Gen 12:1-5 | EkySCThai | STEP | จอแปแหร่ ตูจูเพร เฮ๊ คูอับราม เน๊อ, “แด่แก เนเทอเนเก่, เนกลุยเนแล เน๊อ เนเพ อาตี๊หี่แตแพเต๊เห่ เร๊อ เถ่จว๊า มอ เด๊อ เทอเก่ เด๊อ แว เก่ เด๊อะโล เป่ เน ปา เนอเต๊เก่ นี๊.

Genesis 12:1-5

จอแปแหร่ ตูจูเพร เอ๊เถ่จว๊า คูอับราม

1 จอแปแหร่ ตูจูเพร เฮ๊ คูอับราม เน๊อ, “แด่แก เนเทอเนเก่, เนกลุยเนแล เน๊อ เนเพ อาตี๊หี่แตแพเต๊เห่ เร๊อ เถ่จว๊า มอ เด๊อ เทอเก่ เด๊อ แว เก่ เด๊อะโล เป่ เน ปา เนอเต๊เก่ นี๊. ^a

2 แว เก่ นอ ทวาแถ่ เน เน๊อ เมวเจ่อดู๋ เต๊อเจ่อ ปา,

เร๊อ แว เก่ เมบุ๊ยเมเตอเรอ เน ปา,

แว เก่ นอ โลเทอโลเก่ เนมุย ปา

เร๊อ เน เก่ ทวา เป่ เตบุ๊ยเตเตอเรอ เต๊อเจ่อ เด๊อ อูเง ปา.

3 แว เก่ เด๊อะบุ๊ยเด๊อะเตอเรอ แกแย เด๊อ อา เด๊อะบุ๊ยเด๊อะเตอเรอ เน เนอเต๊เห่ ปา.

แว เก่ อิชอฮา แกแย เด๊อ อา อิชอฮา เน เนอเต๊เห่ ปา.

โทเร๊อ แกแย ล๋อ ปลี โอ่ เด๊อ เห่ขุ เออเต๊เห่เนอ,

แว เก่ เด๊อะบุ๊ยเด๊อะเตอเรอ แฮเง เหย่ซี เน๊อ เน ปา.” ^b

4 เร๊อ คูอับราม เถ่จว๊า หม่าแหน่ ฮู๋ จอแปแหร่ ตูจูเพร เฮ๊โอ่ ลู เนอ, เร๊อ อาพู๊ดุ คูโลท ครวาจว๊า เกอลู. เบ๊อะ คูอับราม โอ่ เด๊อ วีฮาราน เร๊อ อา เถ่จว๊า เบ๊อะเนอ, อาหน่า โอ่ เฮ๊อ โซซว๊าเตอเชอ เน๊อ แงหน่า เฮ๊อ. 5 คูอับราม เอ๊หนิ เร๊อ อาเม เหมาะซาราย, อาพู๊ดุ คูโลท, โทเร๊อ อา พย๊า เกอเร๊อ ล๋อ อาเตดุแหย่แถ่เซ เน๊อ อาเตมีเตดอ เน๊อ หลู่ เด๊อ อา พย๊าหนิ เบ๊อะ วีฮารานกู เนอเต๊เห่, เร๊อ เหย่ซี เถ่จว๊า แลแค เด๊อ คานาอันเก่, เร๊อ อา จว๊าโต่ แลแค เบ๊อะเนอ.