Acts 2
แหย่โยบูโพ๊แบ่เจ่ ตาแล
1เบ๊อะม๊อเนอ เด๊อ อู เฮ๊ เร๊อ เพ็นเทคอสต์ ▼▼เพ็นเทคอสต์ อาโหง่แลช๊า หม่า “ม๊อเนอแงเชอ” เมเตเฮ๊เรอ อาโต เบ๊อะอู เม โทเฮ๊อ เตจว๊าตาลว๊า ป่วย เร๊อ อา บาแถ่ ม๊อเนอ แงเชอ เนอเตอเนอ.
แฮโต่เฮ๊อ เบ๊อะเนออาเค, เหย่ซี ล๋อ ปลี แฮ โอ่ปล๊อโอ่ปลู โหร่ลอ ลู เด๊อ เหล่โอ่ โต๊โผ่โต. b 2เตพรารื๊อพราเต๊ แถ่ คย๊า เด๊อ ม๊อเล เร๊อ อา พรา แซ่เจ๊อเน๊อ เก่แลเซ๊ แลแลดุ แฮเนอเร๊อ อา แฮแล โน เด๊อ เหย่ซี โอ่แนโอ่ เกอเร๊อ หี่เนอ เตเม อากู เร๊อ อา พรา ลอ เจ๊อ หี่เตเม เจ๊อ. 3โทเร๊อ เหย่ซี แม๊เถอะ แลแค หมิแกแถ่ แซ่เน๊อ ปลีเต๊เห่ เร๊อ อา ลูปีซีจว๊า ลอ เร๊อ อา จว๊า แบ๊โอ่ เด๊อ เหย่ซี เตเพร โท เตเพร อากูดือขุ. 4เหย่ซี เล๊อบา ล๊อปลี เร๊อ แหย่โยบูโพ๊แบ่เจ่ ปว๋า เตเพร เร๊อ เหย่ซี เฮ๊เบ่เถ่ ลอ เน๊อ โหง่โค๊ตีกลี๊ ฮู๊ แหย่โยบูโพ๊แบ่เจ่ นอเฮ๊เบ่ เหย่ซี เนอเต๊เห่. 5เบ๊อะเนออาเค แกแยยิวพู๊ เด๊อ อาแด่ดุ จอแปแหร่ เต๊เห่ อาโอ่ แลแค เด๊อ เทอเก่ ปว๊าเต๊เก่ เร๊อ อา แฮ แลแค เด๊อ วีเยรูซาเล็ม เร๊อ อา แฮ โอ่ แลแค เบ๊อะเนอ. 6เบ๊อะอู หนิโฮ อาพรารื๊อพราเต๊ แถ่เออ เนอ, แกแย เต๊เห่ แฮ ตาวา ลอปลี เร๊อ เหย่ซี อาคย๊าอายื๊อ ลอปลี เจ๊อ, เมเตเฮ๊เร๊อ เพรหยื่อเอ่ เต๊เห่ เฮ๊เบ่ โหง่ เต๊เห่เนอ, ล๋อ แกแย แฮ เบ๊อะเนอ เต๊เห่, เตเพร เร๊อ เตเพร หนิโฮ ซิเงเกอเร๊อ ลอ ดื่อ เร๊อ เหย่ซี อาโหง่ เร๊อดื่อ อาขว่าอาคยา, อา อาคย๊าอายื๊อ ล๊อปลี เจ๊อ. 7เร๊อ เหย่ซี เฮ๊ เกอเร๊อ แคลู เน๊อ, “แกแย เด๊อ อา เฮ๊เบ่ เต เออเต๊เห่ เนอหม่า แกแยกาลิลีพู๊ แพ๊ แวเฮ๊เนอแต? 8หม่าเมเตเรอ ล๋อ เป เออเต๊เห่ จว๊าหนิโฮ โต่ เหย่ซี เฮ๊เบ่ ลอ เร๊อ เป เตเพร เร๊อ เตเพร อาโหง่ ฮู๊เตเต? 9เป เออเต๊เห่เนอ, เต๊เห่เห่ หม่า ปารเธียพู๊, มีเดียพู๊, เอลามพู๊, เมโสโปเตเมียพู๊, แกแยยิวพู๊, ดัปปาโดเซียพู๊, ปอนทัสพู๊ เน๊อ เอเชียพู๊, 10พรีเจียพู๊, ปัมฟีเลียพู๊, อียิปต์พู๊, ลิเบียพู๊ เด๊อ อา โอ่ผื่อ เร๊อ วีไซรีน, เร๊อ เป เออเต๊เห่เห่เนอ อา โอ่ เด๊อ วีโรม เร๊อ อา แฮ เล. 11(เป เออเต๊เห่ เนอหม่า เต๊เห่เห่เร๊อ แกแยยิวพู๊, เต๊เห่เห่เร๊อ แกแยยิวพู๊ หม่าโต่ ตื๊อดื่อเร๊อ เป โนเกอ เด๊อ แกแยยิวพู๊ อา เตจ๊อบู่จ๊อเบ อากู.) แกแย เด๊อ อาโร โป่ เต๊เห่ เนอหม่า ครีตเตกลื๊อพู๊ เน๊อ อาระเบียพู๊ ซีเต๊เห่. หม่าแน๊เร๊อ เป ปว๋า เตเพร จว๊าหนิโฮ โต่ เหย่ซี เออเต๊เห่ แด๊โฉ่โด่แน จอแปแหร่ อาเตเม อาโค๊ตีกลี๊ เต๊เห่ เน๊อ ล๋อ เป เออเต๊เห่ อาโหง่โหง่.” 12เหย่ซี อาคย๊าอายื๊อ ลอปลี เจ๊อ ปว๋า เตเพร เร๊อ อา เตเนโปล ปา เจ๊อ แลแค โต่. เร๊อ เหย่ซี แด๊เฮอ เกอเร๊อ แลแค ลู เน๊อ, “เต จว๊าเม ทวาแถ่ โต่ อาเหน่ ฮู๊เออ หม่า อาโหง่แลช๊า แฮ ฮู๊เตเต?” อา เฮ๊ เกอเร๊อ ลู เตเพร เร๊อ เตเพร ฮู๊เนอ. 13หม่าแน๊เร๊อ แกแย เด๊อ อาโร เต๊เห่เห่เนอ อา งยาโคร เพรหยื่อเอ่เต๊เห่ เออเต๊เห่ เร๊อ อา เฮ๊ แลแค เน๊อ, “แกแย เออเต๊เห่ หม่า อา โอมือ แลแค เทอเผร่ แพ๊.” คูเปโตร อา เตเฮ๊โฉ่โด่แน
14โทเร๊อ คูเปโตร เด๊อ อา ก๊อถ่อโอ่ เต่อเกอ เร๊อ เพรโด่แนพู๊ เต๊เห่ เช๊อเตเพร เออเตเพรเนอ, อา เอ๊โท เฮ๊เบ่ ฉว่า เป่ อู เน๊อ, “โป่แหว่ แกแยยิวพู๊ เร๊อ แกแย อาโอ่ เด๊อ วีเยรูซาเล็ม อากู ล๋อ ปลี ซี๋, หนิดา แลแค! แว เก่ แด๊โฉ่ เป่ ซี เตทวาแถ่ เออ อาโหง่แลช๊า. 15ซี เตเน แลแค เนอ แกแย เออเต๊เห่ โอมือเทอ หม่าแน๊เร๊อ อาหม่าโต่, เหมาะลี ลุยซว๊าตือมือ ตื๊อเบ่ ปาแพ๊! 16เตทวาแถ่ ฮู๊เออ เต๊เห่ เนอหม่า อา ทวาแถ่เฮ๊อ ฮู๊ เพรโพร โยเอล แด๊โฉ่โด่แน หนื่ออื่อ โทเฮ๊อ เนอเต๊เห่ แพ๊. 17‘จอแปแหร่ เฮ๊ เน๊อ, เออ หม่า เต เด๊อ แว เก่ นอทวาแถ่ อา เบ๊อะม๊อเนอ เด๊อ คยาตื๊อดื่อเล๊อ ปา เต๊เห่เนอ เฮ๊อ. แว เก่ กลอตา แว แหย่โยบูโพ๊แบ่เจ่ เด๊อ แกแย เห่ขุพู๊ ล๋อ ปลี เต๊เห่ อาลู ปา. ซี พู๊เหมาะพู๊คู เต๊เห่ เก่ แด๊โฉ่โล หนื่ออื่อ แว เตหรี่เตแก เต๊เห่ ปา, ซี เพรคูพู๊เส่ เต๊เห่ เก่ แม๊เถอะลว๊า หนื่ออื่อ ปา, เร๊อ ซี โหมะเผระ เต๊เห่ เก่ โอ่เมอแหม่ลว๊า เต เต๊เห่ ปา. c 18ม๊อเนอม๊อเซ แฮโต่เฮ๊อ ปา เนอ, แว เก่ กลอตา แว แหย่โยบูโพ๊ เด๊อ แวหลู่เล๊ เพรเหมาะเพรคู เต๊เห่ อาโอ่ ปา เร๊อ เหย่ซี เก่ แด๊โฉ่โล เป่ ซี เร๊อ แว เตหรี่เตแก เต๊เห่ ปา. 19แว เก่ เด๊อะโล เตเม อาตาปา อาคย๊าอายื๊อ เต๊เห่ เด๊อ ม๊อเล ปา. โท๊โต่ แว เก่ เด๊อะโลแถ่ เมโค๊ตีกลี๊ อา เมม๊าเมแด เต๊เห่ เด๊อ เห่ขุ เออ ปาปา, สุ่ย เร๊อ หมิ, เน๊อ หมิโข่ ตูอูแถ่ เก่ โอ่แถ่ เด๊อ เห่ขุเออเนอ ปา. 20เบ๊อะแบ่เจ่ อา ม๊อเนอดุ เด๊อ อา เล๊อบา เร๊อ เตเตอเรอดุ เตอเรอทู เออ แฮโต่ แต่ล๋ายโต่ เบ๊อะเนอ, ต๊อเหมาะ อา คี๊ตือรือแก ปา, เร๊อ เล เก่ ลีกีซุ๊ยแก ฮู๊ สู่ย เนอ ปา. 21เร๊อ เบ๊อะเนออาเค ปาเนอ แกแย เด๊อ อา เอ๊โทแถ่ เด๊อ แบ่เจ่ อา โอ่ เตเพรเพรเนอ. อา เก่ พย๊าหนิดื่อ เตเหล่แลเปล๊ ปา,’ d เพรโพร โยเอล เฮ๊ ฮู๊เนอ.” 22เร๊อ คูเปโตร เฮ๊ โป่ เน๊อ, “แวโค อิสราเอล ซี๋, หนิดา แลแค แว เตเฮ๊เบ่เออ! เบ๊อะวีนาซาเร็ธ เหย่ซู่ โอ่เตอเกอ เร๊อ ซี เบ๊อะเนอ, อา เด๊อะโล เอ๊ เป่โทเฮ๊อ ซี เตเม อาโค๊ตีกลี๊ เต๊เห่ เนอ เตเม อาตาปา อาคย๊าอายื๊อ เต๊เห่ เน๊อ เตเม อาโค๊ตีกลี๊ อา เมม๊าเมแด เด๊อ จอแปแหร่ เด๊อะโพรเด๊อะเตอเรอ ลู เออเนอเต๊เห่ เฮ๊อ. เออเนอหมา อา เด๊อะโลเฮ๊อ เน๊อ เหย่ซู่ หม่า อา โอ่ เด๊อ จอแปแหร่ อา โอ่แฮ ฮู๊เนอ เฮ๊อ. อา เม เป่ โทลอเฮ๊อ เตเม เออเต๊เห่ เนอหม่า ซี ซิเง โทดื่อเฮ๊อ. 23ฮู๊ จอแปแหร่ ตี๊หรี่แตแร หนื่ออื่อ เร๊อ อา ซิเงหนื่ออื่อ โทดื่อเฮ๊อ เร๊อ อู เก่ เด๊อะ ตาแก เหย่ซู่ เด๊อ ซี กู๊ยากู ปา เร๊อ ซี นอมือเซอแถ่ อา เร๊อ แกแยจา แกแยมู๊แหม่ เต๊เห่ เด๊ออี๊ถื่อดีเต่ อาลู ปา. e 24หม่าแน๊เร๊อ จอแปแหร่ เมเซอเพร กาคยา คยาแซ๊ อา เด๊อ เตเซอ, เร๊อ อา เมแลเปล๊กา ลู เด๊อ เตเซอ อา เตจาเตจื่อ อาเล, เมเตเฮ๊เร๊อ เตเซอ อาโหมะเพ ปื่อกลอหม่าแจ่ ปา ลู โต่ เฮ๊อ. f 25โพดาวิด เฮ๊โฉ่หนื่ออื่อ โทเฮ๊อ ครี๊ อาหรี่อาแก เร๊อ อา เฮ๊ เน๊อ, ‘แว แม๊เถอะ แบ่เจ่ อาโอ่ เด๊อ แว เป๊เส่เง ปว๋า โตโพ๊ เจ๊อ. จอแปแหร่ อาโอ่ เด๊อ แว กู๊ขุ จ๊อทว๊า ตากยา อาขว่าอาคยา, อู เมแป่เมเช แจ่ แว เตอเจ๋อ โต่. g 26ฮู๊เนอเรอ แว ซิปล่อโม ปว๋า โตโพ๊ เจ๊อ, เร๊อ เบ๊อะแว เฮ๊เบ่ เบ๊อะเนอ แว เฮ๊เบ่ โชชื่อ เจ๊อ เน๊อ เตซิครือซิลอ เจ๊อ. โท๊โต่ แว เหน่กล่อ เออเนอเบ่เบ่, แว โอ่เซอเพร เด๊อ เตแม๊ฉือ อากู ปา. 27แว ซิครือซิลอ แหน่เจ๊อ, เมเตเฮ๊เร๊อ เน วีตาแก แว ซิปล่อเซอเพร เด๊อ โลเก่เน๊ดอโต่. เน นอซอนอหล่อแก เน แกแย บูโพ๊ เออเตเพร เด๊อ โลกู โต่. 28เน เด๊อะโล โทเฮ๊อ แว แกล๊ เด๊อ อา ซูจว๊า แว เด๊อ เตเซอเพร เนอโตโบ เฮ๊อ. เน โอ่เกอ เร๊อ แว อาขว่าอาคยา, แว ซิครือซิลอ แหน่เจ๊อ,’ h โพดาวิด เฮ๊ ฮู๊เนอ.” 29เร๊อ คูเปโตร เฮ๊ คยาแซ๊ เน๊อ, “แว โป่แหว่ ซี๋, แว เก่ แด๊โฉ่โล เป่ ซี เน๊อ เปโพดาวิด เด๋องย๊าเค เตเพร อาหรี่อาแก. อา เซอ เร๊อ อู โล๊ โทเฮ๊อ ลู, เร๊อ อาโลขุเนอ อา โอ่ ตื๊อดื่อ ปา เบ๊อะเออ โต่กู๊แหน่ เจ๊อ. 30โพดาวิด หม่า เพรโพร เตเพร. จอแปแหร่ อ๊อแล โทเฮ๊อ ลู เน๊อ เด๊อ อากลุยอาแล อาเกล เตเพรเนอ, จอแปแหร่ เก่ นอทวาแถ่ ลู เน๊อ คุ๊ย เด๊อ อากู๊เหล่ เออเนอ ปาเนอ, อา ซิเง แพ๊. i 31โพดาวิด แม๊เถอะหนื่ออื่อ เร๊อ จอแปแหร่ เก่ เมเต ปา อาขว่าอาคยา, อา เฮ๊เบ่ หนื่ออื่อ เร๊อ ครี๊ เด๊อ จอแปแหร่ นว๊าแถ่ อา เน๊อ เพรเมแลเปล๊กา อู เออเตเพร อา เตเซอก๊อถ่อ เซอเพร กาคยา อาหรี่อาแก เร๊อ อา เฮ๊ เน๊อ, จอแปแหร่ วีแก แก อา เด๊อ โลเก่เน๊ดอ โต่. โท๊โต่ อา นอซอนอหล่อแก ลู โต่. j 32จอแปแหร่ เมเซอเพร กาคยา โท เหย่ซู่ เออ เด๊อ เตเซอ เร๊อ ล๋อ เป เออเต๊เห่ เนอหม่า เป ทวา เป่ ลู เพรข่าเฮ๊โล เด๊อ เป เก่ ข่าเฮ๊โล เป่ อู เร๊อ อาเตเซอ ก๊อถ่อกาคยา เออ อาหรี่อาแก. 33จอแปแหร่ แด่ดุแด่ทู เหย่ซู่ เร๊อ อา แด่โอ่ ลู เด๊อ อากู๊ขุ จ๊อทว๊า ตากยา, เร๊อ ฮู๊ อาเพ จอแปแหร่ อ๊อแล โทเฮ๊อ เน๊อ อา เก่ เด๊อะ ลู แหย่โยบูโพ๊ เนอ อา เด๊อะเฮ๊อ ลู เฮ๊อ. เร๊อ เหย่ซู่ กลอตาแล๊ตา เฮ๊อ เต เด๊อ เน แม๊เถอะ หนิโฮเฮ๊อ กู๊แหน่เออ เนอเต๊เห่ เฮ๊อ. 34โพดาวิด อาเหน่แบ่เจ่ เร๊อดื่อ แถ่ โต่เด๊อ ม๊อขุ โต่ ตื๊อดื่อเรอ อา เฮ๊ เน๊อ, ‘แบ่เจ่ จอแปแหร่ เฮ๊ แว แบ่เจ่ เน๊อ, “โอ่แนโอ่ เด๊อ แว กู๊ขุ จ๊อทว๊า เออเตอกยา. k 35เร๊อ โอ่แน โต่เด๊อ แว แด่ตา แกแย เด๊อ อา ซิเถ่ เน เออเตเพร เด๊อ เน กุ๊ยาเล เด๊อ อาแซ่เร๊อ เน กู๊เหล่ เหล่เคหยิตา เออเนอ ปา,”’ lโพดาวิด เฮ๊ ฮู๊เนอ. 36“ฮู๊เนอ อาขว่าอาคยา, อิสราเอล อากลุยอาแล ล๋อ ปลี ซี๋, ซี เบ่ ซิเง ตาเต เร๊อ เหย่ซู่ เด๊อ ซี มือเซอ แถ่ อา เด๊อ อี๊ถื่อดีเต่ลู เออเตเพรเนอ, จอแปแหร่ เด๊อะทวาแถ่ เฮ๊อ ลู เร๊อ อา หม่า แบ่เจ่ หม่า อาหม่าหม่า, ครี๊ หม่า อาหม่าหม่า เฮ๊อ,” คูเปโตร เฮ๊ ฮู๊เนอ. 37เบ๊อะแกแย เออเต๊เห่ หนิโฮ คูเปโตร แด๊โฉ่ เป่ เหย่ซี ฮู๊เออ เบ๊อะเนอ, เหย่ซี ซิปล่อเช แหน่เจ๊อ เร๊อ อา เฮ๊กาคยาฉื่อ คูเปโตร เน๊อ เพรโด่แนพู๊ เต๊เห่ เด๊อ อาโรเต๊เห่ เน๊อ, “โป่แหว่ ซี๋, เก่เฮ๊ฮู๊เนอเร๊อ เป โตเบ่ เมฮู๊เต?” 38คูเปโตร เฮ๊ เป่ เหย่ซี เน๊อ, “แซ่ฮู๊ จอแปแหร่ เก่ ปลวาแก ซี เตซื๊อ เต๊เห่เนอ, ถู่แหล่แต๊แกละกา แลแค ซิปล่อ ปว๋า เตเพร เร๊อ เจ แลแค ซีเหน่ เร๊อ เทอ เด๊อ เหย่ซู่ครี๊ อามุย อากูเนอ, ตื๊อหม่า จอแปแหร่ เก่ เด๊อะ ซี เชหยู่ หม่าเฮ๊อ แหย่โยบูโพ๊แบ่เจ่ เออเนอ ปา. 39จอแปแหร่ อา เตอ๊อแลนอแล เออเนอหมา, หม่า ซิเง เน๊อ ซีกลุยซีแล เด๊อคยา เต๊เห่ อาเง เน๊อ, ล๋อ แกแย เด๊อ อา โอ่ เด๊อ เทอเก่อายา เต๊เห่ อาเง เร๊อ ล๋อ แกแย อาโอ่ เด๊อ จอแปแหร่ เอ๊แฮ ลู เด๊อ อา โอ่ เนอเต๊เห่ อาเง เฮ๊อ.” 40คูเปโตร เฮ๊รอเฮ๊เร หนื่ออื่อ เอ๊ลา เหย่ซี, โท๊โต่ อา เด๊อะอ๊าเด๊อะเหร่ เหย่ซี เน๊อ, “เมแลเปล๊กา แลแค ซีเหน่ เร๊อ เตเมจากาคยา เด๊อ อา เตเร แฮเบ่ แกแย มู๊แหม่รีแจ่ เออตือทือ เนอเต๊เห่ นี่!” 41แกแย เด๊อ อา หยื่อเอ่ คูเปโตร อา เตเฮ๊เบ่โด่แน เออเต๊เห่เนอ, อา เจหนิแลแค อาเหน่ เร๊อ เทอ. เร๊อ เบ๊อะเนอเตอเนอเนอ, แกแย หยื่อเอ่แลแค เร๊อ อากา โกโน โอ่เอ๊แถ่ เกอ โป่ เหย่ซี เนอ, อา พื๋อ โอ่ อาเพร โซรี๊ เจ๊อ.เพรหยื่อเอ่ เต๊เห่ อา เตโอ่เซอเพร อา กาแบ๊ทว๊าแบ๊โค คยาลู
42เหย่ซี พย๊าหนิ แลแค ม๊อเนอม๊อเซ เด๊อ อา เบ่ อิซว๊า ซิเงแถ่หนิ เกอ อาเหน่ เด๊อ เพรโด่แนพู๊ เต๊เห่ อา โอ่, เร๊อ เหย่ซี แบ๊ซว๊าแบ๊โคหนิ ลู, เอ่โอ โหร่ลู ▼▼เบ๊อะเพรหยื่อเอ่ เต๊เห่ เอ่โอ โหร่ลู เต เบ๊อะเนอ, เหย่ซี เอ่โอ ป่าเต่อเกอ เร๊อ แบ่เจ่ อาเตเอ่ บูโพ๊ เหมาะเฮ๊ เกอเหล่.
เร๊อ กุยจ๊อเบ โหร่ลู. 43เพรโด่แนพู๊ เต๊เห่ เมโล เตตาปา อาคย๊าอายื๊อ เต๊เห่ เน๊อ เตโค๊ตีกลี๊ อา เตม๊าเตแด เต๊เห่ อาขว่าอาคยา, อูปว๋า เพร ซิอิเช แด่ดุหยื่อแหน่ ล๊อปลี จอแปแหร่ เจ๊อ. 44ล๋อ เพรหยื่อเอ่ เต๊เห่เนอ, อา โอ่เต่อโอ่ปล๊อ ลู เร๊อ เต เด๊อ อา โอ่ เน๊อ เหย่ซี เต๊เห่เนอ, อา เด๊อะตา เมจว่า เกอเร๊อ ลู เตเพร เร๊อ เตเพร. n 45เหย่ซี อิเชตาแก อา อู่เจเต๊เหย่ เน๊อ อา ตาหมื่อตาเต เต๊เห่ เร๊อ อา เมจว่า เป่ เร๊อ แกแย เด๊อ อา โหล่รือ โหล่เท เต๊เห่. 46เหย่ซี จว๊า โอ่กู๊ โร๊ลู เด๊อ เต หลู่แตโฮ ปว๋า เตอเนอ เร๊อ เหย่ซี ซิปล่อฉว่า เด๊อะเอ่เด๊อะโอ เป่ ลู เตเพร เร๊อ เตเพร. เร๊อ ซิครือซิลอ เอ่โหร่โอโหร่ลู เด๊อ เหย่ซี อาหี่ด๊อหี่แพ อากู. 47เหย่ซี ถู่เซ๊แถ่ จอแปแหร่ เร๊อ อูปว๋า เพร ซิปล่อ โอ่เกอ เหย่ซี. แบ่เจ่ แด่โนปล๊อ เอ๊แถ่ เป่ เหย่ซี แกแย เด๊อ อา พย๊าหนิ เตเหล่แลเปล๊เนอ เต๊เห่ เด๊อ เหย่ซี เพรหยื่อเอ่ตู๊หมู่ตอปล๊อ อากู ปว๋า เตอเนอ เจ๊อ.
Copyright information for
EkySCThai