Gen 19:24-28 | EkySCThai | STEP | เออโต๊โพ๊ เร๊อ จอแปแหร่ ตูจูเพร นอ จือตา หย่าซู๊แบ เน๊อ หมิ เด๊อ ม๊อขุ เร๊อ อา ตาอือ แกลอปลี เจ๊อ วีโสโดม เร๊อ วีโกโมราห์.

a มัทธิว ๑๐:๑๕, ๑๑:๒๓-๒๔, ลูกา ๑๐:๑๒, ๑๗:๒๙, เปโตร เนอบ่า ต๊าบ่า ๒:๖, ยูดาห์ ๑:๗

Genesis 19:24-28

24 เออโต๊โพ๊ เร๊อ จอแปแหร่ ตูจูเพร นอ จือตา หย่าซู๊แบ เน๊อ หมิ เด๊อ ม๊อขุ เร๊อ อา ตาอือ แกลอปลี เจ๊อ วีโสโดม เร๊อ วีโกโมราห์. ^a 25 อา เมจากาคยา ปย๊าแก ลอหลา ตี๊กลิ เจ๊อ วี เออ เนอวี เน๊อ ล๋อ เก่รือดือขุ เบ๊อะเนอ เน๊อ ล๋อ แกแย โอ่ เบ๊อะ วีกู เนอเต๊เห่ เน๊อ ส่อเหมาะเหว่โบ เด๊อ อา เพ๊แถ่ เบ๊อะ เก่ เนอโต๊โผะ ล๋อ ปลี เจ๊อ. 26 หม่าแน๊เรอ เพโลท อาเม ตีรี๊แม๊ กาคยา อาขว่าอาคยา, อา ทวาแก อี๊ถื่ออี๊เส่. ^b

27 เบ๊อะเนอโตโร เหมาะลีโรมื่อ เบ๊อะเนอ, เพอับราฮัม ก๊อถ่อ เร๊อ อา จว๊าโต คยาแซ๊ เด๊อ อา เหล่ ก๊อถ่อเฮ๊เบ่ฉื่อ เน๊อ จอแปแหร่ ตูจูเพร เหล่โอ่ เนอโต๊โผะ. 28 อา แม๊ตาจว๊าโต เด๊อ วีโสโดม เน๊อ วีโกโมราห์ เน๊อ ล๋อ เก่รือดือ เนอโต๊โผะ อาโอ่ เร๊อ อา แม๊เถอะ หมิโข่ตูอู ลอกี แถ่โต เบ๊อะเนอ โต๊โผะ เร๊อ อา แซ่เจ๊อเน๊อ หมิโข่แถ่ เด๊อ กู๊เผ่โปกู เนอเจ๊อ.