Acts 7
คูสเทเฟน เฮ๊เบ่โหง่ เต๊เห่
1เพรหลู่แต กู่กล๊อดุเล๊อ เออเตเพร แด๊เฮอ คูสเทเฟน เน๊อ, “ฮู๊ แกแย เออเต๊เห่ เฮ๊ เน เออเนอหม่า, เน เฮ๊ หม่าแหน่ แหน่ แอ?” 2เร๊อ คูสเทเฟน แด๊ เป่ เหย่ซี เน๊อ, “โป่แหว่โหมะเพ ซี๋, หนิดา แลแค แว เฮ๊ เป่ ซี เออ! เบ๊อะเปเพ เพอับราฮับ จว๊าโอ่ แต่ล๋าย เด๊อ วีฮาราน ล๋ายโต่, เร๊อ อา โอ่ปา แพ๊ เบ๊อะเมโสโปเตเมีย เบ๊อะเนอ, จอแปแหร่ เด๊อ อา เล๊อบา เร๊อ เตเตอเรอดุ เตอเรอทู เออเตเพร โอ่โลแถ่ เป่ ลู เด๊อ อา เป๊เส่เง. a 3โทเรอ อา เฮ๊ ลู เน๊อ, ‘แด่แก เนเทอเนเก่ เร๊อ เนกลุยเนแล เนอเต๊เห่ เร๊อ จว๊า โอ่ เด๊อ เก่ เด๊อ แว เก่ เด๊อะโล เน เออเนอ ปา นี๋.’ b 4“ฮู๊เนอเรอ เพอับราฮับ เถ่จว๊าแก เบ๊อะเคลเดีย เก่กู เนอเรอ อา เถ่จว๊าโอ่ เด๊อ วีฮาราน. เบ๊อะอาเพ เซอโท เร๊อ เด๊อคยาเนอ จอแปแหร่ นอจว๊าโอ่ ลู เด๊อ อูเทอเก่ เบ๊อะซีโอ่ เกอเร๊อ กู๊แหน่ เออเนอเฮ๊อ. c 5เร๊อ จอแปแหร่ เด๊อะตา แต่ล๋าย เพอับราฮับ เห่ขุโต่, เบ๊อะเตอกยาฮู๊ แพ๊เน๋อ อา เด๊อ เจ๊อ แล๋ ลู โต่, ตื๊อดื่อเรอ จอแปแหร่ อ๊อแล ลู เร๊อ อา เก่ เด๊อ ลู เก่เต๊เก่ ปา, เร๊อ เก่เออเนอ, อา เก่ ทวา เพอับราฮับ เร๊อ อากลุยอาแล แกแล แฮเง เออเต๊เห่ อาเทออาเก่ ปา. เบ๊อะจอแปแหร่ อ๊อแล ลู โหง่เออ เบ๊อะเนอ, เพอับราฮับ อาพู๊ โอ่ แล๋ เตเพร่ว โต่. d 6จอแปแหร่ เฮ๊โอ่แก เพอับราฮับ เน๊อ, ‘เนกลุยเนแล แกแล แฮเง เต๊เห่เนอ, อา เก่ จว๊าทวา ซิเผระ เด๊อ เทอโรเก่กลอ เต๊เก่ ปา. เร๊อ เหย่ซี อา จว๊าทวา หลู่เล๊ เบ๊อะเนอ ปา, เร๊อ อู เก่ เมจาเมจือ เหย่ซี อาหน่าลุยเย อากู ปา. e 7หม่าแน๊เรอ แว เก่ เมจากาคยา แกแย เด๊อ อา นอทวา เหย่ซี หลู่เล๊ เนอเต๊เห่ ปา. เร๊อ เด๊อคยาปาเนอ, เหย่ซี เก่ เถ่กาคยา เร๊อ เก่เบ๊อะเนอ เต๊เก่ ปา เร๊อ เหย่ซี เก่ เถ่กา จ๊อบู่จ๊อเบแถ่ แว เบ๊อะเนอ เนอโต๊โผะ ปา,’ f จอแปแหร่ เฮ๊ ฮู๊เนอ. 8โทเรอ จอแปแหร่ อ๊อแล อาโหง่ เร๊อ เพอับราฮับ ตือมือ, เร๊อ อา เตอ๊อแล อา เมม๊าเมแด เออเนอหม่า หม่าเฮ๊อ เพอับราฮับ เหล่โกล เม ดื๊อตีลี๊พ๊า ▼▼จอแปแหร่ เฮ๊ตา เพอับราฮับ เร๊อ อา เบ่ ดื๊อตีลี๊พ๊า. แซ่ฮู๊ อา เร๊อ อากลุยอาแล ตา แกแล แฮเง เต๊เห่ เก่ เด๊อะโล เร๊อ เหย่ซี ซิปล่อโตเกอ เร๊อ จอแปแหร่ อา เตอ๊อแลเออ เร๊อ อา จูเอ่ ครวาเมเกอ ฮู๊ จอแปแหร่ เฮ๊แก อาเง เนอ, อา เบ่ ดื๊อตีลี๊พ๊า, โท๊โต่ แซ่ฮู๊ อา เก่ เด๊อะโล แลแค เร๊อ เหย่ซี หม่า จอแปแหร่ อาแกแย เฮ๊อ อาเงเนอ, อา เบ่ ดื๊อตีลี๊พ๊า.
เออเนอ เฮ๊อ. เร๊อ เพอับราฮับ ดื๊อตีลี๊ เกอเร๊อ อา พู๊เพรคู อิสอัค พ๊า เบ๊อะอา โอ่เป๊เจ่แลปา โท อา โอ่บาเฮ๊อ อาเซ ลุยซว๊า เบ๊อะเนอ. เพอิสอัค เม แฮเง เป่ อา พู๊เพรคู คูยาโคบ ฮู๊ อาเพ เมเนอ. โทเรอ เพยาโคบ เม แฮเง เป่ เกอโป่ อา พู๊เพรคู เช๊อซิเนอ ฮู๊เนอเนอ. เพ ยาโคบ อาพู๊เพรคู เช๊อซิเนอ เออเนอหม่า หม่าเฮ๊อ เป กลุยแล เช๊อเนอโหมะ เออเต๊เห่ อาเพ เต๊เห่ เฮ๊อ. h 9“เพ ยาโคบ อาพู๊เพรคู เต๊เห่เนอ, อา ซิเคว๊ เกอเร๊อ เกอ อาโป่ คูโยเซฟ เร๊อ เหย่ซี เก่ อิเชจว๊าแก ลู เด๊อ อา จว๊าทวาแก หลู่เล๊ เด๊อ อียิปต์เก่ ปา. หม่าแน๊เรอ จอแปแหร่ โอ่เกอ เร๊อ อา. i 10โทเรอ เบ๊อะอา ป่อชิเต่อ เตแป่เตเช เบ๊อะเนอ, จอแปแหร่ เมแลเปล๊ ลู ปว๋า โตโพ๊ เจ๊อ. เบ๊อะคูโยเซฟ จว๊าโต่ เด๊อ อียิปต์เก่ คุ๊ยฟาโรห์ เป๊เส่เง เบ๊อะเนอ, จอแปแหร่ เด๊อะ ลู เตลีแมลีเพ๊ เร๊อ คุ๊ยฟาโรห์ อาเตแม๊ดุ โค๊ เกอเร๊อดื่อลู เต๊เห่. โทเรอ คุ๊ยฟาโรห์ นอเป๊อหนิเร๊อ ลู เร๊อ อียิปต์เก่ เน๊อ อาหี่อาแพ เน๊อ อาโฮเท ซีเต๊เห่. j 11“เบ๊อะเนออาเค เตโอ่วีโอ่กอ โอ่แถ่ เด๊อ อียิปต์เก่ เน๊อ เด๊อ คานาอันเก่กู เร๊อ เตจาเตจือดุ ตื๊อดื่อ เต๊เห่ โอ่ทวาแถ่ โต่ เจ๊อ เด๊อ เปเพอเปโพ เต๊เห่ เหล่เอ่เหล่โอ โอ่ ปา เจ๊อ โต่ เจ๊อ. k 12เร๊อ เบ๊อะเพ ยาโคบ หนิโฮ เร๊อ โบ๊ กู่ลา โอ่ เด๊อ อียิปต์เก่ เบ๊อะเนอ, อา นอจว๊า พรี เปเพ เด๋อ งย๊าเค เต๊เห่ เหล่เอ่เหล่โอ เด๊อ อียิปต์เก่ อาเหร่อเล๊อ โตโพ๊. 13เบ๊อะเหย่ซี จว๊าเฮ๊อ เนอโพ๊โตโพ๊ เบ๊อะเนอ, คูโยเซฟ เด๊อซิเง เหย่ซี เร๊อ อา หม่า เหย่ซี อาโป่ เร๊อดื่อ เร๊อ คุ๊ยฟาโรห์ ซิเงแฮ เกอดื่อ คูโยเซฟ อาโป่อาแหม่, อาโหมะอาเพ เออเต๊เห่. l 14โทเรอ คูโยเซฟ นอกา เอ๊แฮ อาเพ เพ ยาโคบ เร๊อ อาโป่แหว่ กลุยแล ล๋อ ปลี เด๊อ อียิปต์เก่กู. m อาโป่แหว่ กลุยแล ล๋อ ปลี เนอ, อา โอ่ โซซว๊าเตอเชอ เร๊อ ซิแง. n 15ฮู๊เนอเรอ เพ ยาโคบ เร๊อ อาพู๊อาเลอ เต๊เห่ จว๊าโอ่ แลแค เด๊อ อียิปต์เก่ เร๊อ อา เร๊อ เปเพ เด๋อ งย๊าเค เต๊เห่ จว๊าเซอลอ เบ๊อะเนอ. o 16เหย่ซี โล เต๊เห่เนอ, อู พย๊ากา เหย่ซี อา เด๊อ วีเซเคม. เร๊อ อู กา โล๊ เหย่ซี เบ๊อะเพอับราฮับ พรี หนื่ออื่อแก เกอเร๊อ โลขุ เนอโต๊โผะ. โลขุ เด๊อ วีเซเคม เออเนอ เพอับราฮับ พรี เด๊อ คูฮาโมร์ อาพู๊ ซีเต๊เห่ อาโอ่. p 17“เบ๊อะม๊อเนอ ผื่อแถ่เฮ๊อ เน๊อ จอแปแหร่ เก่ เมเล๊อเมบาแถ่ อา เตอ๊อแลนอแล เด๊อ อา อ๊อแลโทเฮ๊อ เน๊อ เพอับราฮับ เบ๊อะเนอ, เปเมวเจอะพู๊ เด๊อ อา โอ่ เด๊อ อียิปต์เก่กู เออเต๊เห่เนอ, อา โอ่โหร่แถ่ เร๊อ โอ่โหร่แถ่ เจ๊อ. q 18เด๊อคยาเนอ, คุ๊ย เด๊อ อา ซิเง คูโยเซฟ อาหรี่อาแก โต่ เตเพรเนอ, อา แถ่ เป๊อหนิ อียิปต์เก่. r 19อาซิปล่อ จ๊อ เด๊อ เป เมวเจอะ เออเต๊เห่ อาขุ โต่. s อา เมจาเมจือ เปโหมะเปเพ, เปเพอเปโพ เด๋อ งย๊าเค เต๊เห่, แซ่ฮู๊ เป๊เจ่พู๊ โอ่เซ เนอเต๊เห่ เก่ เซอแก อาเงเนอ, อา นอจว๊า แด่ตาพายาแก ตื๊อดื่อ เปเมวเจอะ พู๊โอ่เซ เออเต๊เห่ เร๊อ หี่. t 20“คูโมเสส โอ่เป๊เจ่แล โตเกอ เบ๊อะเนออาเค เฮ๊อ. อา หม่า เป๊เจ่พู๊ เด๊อ อา เพตว่าเพแซแร เด๊อ จอแปแหร่ อาเป๊เส่เง เตเพร. อาโหมะอาเพ แม๊ตู่ หนิ เกอ เร๊อ ลู เด๊อ หี่ด๊อกู โซเล แพ๊. u 21เร๊อ เบ๊อะอู จว๊าแด่ ตาพาแก อา เร๊อ หี่ เบ๊อะเนอ, คุ๊ยฟาโรห์ อาพู๊เพรเหมาะ แม๊เถอะ ลู เร๊อ อา พย๊ากา โบ่ดุ อี๊หนิ เร๊อ ลู ฮู๊ อาพู๊ เร๊อ อาเหน่ เร๊อดื่อ เตเพรเนอ. v 22อู อิซว๊าอี๊แส่ หนิ คูโมเสส เร๊อ อียิปต์เก่พู๊ อา เตลีแมลีเพ๊ ปว๋า เต๊อเจอะ เร๊อ อา เตเฮ๊เบ่เฮ๊โช เร๊อ อา เตเอ่เตแร เต๊เห่เนอ, อา เล๊อบา เร๊อ เตเตอเรอฉว่าชอ เจ๊อ. 23“เบ๊อะอาหน่า โอ่เฮ๊อ ลุยเชอ เบ๊อะเนอ, อา แด่แล อาซิปล่อ เร๊อ อา เก่ จว๊าโอ่เล เกอ อาเมวเจอะ อิสราเอล เต๊เห่. w 24อา แม๊เถอะ อียิปต์เก่พู๊ เตเพร เมนือเมจ๊า เมล๊าเมเล อิสราเอลพู๊ เตเพร เร๊อ อา จว๊า เมจว่า เป่ อิสราเอลพู๊ เออเตเพร. อา เมเลอฉื่อ กาคยา อียิปต์เก่พู๊ เออเตเพร เร๊อ อา เมเซอแก ลู. 25อา เตเน เร๊อ อาเมวเจอะพู๊ เร๊อดื่อ เต๊เห่ ซิเง เน๊อ จอแปแหร่ เก่ นว๊าแถ่ อา เด๊อ อา เก่ เมแลเปล๊กาหนิ เหย่ซี เด๊อ หลู่เล๊ ปา ตื๊อดื่อเรอ เหย่ซี ซิเงฉื่อ เกอ ลู โต่. 26อาเนอโอ่ปาเตอเนอเนอ, อา แม๊เถอะ อิสราเอลพู๊ เร๊อ อิสราเอลพู๊ ซิเนอ กย๊า เกอเร๊อ คยาดื่อ ลู เร๊อ อา จว๊า แอ๊จื๊อ เมเปเมดวา เมแร๊ กาคยา เป่ เหย่ซี เร๊อ อา เฮ๊ เหย่ซี เน๊อ, ‘หนิดา แลแค โคแบ๊ซว๊า ซี๋, ซีเร๊อซี เร๊อ ดื่อแพ๊ เร๊อ ซี จว๊า กย๊าเร๊อดื่อ ลู เมเต?’ 27“หม่าแน๊เรอ แกแย เด๊อ อา เมซื๊อเมปล๊า เหร่อ อาโค อิสราเอลพู๊ เร๊อดื่อ เออเตเพรเนอ, อา แฉ่ ตาพา จว๊าแก คูโมเสส เด๊อ อากลอ เร๊อ อา เฮ๊ ลู เน๊อ, ‘อูเป เตเพร เด๊อะ เน เตอเรอฉว่าชอ เด๊อ เน เก่เบ่ เป๊อ เป เร๊อ เพรเฮ๊เบ่เมโตเต เป่ เป เนอเป? 28เน ซิหยื่อ เมเซอเกอ แว ฮู๊ เน เมเซอ อียิปต์เก่พู๊ เด๊อ ป่าเฮ๊หนื่อ เนอเตเพร แอ? x 29เบ๊อะคูโมเสส หนิโฮ โหง่ เออตือมือ เบ๊อะเนอ, อา เถ่แกล่ จว๊าโอ่ เด๊อ มีเดียนเก่ ฮู๊ เทอโรเก่กลอพู๊ เตเพร, เร๊อ อา จว๊า พู๊โอ่หนิ เบ๊อะเนอ ซิเนอ. y 30“คูโมเสส จว๊าโอ่ บาเฮ๊อ เบ๊อะเนอ อาหน่าลุยเชอ เฮ๊อ เบ๊อะเนอ, เด๊อ โฉ่ซีนาย แก่ช๊า, เก่เชเทอแก หล่อตาม๊าขุ เบ๊อะเนอ โต๊โผ่เนอ, หมิอือแถ่ ส่อเหมาะโตโฮ๊ เร๊อ เตเน่วม๊อขุพู๊ เตเพร โอ่โลแถ่ เป่ ลู เด๊อ หมิกู เด๊อ อา เป๊เส่เง. z 31คูโมเสส แม๊เถอะ เร๊อ อาคย๊าอายื๊อ เร๊อ อา แฮแม๊ผื่อ ตาเต ลู เร๊อ อา หนิโฮ แบ่เจ่ โหง่พราเถ่ เน๊อ, 32‘แว หม่า เน โหมะเพเพอโพ เด๋อ งย๊าเค เต๊เห่ อา จอแปแหร่. แว หม่า เพอับราฮับ, เพอิสอัค, เพยาโคบ เต๊เห่ อา จอแปแหร่.’ aa คูโมเสส ซิอิเช แตแนตากยา เจ๊อ เร๊อ อา แม๊บื่อ ปา เจ๊อ โต่. 33“จอแปแหร่ เฮ๊ โป่ ลู เน๊อ, ‘เหล่โอ่ เบ๊อะเน ก๊อถ่อโอ่ เกอเร๊อ เนอโต๊โผะ หม่า เห่ขุ เด๊อ อาบูโพ๊ อาขว่าอาคยา, โปล๊เถ่แก เนแข่แด๊พ๊า เนอ. ab 34แว แกแยเมวเจอะ ข่าจาข่าจือ แหน่เจ๊อ เด๊อ อียิปต์เก่กู เนอหม่า แว แม๊เถอะ เฮ๊อ. แว หนิโฮเฮ๊อ เหย่ซี โปโอเปเช เร๊อ แซ่ฮู๊ แว เก่ เมแลเปล๊ เหย่ซี อาเงเนอ, แว แฮแล เฮ๊อ. จว๊าเจ๊อมอ กู๊แหน่, แว เก่ นอจว๊า เน เด๊อ อียิปต์เก่กู.’ ac 35“คูโมเสส หม่า แกแย เตเพร เด๊อ อาเมวเจอะ อิสราเอลพู๊ เร๊อดื่อ วีแก ลู เร๊อ โหง่ ตือมือ เด๊อ อา เฮ๊ ลู เน๊อ, ‘อูเป เตเพร เด๊อะ เน เตอเรอฉว่าชอ เด๊อ เน เก่เบ่ เป๊อ เป เร๊อ เพรเฮ๊เบ่เมโตเต เป่ เป เนอเป?’ อา เฮ๊ ลู ฮู๊เนอ. เตเน่วพู๊ โอ่โลแถ่ เป่ ลู เด๊อ แจ๊โจะกู อาขว่าอาคยา, จอแปแหร่ อาเหน่แบ่เจ่ เร๊อดื่อ นอจว๊า ลู เด๊อ อา เก่ เป๊อหนิ อา แกแย เบ๊หมู่ เร๊อ อา เก่ เมแลเปล๊ เหย่ซี. ad 36เด๊อ อียิปต์เก่กู เนอ เบ่เบ่, เด๊อ เทอดุซาวาลี อากูเนอ เบ่เบ่, คูโมเสส เด๊อ อา เอ๊เถ่กาแก แกแยยิวพู๊ เต๊เห่ เด๊อ อียิปต์เก่กู เออเตเพรเนอ, อา เมโล เป่ เหย่ซี เตเม อาโค๊ตีกลี๊ เต๊เห่ เร๊อ เตเม อาตาปา อาคย๊าอายื๊อ เต๊เห่. ae โท๊โต่ เบ๊อะเหย่ซี กา เด๊อ เก่เชเทอแก หล่อตาม๊าขุ อาหน่า ลุยเชอ อากูเนอ เบ่เบ่, อา เมโล เป่ อู อาเมวโคตีกลี๊ เออเต๊เห่เห่. af 37“คูโมเสส หม่า แกแย เด๊อ อา แด๊โฉ่โล เป่ อิสราเอล อากลุยอาแล เต๊เห่ เน๊อ, ‘จอแปแหร่ เก่ นอแกแล เพรโพร เด๊อ ซีโอ่ ฮู๊ อา นอจว๊า แว เออเนอ ปา, เร๊อ อา หม่า ซี แกแยเมวเจอะ พู๊ เร๊อ ดื่อ แพ๊.’ ag 38คูโมเสส หม่า แกแย เตเพร เด๊อ อา โอ่เต่อโอ่ปล๊อ เต่อโร๊ ลอ เร๊อ เปเพอเปโพ เด๊อ เก่เชเทอแก หล่อตาม๊าขุ เนอเตเพร เฮ๊อ. อา โอ่เตอเกอ เร๊อ เป โหมะเพเพอโพ เด๋อ งย๊าเค เต๊เห่ เร๊อ เตเน่วม๊อขุพู๊ เด๊อ อา เฮ๊เบ่ เกอเร๊อ ลู เด๊อ ซีนายโฉ่ขุ เนอเตเพร เฮ๊อ. โทเรอ อา หม่า แกแย เตเพร เด๊อ อา พย๊าหนิ จอแปแหร่ อาลาอาโหง่ เด๊อ อา เซอเพร เออเต๊เห่ เร๊อ อา เก่ เด๊อะแล แฮเง เป่ เร๊อ เป เออเต๊เห่ เนอ เฮ๊อ. ah 39“ตื๊อดื่อเรอ เป โหมะเพเพอโพ เด๋อ งย๊าเค เต๊เห่เนอ, อา หนิดา คูโมเสส อาโหง่ โต่. เหย่ซี แด่ต๊าหน่าแก ลู เร๊อ เหย่ซี เตเน ซิหยื่อ กาคยา เด๊อ อียิปต์เก่ แพ๊. 40เหย่ซี เฮ๊ คูโมเสส อาแหม่ คูอาโรน เน๊อ, ‘แบ๊ เป่ เป แบ่เจ่ เต๊เห่ เด๊อ อา เก่เป๊อเก่ซู แบ๊บือ หนิ เป เต๊เห่! คูโมเสส เด๊อ อา เอ๊เถ่กา เป เด๊อ อียิปต์เก่กู เออเตเพรเนอ, กู๊แหน่เร๊อ อา เมแคร๋ อาเหน่ ฮู๊เต เนอ, เป ซิเง ปาโต่ เฮ๊อ!’ ai 41โทเรอ เบ๊อะเนอเค เหย่ซี แบ๊ ปู่เพฮู๊แหย่โย โตโด เร๊อ อา หลู่แตแถ่ ลู เร๊อ เหย่ซี ซิครือซิลอ เมโป่ เอ่โอ เกอิเนอ, เร๊อ ถู่เซ๊แถ่ เกอเร๊อ แลแค เต เด๊อ อา เม เกอเร๊อ แลแค เร๊อ อากู๊ขุ เออเต๊เห่. aj 42ฮู๊เนอเรอ จอแปแหร่ ตีรี๊ แม๊โค๊แก เหย่ซี เร๊อ อา เด๊อะทวาแถ่แก เหย่ซี เร๊อ แกแย เด๊อ อา จ๊อเบแถ่ ต๊อเหมาะ, เล, เฉ่ เด๊อ ม๊อเล เต๊เห่ ฮู๊ อู ราโอ่แก เด๊อ เพรโพร เต๊เห่ อาลีกู เนอ เร๊อ อา เฮ๊ เน๊อ, ‘อิสราเอล พู๊ ซี๋! เบ๊อะซี โอ่ เด๊อ เก่เชเทอแก หล่อตาม๊าขุ อาหน่าลุยเชอกู เนอ, เตมีเตดอ เด๊อ ซี เมเซอ เร๊อ ซี หลู่แตแถ่ เต๊เห่ เนอหม่า ซี หลู่แถ่ เร๊อ แว หม่าโต่. ak 43เต เด๊อ ซี แย๊จว๊า เกอเร๊อ เออเนอหมา แบ่เจ่ เด๊อ อู เอ๊ เร๊อ โมเลค เออ อาเหล่สื่อ เร๊อ ซีแบ่เจ่ เด๊อ อู เอ๊ เร๊อ เรฟาน เออ อาเฉ่ แพ๊. เตเนอเต๊เห่ หม่า หม่าแพ๊ แหย่โย เด๊อ ซี แบ๊ เกอเร๊อ เน๊อ ซี เหล่จ๊อเบแถ่ อาเงแพ๊. ฮู๊เนอเรอ แว เก่ นอจว๊ายาแก ซี เด๊อ เทอโรเก่กลอ เด๊อ อายาเล๊อ เจ๊อ เร๊อ บาบิโลนเก่ เออเนอ ปา.’ al 44“เบ๊อะเป โหมะเพเพอโพ เด๋อ งย๊าเค โอ่ปา เด๊อ เก่เชเทอแก หล่อตาม๊าขุ เบ๊อะเนอ, เหย่ซี ช๊อแถ่ แลแค เหล่สื่อ เด๊อ จอแปแหร่ แด๊โฉ่โล เป่ เหย่ซี เนอเตเม. ▼▼เหล่สื่อ เด๊อ อา เด๊อะโล เร๊อ จอแปแหร่ โอ่เกอ เร๊อ เหย่ซี
อา ช๊อแถ่ เหล่สื่อดุเออ ฮู๊ จอแปแหร่ เฮ๊โฉ่โลหนิ เป่เฮ๊อ คูโมเสส เร๊อ อา เด๊อะโล เป่โทเฮ๊อ ลู เนอแพ๊. an 45 ao เด๊อคยาเนอ เปกลุยเปแล เออเต๊เห่ พย๊าหนิเกอ เหล่สื่อดุเออ เด๊อ เปโหมะเปเพ เต๊เห่ อา โอ่ เร๊อ เบ๊อะเหย่ซี จว๊าเกอ เร๊อ คูโยชูวา เบ๊อะเนอ, อา พย๊าจว๊า เกอเร๊อ. เบ๊อะอา โนพย๊าหนิ เฮ๊อ เก่ เบ๊อะเนอ, เหย่ซี พย๊าโนเต่อ เกอ เร๊อ เหล่สื่อดุ เออเนอ เด๊อ เก่เนอเต๊เก่ อากู. เร๊อ จอแปแหร่ เหว่เถ่เหร่อ เป่แก เหย่ซี เมวเจอะโรพู๊ เด๊อ อา โอ่ เบ๊อะเนอ เต๊เห่ เร๊อ เหล่สื่อดุ เออเนอ อา โอ่ เบ๊อะเนอ โต่เด๊อ คูดาวิด ทือเค. 46จอแปแหร่ ซิปล่อโอ่ เร๊อ คูดาวิด, เร๊อ คูดาวิด กุยซิยอ แถ่หนิ ลู เด๊อ อา เก่ ปลวา ช๊อแถ่ ลู เพ ยาโคบ อา จอแปแหร่ เหล่โอ่หนิอาหี่ อาเง เตเม. ap 47หม่าแน๊เรอ แกแย เด๊อ อา ช๊อแถ่หนิ เป่ จอแปแหร่ อาหี่ เออเตเม เนอหม่า เพดาวิด อาพู๊ คูซาโลมอน แพ๊. aq 48“หม่าแน๊เร๊อ จอแปแหร่ เด๊อ อาดุเล๊อ เออเตเพรเนอ หี่ เด๊อ แกแย เม เร๊อ อากู๊ขุ เนอ อา โอ่โต่. ฮู๊ เพรโพร เตเพร เฮ๊หนื่ออื่อ เน๊อ, 49แบ่เจ่ จอแปแหร่ เฮ๊ เน๊อ, ‘ม๊อขุ หม่า แว เหล่โอ่ เหล่โอ่แน. เห่ขุ หม่า แว กู๊เหล่ เหล่หยิ แด่ตา โตโจ. ซี เตเร ช๊อแถ่ เป่ แว หี่ ฮู๊เต เต๊อเจ่อเต ปา? แว เหล่โอ่ค๊าเหล่ โอ่โต เบ๊อะโต๊โผ่เต? ar 50ล๋อ เออเต๊เห่ หม่า แว เมทวาแถ่ เร๊อ แวเหน่ เร๊อดื่อ หม่าโต่ แอ?’” as 51คูสเทเฟน เฮ๊ โป่ เน๊อ, “ซี ซิปล่อ เพรอเกอเด๊อ เจ๊อ! ซี ซิปล่อเนอ อา แซ่เจ๊อเร๊อ แกแย เด๊อ อา ซิเง จอแปแหร่ โต่ เต๊เห่ เนอ เจ๊อ! จอแปแหร่ อาลาอาโหง่ อาเง เร๊อ ซี กู๊หลิกอออ โกโน๋ โต่! ซี ครวาเมโตโคร แซ่เจ๊อเร๊อ ซี โหมะเพเพอโพ เด๋อ งย๊าเค เต๊เห่ เมเนอ เจ๊อ, เร๊อ ซี เมดี๊แด ตาตือ แหย่โยบูโพ๊ ปว๋า โตโพ๊ เจ๊อ! at 52ซี โหมะเพเพอโพ เด๋อ งย๊าเค เต๊เห่เนอ, อา เมจาเมจือ ลอ เพรโพร เต๊เห่ ปว๋า โตโพ๊ เจ๊อ. จอแปแหร่ อาแกแย เด๊อ อา แฮ เฮ๊โฉ่หนื่ออื่อ เป่ อู เร๊อ จอแปแหร่ อาหลู่เล๊ จ๊อเต เด๊อ อา เตเร แฮ ปา เออเตเพร อาหรี่อาแก เต๊เห่เนอ, ซี โหมะเพเพอโพ เต๊เห่ เมเซอแก โท เหย่ซี เฮ๊อ. กู๊แหน่เร๊อ ซี อิเชตาแก จอแปแหร่ อาหลู่เล๊ จ๊อเต เออเตเพร เฮ๊อ, โท๊โต่ ซี เมเซอแก เฮ๊อ ลู เฮ๊อ. 53ซี หนิโฮเฮ๊อ คูโมเสส อา เตซว๊าเตแส่ เด๊อ จอแปแหร่ เด๊อะตา แฮเง เร๊อ ม๊อขุเตเน่วพู๊ เนอเต๊เห่ ตื๊อดื่อเรอ ซี หนิดา ลูโหง่ โต่,” คูสเทเฟน เฮ๊ ฮู๊เนอ. อู ต่าเซอ คูสเทเฟน เร๊อ หล่อ
54เบ๊อะแกแย ทวา กู่กล๊อ เต๊เห่ หนิโฮ คูสเทเฟน อา เตเฮ๊เบ่เออ เบ๊อะเนอ, เหย่ซี ซิปล่อดุ เร๊อ อา อาซิอ่าตาจ๊า จว๊าโต แลแค เจ๊อ อากู่เคอ เด๊อ ลูโอ่. 55หม่าแน๊เร๊อ คูสเทเฟน เนอ, อา เล๊อบา เร๊อ แหย่โยบูโพ๊แบ่เจ่. อา แม๊แถ่ เด๊อ ม๊อขุ เร๊อ อา แม๊เถอะ จอแปแหร่ อาลีอาเตเค, โท๊โต่ อา แม๊เถอะ เหย่ซู่ ก๊อถ่อโอ่ เด๊อ จอแปแหร่ อากู๊ขุ จ๊อทว๊า ตากยา. 56เร๊อ คูสเทเฟน เฮ๊ เหย่ซี เน๊อ, “แม๊มอเล๋! แว แม๊เถอะ ม๊อขุ โอ่โมแถ่ เร๊อ แกแย อาพู๊ ก๊อถ่อโอ่ เด๊อ จอแปแหร่ อากู๊ขุ จ๊อทว๊า เนอตากยา.” 57เออโตโพ๊เรอ แกแย ทวา กู่กล๊อ เต๊เห่ เอ๊โทเอ๊โม เร๊อ ตีบี๊ แลแค อากู๊หลิโก่ เร๊อ อาก๊อนอ. เร๊อ เตอโพ๊โต อา ตวย แฮโต เด๊อ คูสเทเฟน อาโอ่. 58เร๊อ เหย่ซี จุ่ยเถ่จว๊าแก คูสเทเฟน เด๊อ วีกลอ เร๊อ ต่า ลู เร๊อ หล่อ. เพรข่าเฮ๊โล ซีเต๊เห่ แด่โอ่แก เหย่ซี อาจากลอ เต๊เห่ เด๊อ เพรคูพู๊เส่ เด๊อ อามุย เร๊อ คูเซาโล เออเตเพร อา โอ่ เร๊อ อา นอโอ่ป่อแม๊หนิ ลู. 59เบ๊อะเหย่ซี ต่า คูสเทเฟน เร๊อ หล่อ เนอ, คูสเทเฟน กุยจ๊อเบแถ่ แบ่เจ่ เร๊อ อา เฮ๊ เน๊อ, “แบ่เจ่ เหย่ซู๋, พย๊าดว้าแก แว ซิปล่อ เออ.” 60อา แด๊งือแล เร๊อ อา เอ๊โทแถ่ เน๊อ, “เก๋อ แบ่เจ่, ปลวาแกเหร่อ เหย่ซี เตซื๊อ นี๋” อา เฮ๊ โทเรอ อา เซอแก.
Copyright information for
EkySCThai