ คยา ลู เน๊อ, “คูเปโตร จว๊าเถ่เปล๊แจ่ ฮู๊เตเต?” 19คุ๊ยเฮโรด เฮ๊เบ่ อาโหง่ เน๊อ, อา นอ แม๊ปู คยาแซ๊ อาเกลอฮู๊ เต๊เห่ เร๊อ คูเปโตร ตื๊อดื่อเรอ เหย่ซี แม๊เถอะ ปา ลู โต่. ฮู๊เนอ อาขว่าอาคยา, อา จว๊า เจแม๊ เพรโอ่ป่อ ทอกู เออเต๊เห่ เร๊อ อา เฮ๊ตาแก อาโหง่ เนอ เมเซอแก เพรโอ่ป่อ ทอกู เนอเต๊เห่. เตทวาแถ่ อาเหน่ ฮู๊เนอ โทเรอ เด๊อคยาเนอ คุ๊ยเฮโรด เถ่จว๊าแก เบ๊อะยูดาห์เก่เนอ เร๊อ อา เถ่จว๊า โอ่โก๊ เด๊อ วีเก่ซารียา.คุ๊ยเฮโรด เซอแก อาหรี่อาแก
20คุ๊ยเฮโรด ซิปล่อดุ แหน่เจ๊อ วีไทระพู๊ เต๊เห่ เร๊อ วีไซดอนพู๊ เต๊เห่. ฮู๊เนอขว่าคยาเร๊อ แซ่ฮู๊ เหย่ซี เก่ จว๊าแม๊เถอะ เฮ๊เบ่หนิ เร๊อ คุ๊ยเฮโรด เออเนอเร๊อ เหย่ซี เด๊อวีกูเนอ เต๊เห่ จว๊าโหร่ลู เด๊อ คุ๊ยเฮโรด อา โอ่. อาเหร่อเล๊อ เร๊อ เหย่ซี จว๊าเฮ๊เบ่ โปลเหร่อ เร๊อ คูบลัสทัส เด๊อ อา เก่ เมจว่า เป่ เหย่ซี อาเง, เมเตเฮ๊เร๊อ อา หม่า อา ทวา เพรยูแกล๊ยูโกล จว๊า คุ๊ย เร๊อ แกแย เด๊อ คุ๊ย อาหยื่อเอ่ ลู เตเพร. เด๊อคยา เร๊อ เหย่ซี จว๊ากูย เตเปเตดวาเด๊อ คุ๊ย อา โอ่, เมเตเฮ๊เร๊อ คุ๊ย เออเตเพร อาเทออาเก่ เนอ, อา เมจว่า เป่ เหย่ซี เทอพู๊เก่พู๊ เร๊อ เหล่เอ่เหล่โอ เต๊เห่. 21เตอเนอเค เบ๊อะอู นว๊าแถ่ โค๊ดื่อ เฮ๊อ คุ๊ยเฮโรด เบ๊อะเนอ, อากืออาแซ๊แถ่หนิ คุ๊ยเห่อจา เร๊อ อา โอ่แนโอ่ เด๊อ คุ๊ย อา ขุแกล๊เทแถ่โลขุ เร๊อ อา เฮ๊เบ่ตา แกแย เบ๊หมู่ เต๊เห่. 22เร๊อ เหย่ซี เอ๊โทแถ่ เน๊อ, “คุ๊ย เด๊อ อา เฮ๊เบ่ เออเตเพร หม่า แกแยเห่ขุพู๊ หม่าโต่. หม่าเจ๊อดื่อ จอแปแหร่ เตเพร เจ๊อเฮ๊อ.” 23โตโพ๊โต, แบ่เจ่ อา เตเน่วม๊อขุพู๊ เตเพร เมชุ๊ยเมเช คุ๊ยเฮโรด, เมเตเฮ๊เร๊อ อา โต ถู่เซ๊แถ่ จอแปแหร่ ตื๊อดื่อเรอ อา จว๊า นอถู่เซ๊แถ่ อาเหน่ เน๊อ แกแยเห่ขุพู๊. เร๊อ อาเขระ เอ่เซอแก ลู. 24หม่าแน๊เร๊อ จอแปแหร่ อาลาอาโหง่เนอ, อา โลปีชีจว๊า ยา เป่แฮโป่ เด๊อ เง เร๊อ อู หยื่อเอ่ โอ่เอ๊แถ่ เร๊อ โอ่เอ๊แถ่ เจ๊อ. 25เร๊อ คูบารนาบัส เร๊อ คูเซาโล เมโท อาเตเม เบ๊อะวีเยรูซาเล็ม อากู เนอเรอ อา เอ๊หนิ คูยอห์น เด๊อ อู เอ๊โป๊ ลูมูย เร๊อ คูมาระโก เออเตเพร เร๊อ อา เถ่กาแก.
Copyright information for
EkySCThai