Galatians 1
1– 2แว หม่า คูเปาโล, ลีเออต๊าบ่า หม่า แว รา แพ๊. แว หม่า เพรโด่แน เตเพร. แกแย ตู๊หมู่หมู่ นอทวาแถ่ แว เร๊อ เพรโด่แน หม่าโต่. โท๊โต่, แว ทวาแถ่ เพรโด่แน เด๊อ แกแย เตเพรเพร อา กู๊ยากู หม่า โต่โต่. เหย่ซู่ครี๊ เร๊อ เพ จอแปแหร่ เด๊อ อา เมเซอเพร กาคยา เหย่ซู่ครี๊ เด๊อ เตเซอ เนอเตเพร นอทวาแถ่ แว เร๊อ เพรโด่แน เตเพร แพ๊. โทเรอ โป่แหว่ ครี๊พู๊ ล๋อ ปลี เด๊อ อา โอ่ เกอ เร๊อ แว เบ๊อะเออ เต๊เห่, ซูแฮ เป่ อา เตเฮ๊โมเฮ๊แร๊ เออเต๊เห่ เด๊อ กาลาเทียเก่ เพรหยื่อเอ่เออ ตู๊หมู่ตอกล๊อ เต๊เห่ อา โอ่. 3เปเพ จอแปแหร่ เร๊อ แบ่เจ่ เหย่ซู่ครี๊ เก่ เด๊อะดื่อ ซี เตบุ๊ยดุเตเตอเรอทู เร๊อ ซิปล่อ อา เตตู๊จุเตอเจ๊อ นี๋. 4แซ่ฮู๊ ครี๊ เก่ เมแลเปล๊กา เป่ เร๊อ เออตือทือ อา เตมู๊แหม่รีแจ่ เต๊เห่ อาเงเนอ, อา เด๊อะแลแก เฮ๊อ อา ซิปล่อเซอเพร เด๊อ เป่ เตซื๊อเตปล๊า เก่ ปลวาแก อาเง เฮ๊อ. ฮู๊ อา เพ จอแปแหร่ ซิหยื่อ นอเม ลู เต๊เห่เนอ, อา เมกาโทเฮ๊อ. 5จอแปแหร เก่พย๊า หนิดื่อ เตเตอเรอดุเตอเรอทู ตูจู เพรเงตาแลแคร๊ นี๋. อาเมน.เตซิครือมีลา โอ่ตื๊อ เตอเจ๋อโต
6เด๊อ ซีขว่าซีคยา เร๊อ แว คย๊ายื๊อ แหน่เจ๊อ, เมเตเฮ๊เรอ, อางย๋า เร๊อ อางยา แต่ล๋ายโต่ เร๊อ, ซี แด่แกคยา จอแปแหร่ เด๊อ อา เอ๊ ซี เร๊อ ครี๊ อาบุ๊ยอาเตอเรอ เออเตเพร. เร๊อ ซี พย๊าฉื่อ เตอิซว๊าอี๊แส่ อาโร เต๊อเจ่อ เด๊อ ซี เตเน เร๊อ เตซิครือมีลา เออเนอ. 7เก่ เฮ๊แหน่ หม่า เตซิครือมีลา เด๊อ อาโร เนอ อา โอ่ ปา เตอเจ๋อ โต่ เฮ๊อ, หม่าแน๊เรอ แกแย เด๊อ อา เมดู๊ดี๊ดู๊แด ซี ซิปล่อ เร๊อ อา ซิหยื่อ โบเต๊เปล่ โค๊แก ครี๊ อา เตซิครือมีลา เนอ อาโอ่ เต๊เห่. 8หม่าแน๊เรอ เป เบ่เบ่, ม๊อขุเตเน่วพู๊ เตเพรเพร เบ่เบ่, เก่ แด๊โฉ่โด่แน เตซิครือมีลา เด๊อ อา เก่ โค๊ดื่อ เร๊อ เป แด๊โฉ่โด่แน โทเป่เฮ๊อ ซีเนอ เต๊เห่ เฮ๊เนอหม่า จอแปแหร่ เก่ เมจากาคยา ดื่อ อา ปา นี๋. 9เด๊อ อาเหร่อเค เนอหม่า เป่ เฮ๊โทเฮ๊อ ซี เฮ๊อ เร๊อ กู๊แหน่เออ แว เฮ๊ คยาแซ๊ ซี เนอ, แกแย เตเพรเพร เด๊อ อา เก่ แด๊โฉ่โด่แน เป่ ซี เตซิครือมีลา เด๊อ อา โค๊ดื่อ เร๊อ ซี พย๊าฉื่อ โทเฮ๊อเนอ เฮ๊เนอหม่า, จอแปแหร่ เก่ เมจากาคยาดื่อ อา ปา นี๋. 10แว เฮ๊ ฮู๊เออ เนอหม่า อาแซ่เน๊อ แว แอ๊จื๊อ ครวาลือ เกอ แกแยเห่ขุพู๊ อาซิปล่อ ฮู๊เนอ แอ? แว ซิหยื่อ ครวาลือ เกอ แกแยเห่ขุพู๊ อาซิปล่อ ฮู๊เนอ หม่าโต่. แว ซิหยื่อ ครวาลือเกอ ฮู๊ จอแปแหร่ อาซิปล่อ เนอแพ๊. แว เก่ แอ๊จื๊อ ครวาลือ เมโม ตื๊อดื่อปา แพ๊ แกแยเห่ขุพู๊ เต๊เห่ อาซิปล่อ แพ๊ เฮ๊เนอหม่า, แว หม่า ครี๊ อาหลู่ เตเพร หม่าโต่.คูเปาโล ทวาแถ่ เพรโด่แน เตเพร อาหรี่อาแก
11โป่แหว่ ซี, แว ซิหยื่อ นอซิเงเกอ ซี เร๊อ เตซิครือมีลา เด๊อ แว แด๊โฉ่โด่แน เป่ ซี เออเนอ. เตซิครือมีลา เออเนอหมา แกแยเห่ขุพู๊ เมทวาแถ่ อา หม่าโต่. 12แว พย๊าหนิ เด๊อ แกแยเห่ขุพู๊ อา โอ่ เนอ หม่าโต่. อู อิซว๊า เป่ แว เตเพร่ว โต่. เพร เด๊อ อา เด๊อะโลแถ่ เป่ แว เออเนอหมา หม่าดื่อ เหย่ซู่ครี๊ แพ๊. 13เบ๊อะแว ลือครวาเกอ แกแยยิวพู๊ เต๊เห่ อา เตจ๊อบู่จ๊อเบ เบ๊อะเนออาเค, แว โอ่เซอเพร ฮู๊เต เนอหม่า ซี ซิเง โทดื่อเฮ๊อ. แว เมจาเมจือ แกแย เด๊อ อา หยื่อเอ่ เหย่ซู่ครี๊ เต๊เห่, เร๊อ แว แอ๊จื๊อ แม๊ปู เมปย๊าเมหลู่ เจ๊อ เหย่ซี เจ๊อ. a 14โทเรอ ฮู๊ แกแยยิวพู๊ เต๊เห่ อา เตจ๊อบู่จ๊อเบ เหล่โกลเหล่แบ่ โอ่เนอ, แว แม๊ปูซิเง แจ่เล๊อ เร๊อ แกแยยิวพู๊ เด๊อ อาหน่า ครือแน เร๊อ แว เนอเต๊เห่ เด๊อ เงเจ๊อ, โท๊โต่ เด๊อ แว โหมะเพเพอโพ หม่าเฮ๊อ แกแยยิวพู๊ อาเหล่โกล เต๊เห่ อาเงเนอ, แว ซิปล่อฉว่า แหน่เจ๊อเจ๊อ. b 15หม่าแน๊เรอ, เบ๊อะแว โอ่เป๊เจ่แล แต่ล๋ายโต่ เบ๊อะเนออาเค, จอแปแหร่ นว๊าแถ่ โทเฮ๊อ แว เนอ อาบุ๊ยดุอาเตอเรอทู เฮ๊อ, เร๊อ อา เอ๊ เฮ๊อ แว เด๊อ แว เก่ แร เป่ ลู เตแร เฮ๊อ. c 16แซ่ฮู๊ แว เก่ แด๊โฉ่โด่แน เป่ แกแยยิวพู๊ หม่าโต่ เต๊เห่ เร๊อ ครี๊ อา เตซิครือมีลา อาเงเนอ, จอแปแหร่ ซิปล่อโอ่ เนอ อา เก่ เด๊อะโลแถ่ เป่ แว เร๊อ อาพู๊คู. เบ๊อะเนอเค, แว กุย เร๊อ แกแยเห่ขุพู๊ อา เตเด๊อะซิเง ยูแกล๊ยูโกล จว่า แว เตเพร่ว โต่. 17แว จว๊า แม๊เถอะน๊อ เพรโด่แน เด๊อ อา ทวาแถ่ เหร่อ เร๊อ แว เด๊อ อา โอ่ แลแค เด๊อ วีเยรูซาเล็ม อากู เนอเต๊เห่ โตโพ๋ โต่. หม่าแน๊เรอ, แว จว๊า โตโพ๊จว๊า เด๋อ อาระเบียเก่ โทเรอ แว กาคยา คยาแซ๊ เด๊อ วีดามัสกัส อากู แพ๊. 18โซหน่า โทเรอ แว แถ่ เด๊อ วีเยรูซาเล็ม. แซ่ฮู๊ แว เก่ จว๊าโอ่เล แบ๊ซว๊า ซิเงเกอ เร๊อ เปโตร เร๊อ แว จว๊า แพ๊. เร๊อ แว จว๊า โอ่เกอ เร๊อ อา เบ๊อะเนอ เช๊อแงเนอ แพ๊. d 19แว แม๊เถอะ เพรโด่แน เด๊อ อาโร เตเพร่ว โต่. แว แม๊เถอะ ตื๊อแพ๊ แบ่เจ่ อาโป่ คูยากอบ แพ๊. 20ล๋อ แว รา เป่ ซี เออเต๊เห่ เนอหม่า อาโต แพ๊. แว แลโฮ โต่ เนอหม่า จอแปแหร่ ซิเง แพ๊. 21เด๊อคยา เนอ แว จว๊า เด๊อ ซีเรียเก่ เร๊อ เกลิเกีย. 22เบ๊อะเนออาเค, เพรหยื่อเอ่เออ ตู๊หมู่ตอกล๊อ เด๊อ ยูดาห์ เก่กู เนอเต๊เห่ ซิเงแต่ล๋าย แว โต่. 23เหย่ซี หนิโฮ แพ๊ อู เฮ๊ เป่ เหย่ซี เน๊อ, “แกแย เด๊อ อา เมจาเมจือ โทเฮ๊อ เป เด๊อ เหร่อเคเนอ เตเพรเนอ, กู๊แหน่เรอ อา แด๊โฉ่โด่แน เป่ เกอ เฮ๊อ อู เร๊อ เตหยื่อเตแหน่ เด๊อ อา แม๊ปู เมปย๊าเมหลู่ เด๋อ เนอเค เนอโต๊โก่ เฮ๊อ.” 24เด๊อ แวขว่าแวคยา, เร๊อ เหย่ซี ถู่เซ๊แถ่ แลแค เฮ๊อ จอแปแหร่ เฮ๊อ.
Copyright information for
EkySCThai