Acts 13
เพรหยื่อเอ่เต ตู๊หมู่ตอกล๊อ นว๊าแถ่ คูบารนาบัส เร๊อ คูเซาโล เร๊อ อา นอจว๊า เหย่ซี
1เพรหยื่อเอ่ตู๊หมู่ตอกล๊อ เบ๊อะวีอันทิโอก อากูเนอ, เพรโพร เร๊อ ซ๊าร๊า โอ่ เต๊เห่. หม่าอูเป เฮ๊เนอหม่า คูบารนาบัส, คูสิเมโอน (เด๊อ อู เอ๊ ลู เร๊อ แกแยนิเกอร์) เร๊อ คูลูสิอัส (วีอันทิโอก), คูมานาเอล (อู โบ่ ดุแถ่ เต่อโหร่เกอ อา เร๊อ คุ๊ยเฮโรด) ▼▼คุ๊ยเฮโรด เออเตเพร เนอหม่า คุ๊ยเฮโรด อาติปา เด๊อ อา เป๊อ กาลิลีเก่ เนอเตเพร เฮ๊อ.
เน๊อ คูเซาโล เออเต๊เห่ เฮ๊อ. 2เบ๊อะเหย่ซี จ๊อบู่จ๊อเบแถ่ แบ่เจ่ เร๊อ โด่เอ่ เหล่เอ่เหล่โอ เบ๊อะเนอ, แหย่โยบูโพ๊แบ่เจ่ เฮ๊ เหย่ซี เน๊อ, “นว๊าเถ่ โค๊แก เป่ แว คูบารนาบัส เร๊อ คูเซาโล เนอ. เมเตเฮ๊เร๊อ แว นว๊าแถ่หนื่ออื่อ โท. เฮ๊อ เหย่ซี เด๊อ อา เก่ เบ่ เม แว เตแร.” 3เหย่ซี โด่เอ่ เหล่เอ่เหล่โอ เร๊อ อา กุยจ๊อเบ, โทเร๊อ เหย่ซี แด่แถ่ อากู๊ขุ เด๊อ คูเซาโล เร๊อ คูบารนาบัส อาลู เร๊อ อา นอเถ่จว๊า เหย่ซี. คูบารนาบัส เร๊อ คูเซาโล แด๊โฉ่ เป่ อู เตซิครือซิลอมีลา เด๊อ ไซปรัสกลื๊อขุ
4คูบารนาบัส เร๊อ คูเซาโล จว๊า ฮู๊ แหย่โยบูโพ๊แบ่เจ่ นอจว๊า เหย่ซี เนอ. เหย่ซี จว๊าตาแล เด๊อ วีเซลูเคีย เบ๊อะอู เหล่กาแด่โอ่ ส่อเกลอดุ อาเหล่โอ่ เนอโต๊โผะ เร๊อ เหย่ซี แถ่ แถ่แด๊หนิ แลแค ส่อเกลอดุ เบ๊อะเนอ เร๊อ เถ่จว๊า เด๊อ ไซปรัส กลื๊อขุ. 5เบ๊อะเหย่ซี จว๊าโต่ เด๊อ วีซาลามิส เบ๊อะเนอ, อา จว๊า แด๊โฉ่โด่แน เป่ อู เร๊อ จอแปแหร่ อาลาอาโหง่ เด๊อ แกแยยิวพู๊ เตจ๊อเบโฮ เต๊เห่ อากู. คูยอห์น มาระโก จว๊า เต่อเกอ เร๊อ เหย่ซี เร๊อ อา เมจว่าเกอ เหย่ซี. 6เหย่ซี จว๊าแถ่โน เด๊อ กลื๊อขุ เร๊อ อา จว๊า ล๊อปลู๊ โต่เด๊อ วีปาโพส โอ่ เด๊อ กลื๊อตื๊อดื่อ เนอตีวี. เหย่ซี แม๊เถอะ ตาฉื่อ เร๊อ ยูดาห์เพรโพร แลโฮแลแห่พู๊ เด๊อ อา จว๊าเล เด๊อะโล เป่ อู เร๊อ อาเมเต๊เปล่ อูเป๊เส่ เตเพร. อามุย เร๊อ คูบารเยซู. 7อา หม่า อา เม เป่ คุ๊ยดุ คูเสอร์จีอัสพอลัส เหล่เตแร. คุ๊ยดุ คูเสอร์จีอัสพอลัส หม่า แกแย เด๊อ อา แจ่ เตเพร. อา ซิหยื่อ หนิโฮ จอแปแหร่ อาลาอาโหง่ เร๊อ อา เอ๊แฮ คูบารนาบัส เร๊อ คูเซาโล. 8หม่าแน๊เรอ แกแย เมเต๊เปล่ อู เป๊เส่ คูเอลีมาส เออเตเพรเนอ, (เออ หม่า คูบารเยซู อามุย เร๊อ กรีกโหง่), แซ่ฮู๊ คุ๊ยดุ เก่หยื่อเก่แหน่ เกอ แต่เหม่ เนอเรอ, อา เมดี๊แด ตาตือ เหย่ซี. 9เบ๊อะเนอ คูเซาโล (อู ซิเง เกอโป่ อามุย เร๊อ คูเปาโล) เออเตเพรเนอ, อา เล๊อบา เร๊อ แหย่โยบูโพ๊แบ่เจ่. เร๊อ อา แม๊ โตเด แกแย เมเต๊เปล่ อูเป๊เส่ เนอเตเพร. 10เร๊อ อา เฮ๊ ลู เน๊อ, “เน หม่า เพร เด๊อ อา เม โลเน๊โลหน่า กู่กล๊อ อาเตเม เตเพร. เน หม่า แกแย เด๊อ อา ซิเถ่ ล๋อ เต เด๊อ อาจ๊ออาเต เนอเต๊เห่. เน เล๊อบา เจ๊อ เร๊อ เตแลโฮแลแห่ เร๊อ เตมู๊แหม่รีแจ่ ปว๊าเต๊อเจอะ. เน เมตาปลอตาเปล่ แลโฮ ลอ แบ่เจ่ อา เตหมะเตจ๊อ เออเนอ ปว๋า โตโพ๊ เจ๊อ. 11กู๊แหน่เออ แบ่เจ่ เก่ เมจากาคยา เน, เน เก่ เป๊เส่คี๊ ปา, จอแปแหร่ เก่ นอลี แม๊เถอะ กาคยา เน โต่ เฮ๊เนอ, เน เก่ แม๊เถอะแจ่ ปา เตลี โต่เฮ๊อ.” เร๊อ อาเป๊เส่ อ๊อโหร่แก เร๊อ อา คี๊แก โตโพ๊คี๊ เจ๊อ เร๊อ อาโกล๊อาพือจว๊าแพ๊ เร๊อ อา แม๊ปู แกแย เด๊อ อา เก่ ปื่อโตโตจว๊า ลู แพ๊. 12เบ๊อะ คุ๊ยดุ เออเตเพร แม๊เถอะ เตเมทวาแถ่ อาเหน่ ฮู๊เออ เบ๊อะเนอ, อา หยื่อเอ่ แลแค เกอ เหย่ซู่. อา หนิโฮ อู อิซว๊า เป่ ลู แบ่เจ่ อาหรี่อาแก เร๊อ อา คย๊ายื๊อ แหน่เจ๊อ.จว๊าเล แด๊โฉ่ เตซิครือมีลา เบ๊อะวีอันทิโอก เด๊อ ปีสิเดีย เก่กู
13คูเปาโล เร๊อ แกแย เด๊อ อา จว๊า เต่อเกอ เร๊อ ลู เต๊เห่ แถ่แด๊จว๊าหนิ ส่อเกลอดุ เบ๊อะวีปาโพส เนอเรอ เถ่จว๊า เด๊อ วีเปอร์กา เด๊อ อา โอ่ เด๊อ ปัมฟีเลีย เก่กูเนอ. จว๊าโต่ เบ๊อะเนอ เร๊อ คูยอห์นมาระโก เถ่จว๊า โค๊แก เร๊อ เหย่ซี เร๊อ อา กาคยา เด๊อ วีเยรูซาเล็ม 14เหย่ซี โอ่เด๊อ วีเปอร์กา เร๊อ เถ่จว๊า แลแค เด๊อ วีอันทิโอก โอ่ เด๊อ ปิสิเดีย เก่กูเนอ ตีวี. เร๊อ เบ๊อะแกแยยิวพู๊ ม๊อเนอโด่ เบ่ เบ๊อะเนอ, เหย่ซี จว๊าโน โอ่แนโอ่ เด๊อ เตจ๊อเบโฮกู. 15เบ๊อะอู แด๊แถ่โทเฮ๊อ คูโมเสส อาลี เตซว๊าเตแส่ เร๊อ ลี เด๊อ เพรโพร ราหนื่ออื่อ เนอเต๊เห่ เบ๊อะเนอ, เตจ๊อเบโฮ กู่กล๊อ เต๊เห่ นอจว๊าแด๊เฮอ แกแย เตเพร เร๊อ เหย่ซี เร๊อ อา เฮ๊ เหย่ซี เน๊อ, “โป่แหว่ ซี๋, ซี เหล่เด๊อะอ๊าเด๊อะเหร่ แกแย เบ๊หมู่ เออเต๊เห่ เก่ โอ่ ตือมือมือ เฮ๊เรอ, เป ซิ๊หยื่อ นอเด๊อะอ๊าเด๊อเหร่ ซี.” 16คูเปาโล ก๊อถ่อ เร๊อ อา วื๊อแหว่โล อากู๊ขุ. เมเตเฮ๊เนอเรอ อา ซิหยื่อ นอโซโซ๋ โอ่ แกแย เออเต๊เห่ เร๊อ อา เป๊อแถ่ เฮ๊เบ่ เน๊อ, “โป่แหว่ อิสราเอล อากลุยอาแล ซีเต๊เห่ เร๊อ แกแยยิวพู๊ หม่าโต่ เร๊อ อา จ๊อบู่จ๊อเบแถ่ จอแปแหร่ เบ๊อะเนอ ซีเต๊เห่ ล๋อ ปลี ซี๋, หนิดา แลแค. 17แกแยยิวพู๊ อา จอแปแหร่ นว๊าแถ่ เป โหมะเพเพอโพ เด๋อ งย๊าเค เต๊เห่ เร๊อ เบ๊อะเหย่ซี จว๊าโอ่โก๊เล๊ เด๊อ อียิปต์เก่ เบ๊อะเนอ, อา เด๊อะ ทวาแถ่ เหย่ซี เร๊อ แกแย อาเมวเจอะดุ เต๊อเจ่อ. b จอแปแหร่ เอ๊เถ่กาแก เหย่ซี เน๊อ อียิปต์เก่กู เร๊อ อา เตโพรเตเตอเรออาฉว่าชอ เด๊อ อาดุอาแย เออเนอ เฮ๊อ. c 18เร๊อ อา เบ่ แด่ทูซิปล่อ เหย่ซี เด๊อ เก่เชเทอแก หล่อตาม๊าขุ เนอ อาหน่าลุยเชอ เจ๊อ. d 19แกแย เมวเจอะพู๊ โซซว๊าเตเมว เด๊อ อา โอ่ เด๊อ คานาอันเก่กู เต๊เห่เนอ จอแปแหร่ เมเป่แก เป่ เหย่ซี, e เร๊อ อา เด๊อ เก่เออต๊าบ่า เน๊อ อิสราเอลพู๊ เร๊อ อา ทวา เฮ๊อ เหย่ซีเก่. f 20เต เด๊อ อา เก่ ทวาแถ่ ฮู๊เออเนอ, อางยา เจ๊อ อาหน่า ลุยเยแงเชอ เจ๊อ. g “ฮู๊เนอ โทเรอ เด๊อเหร่อเนอ, อา โต่แฮ แต่ล๋าย เด๊อ เพรโพร คูซามูเอล ทวาแถ่ แต่ล๋าย กู่กล๊อดุ เนอ โต่เนอ, จอแปแหร่ เด๊อะตา เป่ เหย่ซี เพรเมโตเต เต๊เห่. h 21โทเร๊อ เหย่ซี กุย คูซามูเอล เร๊อ อา เก่ นว๊าเถ่ เป่ เหย่ซี คุ๊ย เด๊อ อา เก่ เป๊อหนิ เป่ เหย่ซี เตเพร. i เร๊อ จอแปแหร่ นว๊าแถ่ เป่ เหย่ซี เร๊อ เพคีช อาพู๊ คูซาอูล. อา หม่า คูเบนยามิน อากลุยอาแล เร๊อ อา ทวา เป่ เหย่ซี คุ๊ย อาหน่าลุยเชอ. j 22เด๊อคยาเรอ จอแปแหร่ แด่ตาแก คูซาอูล เด๊อ คุ๊ย อาเหล่โอ่ เร๊อ อา นอทวาแถ่แต๊ คูดาวิด เร๊อ เหย่ซี คุ๊ย. k คูดาวิด อาหรี่อาแก เออเนอ จอแปแหร่ เฮ๊โทเฮ๊อ เน๊อ, ‘แว แม๊เถอะโทเฮ๊อ เจสซี อาพู๊ คูดาวิด หม่า แกแย เตเพร เด๊อ อา เมโมแหน่เจ๊อ แว ซิปล่อ เร๊อ อา เก่ เม ลอปลี ฮู๊ แว ซิหยื่อ นอเม ลู เนอ ปา.’ l 23“ฮู๊ จอแปแหร่ อ๊อแล หนื่ออื่อ โทเฮ๊อ เน๊อ อา เก่ นอตาแล เหย่ซู่ ฮู๊ เพรเมแลเปล๊ อิสราเอล อากลุยอาแล ซีเต๊เห่ อาเง เตเพร ปา เนอ, อา เก่ โอ่ทวาแถ่ เด๊อ คูดาวิด อากลุยอาแล ตาแปแล แฮเง เออเนอ ปา อา เฮ๊ ฮู๊เนอ. 24เบ๊อะเหย่ซู่ แฮ แต่ล๋ายโต่ เนอ, คูยอห์น แด๊โฉ่โด่แน เป่ลอ อิสราเอลพู๊ เต๊เห่ เร๊อ เหย่ซี เก่ ถู่แหล่เต๊เปล่ แลแค อาซิปล่อ เร๊อ อา เก่ เจกา แลแค อาเหน่ เร๊อ เทอ, ฮู๊เนอ. m 25เบ๊อะคูยอห์น เม อา เตแร เตเร ผื่อ โทเฮ๊อ เบ๊อะเนอ, อา แด๊โฉ่ เป่ แกแย เบ๊หมู่ เต๊เห่ เน๊อ, ‘ซี เตเน แว เร๊อ อูเป? แว หม่า แกแย เด๊อ ซี โอ่ป่อแม๊ชือ อาแกล๊ เนอเตเพร หม่าโต่. n เนอเตเพร หม่า อา เก่ แฮ เด๊อ แวคยา ปา, เร๊อ แว เก่ ฉิโล๊ เป่แพ๊ อา แข่แด๊พ๊าปลอ แพ๊ เน๋อ แว อาต่า เร๊อ อา โต่.’ o 26“โป่แหว่ เพอับราฮับ อากลุยอาแล ซีเต๊เห่ เร๊อ แกแยยิวพู๊ หม่าโต่ เด๊อ อา โอ่ เบ๊อะเออ เร๊อ อา จ๊อบู่จ๊อเบแถ่ เกอ จอแปแหร่ เต๊เห่ ล๋อ ปลี ซี๋, เตเมแลเปล๊กา อาหรี่อาแก เออเนอ, อู ซูแฮ เป่ เด๊อ เปเง แพ๊. 27เมเตเฮ๊เรอ วีเยรูซาเล็ม เต๊เห่ เร๊อ เหย่ซี อากู่กล๊อ เต๊เห่เนอ อา ซิเง เกอ ลู เร๊อ อา หม่า เพรเมแลเปล๊กา อา แบ่เจ่ เตเพร ฮู๊เนอโต่. โท๊โต่ เพรโพรเต๊เห่ อาลาอาโหง่ เด๊อ อู แด๊โลแถ่ อา เบ๊อะแกแยยิวพู๊ อา ม๊อเนอโด่ ▼▼แกแยยิวพู๊ ม๊อเนอโด่ หม่า เบ๊อะม๊อกาเตาะ เนอเตอเนอ.
ปว๋า โตโพ๊ เนอเต๊เห่ เบ่เบ่, เหย่ซี ซิเง ตาปลู๊ เกออู อาโหง่แลช๊า โต่. ฮู๊เนอเร๊อ แซ่ฮู๊ เพรโพร เต๊เห่ อาลาอาโหง่ เก่ เล๊อแถ่บาแถ่ อาเงเนอ, อา นอ เมจากาคยา เซอแก เฮ๊อ เหย่ซู่ แพ๊. 28เตซื๊อเตปล๊า เด๊อ อา เก่ เมจากาคยา เซอแก เหย่ซู่ อาเงเนอหม่า อา แม๊เถอะ เตอเจ๋อโต่ ตื๊อดื่อเรอ อู นอฉว่า คุ๊ยปีลาต เด๊อ อา เก่ เมจากาคยา เซอแก ลู เฮ๊อ. q 29เบ๊อะเหย่ซี เมโท ลอเฮ๊อ ฮู๊ ลีเทส่อพ๊า เฮ๊หนื่ออื่อ ลูหรี่ลูแก เบ๊อะเนอ, เหย่ซี จว๊าพย๊าตาแก ลู เด๊อ อี๊ถื่อดีเต่ลู เร๊อ เหย่ซี จว๊าฉู่โนแก ลู เด๊อ โลกู. r 30หม่าแน๊เรอ จอแปแหร่ เมเซอเพร ก๊อถ่อกาคยา คยาแซ๊ ลู เด๊อ เตเซอ. 31โทเรอ แบ่เจ่ เหย่ซู่ เออ อา เด๊อะโล ม๊อเนอม๊อเซ งยากู๋ เป่ลา ช๊าเหล่ อาเหน่ เร๊อ แกแย เด๊อ อา เป๊อแถ่ ครวาเกอ ลูคยา, เป๊อแถ่ เด๊อ กาลิลีเก่ โต่เด๊อ วีเยรูซาเล็ม เนอเต๊เห่. กู๊แหน่เรอ, เหย่ซี ทวาแถ่เฮ๊อ เพรข่าเฮ๊โล เด๊อ ลูเง เร๊อ อา จว๊า ข่าเฮ๊เด๊อะโล เป่เฮ๊อ อิสราเอลพู๊ เต๊เห่ เฮ๊อ. s 32“กู๊แหน่เร๊อ เป แด๊โฉ่ เป่ ซี เตซิครือมีลา. เร๊อ เตซิครือมีลา เออเนอหมา จอแปแหร่ อ๊อแล เป่ โทเฮ๊อ เน๊อ เปเพอเปโพ เด๋อ งย๊าเค เนอเต๊เห่ เฮ๊อ, t 33เร๊อ กู๊แหน่เออ อา เมเล๊อแถ่บาแถ่ เป่เฮ๊อ เป เด๊อ อา หม่า อากลุยอาแล ตากาแล แฮเง เฮ๊อ เป เออเต๊เห่ อา โอ่ เฮ๊อ. เด๊อ จอแปแหร่ เมก๊อถ่อ เซอเพรกา คยาแซ๊ เฮ๊อ เหย่ซู่ เด๊อ เตเซอ อาขว่าอาคยา, อา เมเล๊อบา เป่เฮ๊อ เป เฮ๊อ. ฮู๊ อู ราโอ่ เด๊อ ลีถู่เซ๊แถ่ อามาดุ เนอโต่โต๊โต่ อากูเนอ อา เฮ๊ เน๊อ, ‘เน หม่า แวพู๊คู, เออเต่อเนอเรอ, แว ทวา เฮ๊อ เนเพ เฮ๊อ’ u 34จอแปแหร่ เมก๊อถ่อ เซอเพร กาคยา ครี๊ เด๊อ เตเซอ เฮ๊อ เร๊อ อาซออาหล่อ แจ่ ปาโต่ เฮ๊อ. จอแปแหร่ เฮ๊ เน๊อ, ‘แว เก่ เด๊อะ ซี เต เด๊อะบุ๊ยเด๊อะเตอเรอ เด๊อ อาบูโพ๊ เร๊อ อาตาอาเต เต๊เห่ ฮู๊ แว อ๊อแลนอแล โทเฮ๊อ คูดาวิด เด๊อ แว เก่ เด๊อะ อา ปา เนอเต๊เห่ ปา.’ v 35ฮู๊ เพรราลี อิโร ถู่เซ๊แถ่ เฮ๊ โป่ เน๊อ, ‘เน นอซอนอหล่อแก เน เพรเมเตพู๊ บูโพ๊ เออเตเพร เด๊อ โลกู โต่.’ w 36“เมเตเฮ๊เรอ จอแปแหร่ เซเรหนื่ออื่อแก เป่ คูดาวิด มู๋ หนู่เค เร๊อ คูดาวิด เมโทแก เบ๊อะอาทือเค เนอ, เร๊อ เด๊อคยาเนอ อา เซอแก. เร๊อ อู โล๊ตาเต่อ ลู เร๊อ อาเพ เด๋อ งย๊าเค เต๊เห่ เร๊อ อาเหน่กล่อ ซอแก เบ๊อะเนอ. 37หม่าแน๊เรอ แกแย เด๊อ จอแปแหร่ เด๊อ เซอเพร กาคยา อา เตเพร เนอ อาซออาหล่อ โต่. 38“ฮู๊เนอ อาขว่าอาคยา, โป่แหว่ ล๋อ ปลี ซี๋, แว ซิหยื่อ นอซิเง ตาเต เกอ ซี เน๊อ อู แด๊โฉ่โด่แน เป่ ซี ปลวาแก ซี เตซื๊อ เนอหม่า หม่าเด๊อ เหย่ซู่ครี๊ อาขว่าอาคยา แพ๊. 39เด๊อ เหย่ซู่ เมโทเฮ๊อ อาขว่าอาคยา, แกแย เด๊อ อา หยื่อเอ่ เหย่ซู่ ปว๋า เตเพร เนอ จอแปแหร่ ปลวาแก ลอเฮ๊อ ลูเตซื๊อ เร๊อ อา แด่จ๊อแด่เตแก ลู เฮ๊อ. เด๊อ ซี ครวาลือ เมเกอ คูโมเสส อา เตซว๊าเตแส่ อาขว่าอาคยา, จอแปแหร่ ปลวาแกแจ่ ซี เตซื๊อ เนอเต๊เห่ ตีกี๋ โต่. 40ฮู๊เนอเรอ รอหนิ แลแค ซิเหน่, เมเตเฮ๊เร๊อ ซี เก่ เมทวาแถ่ เต ซีเหน่ ฮู๊ เพรโพร เต๊เห่ เฮ๊หนื่ออื่อ โทเฮ๊อ เนอเต๊เห่ แต่เหม่. 41เพรโพร เฮ๊ เน๊อ, ‘ซี เด๊อ อา เฮ๊เบ่ โตโมจู๊แก่ ดื่อเง เต๊เห่ ซี๋, หนิดา แลแค! คย๊ายื๊อ เร๊อ เซอแก แลแค มอ. เมเตเฮ๊เรอ, เบ๊อะซี ทือเค เออเนอ แว เก่ เม เป่ ซี เตเต๊อเจ่อเจ่อ เด๊อ อู แด๊โฉ่ เป่ เจ๊อ ซี ปา หม่าแน๊เรอ ซี หยื่อเอ่ เกออู ตีกี๋ โต่ เออเนอ ปา,’ เพรโพร เฮ๊ ฮู๊เนอ.” x 42เบ๊อะคูเปาโล เร๊อ คูบารนาบัส เถ่จว๊าแก เด๊อ เตจ๊อเบโฮกู เบ๊อะเนอ, แกแย เบ๊หมู่ เต๊เห่ นอแฮโป่ เหย่ซี ช๋า แกแยยิวพู๊ อา ม๊อเนอโด่ เบ่ คยาแซ๊ เด๊อคยา โซซว๊าเตอเนอ ปา. เร๊อ อา นอแด๊โฉ่โด่แน โอ่เอ๊แถ่ โป่ เหย่ซี เร๊อ เตหรี่เตแก ซีเต๊เห่. 43เร๊อ เบ๊อะอู จ๊อเบ โทเฮ๊อ เด๊อ เตจ๊อเบโฮกู เบ๊อะเนอ, แกแยยิวพู๊ เต๊เห่ เร๊อ แกแยยิวพู๊ หม่าโต่ เด๊อ อา หยื่อเอ่ เกอ แกแยยิวพู๊ อาเตจ๊อบู่จ๊อเบ เต๊เห่เนอ, อา ครวาปลูครวาเผ่ เกอลอ คูเปาโล เร๊อ คูบารนาบัส อาคยา. เร๊อ เหย่ซี เฮ๊เบ่ เด๊อะอ๊าเด๊อะเหร่ ฉว่าชอแถ่ แกแย เด๊อ อา ครวาเกอ ลูคยา เนอเต๊เห่ เน๊อ อา เก่ โอ่เซอเพร ชีเหน่ เป่แฮ หนิเกอ แลแค อาเหน่ เด๊อ จอแปแหร่ อาบุ๊ยอาเตอเรอ อากู. 44เด๊อคยา โซซว๊าเตอเนอ เบ๊อะแกแยยิวพู๊ อา ม๊อเนอโด่ เบ่ คยาแซ๊ เบ๊อะเนอ, แกแย เด๊อ อา แฮ หนิดาเกอ แบ่เจ่ จอแปแหร่ อาลาอาโหง่ เต๊เห่เนอ, อา ผือ ลอ เจ๊อ ตีวีลอ เจ๊อ. 45เบ๊อะแกแยยิวพู๊ เต๊เห่ แม๊เถอะ แกแย แฮโหร่แฮเอ๊ เบ๊อะเนอ, เหย่ซี ซิเคว๊ หนิเกอ แหน่เจ๊อ คูเปาโล เร๊อ อา เคร๊ฉื่อ เป๊อเจ่ออิแช๊แก คูเปาโล อา เตเฮ๊เบ่อี๊โช เต๊เห่. 46โทเร๊อ คูเปาโล เร๊อ คูบารนาบัส ลื๋อ เฮ๊เบ่ คือเฮ๊เบ่บื่อ โป่โป่ เจ๊อ, เร๊อ อา เฮ๊ เน๊อ, “เป โตเบ่ แด๊โฉ่โด่แน เหร่อเล๊อ เป่ ซี เร๊อ จอแปแหร่ อาลาอาโหง่. หม่าแน๊เรอ ซี หยื่อเอ่แลแค เป เตโด่แน เออเนอ โต่ อาขว่าอาคยา, ซี เมจากาคยาแล เกอ เร๊อดื่อ เฮ๊อ ซิเหน่ ฮู๊ แกแย เด๊อ อาต่า พย๊าหนิ เกออู แหย่โยบูโพ๊เซอเพร ตูจูเพร โต่ เนอเต๊เห่ เฮ๊อ. ฮู๊เนอเรอ เป เก่ แด่แก ซี เร๊อ เป เก่ จว๊า เด๊อ แกแยยิวพู๊ หม่าโต่ เต๊เห่ อา โอ่. 47เมเตเฮ๊เรอ, แบ่เจ่ เฮ๊แก เป อาโหง่ เน๊อ, ‘แซ่ฮู๊ เห่ขุต๊าบ่าลอ เก่ พย๊าหนิ เกอ อู เตเมแลเปล๊กาอาเงเนอ, แว นอทวาแถ่เฮ๊อ ซี ฮู๊ เตลี เตเม เด๊อ แกแยยิวพู๊ หม่าโต่ เต๊เห่ อาเง เฮ๊อ,’” แบ่เจ่ เฮ๊แก ฮู๊เนอ. y 48เบ๊อะแกแยยิวพู๊ หม่าโต่ เออเต๊เห่ หนิโฮน๊อ เกอ เฮ๊อ เตเออ เบ๊อะเนอ, เหย่ซี ซิครือ เร๊อ ถู่เซ๊แถ่ แบ่เจ่ อาลาอาโหง่ เออเต๊เห่ เฮ๊อ. เร๊อ แกแย เด๊อ จอแปแหร่ นว๊าแถ่เฮ๊อ เหย่ซี เด๊อ อา เก่ พย๊าหนิเกอ แหย่โยบูโพ๊เซอเพร ตูจูเพร เต๊เห่เนอ, อา ทวา กา แลแค เพรหยื่อเอ่ เต๊เห่ เฮ๊อ. 49แบ่เจ่ จอแปแหร่ อาลาอาโหง่ เออเนอ, อู เบ่ แด๊โฉ่โด่แน โลปีชีจว๊า ลอ อา เต๊เก่เล เฮ๊อ. 50หม่าแน๊เรอ แซ่ฮู๊ อู เก่ เมจาเมจือ คูเปาโล เร๊อ คูบารนาบัส เออเนอเร๊อ แกแยยิวพู๊ ซี เต๊เห่เนอ, อา นอฉว่า เฮ๊ชอ เพรเหมาะ เด๊อ อา จ๊อเบ จอแปแหร่ เร๊อ อา ทวา กู่กล๊อ เต๊เห่, เน๊อ เพรคู เด๊อ อา ทวา กู่กล๊อ เด๊อ วีกู เนอเต๊เห่, เร๊อ อา จว๊า เฮ๊ แฉ่ครวา โป่ ลอเหย่ซี. เร๊อ เหย่ซี เหว่เถ่แก คูเปาโล เร๊อ คูบารนาบัส เด๊อ เหย่ซี เก่กู. 51ฮู๊เนอเรอ เพรโด่แนพู๊ เต๊เห่ โซตาแก เห่หมื่อ เด๊อ อา กู่ยาเล. เออ หม่า อา เด๊อะโลซิเงแก วีกู เบ๊อะเนอ เต๊เห่ เนอ เตม๊าเตแด เต๊อเจ่อ เฮ๊อ, เมเตเฮ๊เรอ เหย่ซี วีกู เต๊เห่เนอ, อา เคร๊ฉื่อ เหว่เถ่แก เหย่ซี, เร๊อ เหย่ซี เถ่จว๊าแก เด๊อ วีอิโคเนยูม. z 52เร๊อ เพรหยื่อเอ่พู๊ โอ่ เบ๊อะวีอันทิโอก อากู เต๊เห่เนอ, เหย่ซี ซิครือซิลอ แหน่เจ๊อ เร๊อ อา เล๊อบา แลแค เจ๊อ เร๊อ แหย่โยบูโพ๊แบ่เจ่.
Copyright information for
EkySCThai