Genesis 2:18-23
18โทเร๊อ แบ่เจ่ จอแปแหร่ ตูจูเพร เฮ๊ คยาแซ๊ โหง่ เน๊อ, “เพรคู โอ่ตื๋อ ดื่อ เตเพร เร๊อ อาแร๊ เด๊อ อาเง โต่. แว เก่ แบ๊แล หนิเป่ อา เพรเมจว่า ลู อาโคแบ๊ซว๊า เด๊อ อาตาโตตาเบ่ เด๊อ ลูเง เตเพร.” a 19โทเร๊อ แบ่เจ่ จอแปแหร่ ตูจูเพร พย๊า เห่ เร๊อ อา แบ๊ตา เน๊อ ล๋อ เตมีเตดอ โอ่ เด๊อ เห่ขุ เออเนอเต๊เห่ เน๊อ ถู่พู๊โหย่พู๊ โย เด๊อ ม๊อเล เนอเต๊เห่. เร๊อ แซ่ฮู๊ จอแปแหร่ เก่ แม๊เถอะ ซิเง เพรคู เออเตเพร เก่ เอ๊ ล๋อ เตมีเตดอ เออเต๊เห่ อามุย แคร๋ ฮู๊เตเนอ, จอแปแหร่ ซูแฮ ลอ เตมีเตดอ เออเต๊เห่ เด๊อ ลูโอ่ เร๊อ เพรคู เออ เอ๊เร๊อ เป่ เหย่ซีมุย ฮู๊เต๋ เนอ อา ทวาลอเฮ๊อ เหย่ซีมุย ฮู๊เนอ เฮ๊อ. b 20ฮู๊เนอเร๊อ เพรคู เอ๊เร๊อ เตมีเตดอ เด๊อ อู โบ่ อา เด๊อะหี่เด๊อะแพ เนอเต๊เห่ เน๊อ ถู่พู๊โหย่พู๊ โย เด๊อ ม๊อเล เนอเต๊เห่. เน๊อ เตมีเตแหม่ โอ่ เด๊อ มีเกล เนอเต๊เห่ อามุย. หม่าแน๊เรอ เพรเมจว่า เป่ คูอาดาม หม่าดื่อ อาโคแบ๊ซว๊า เด๊อ อาตาโตตาเบ่ เด๊อ ลูเง เนอ, อา โอ่ โต่. 21โทเร๊อ แบ่เจ่ จอแปแหร่ ตูจูเพร นอ โอ่เมอหนิ ตาปา เพรคู เร๊อ เบ๊อะ อา โอ่เมอหนิ ตาปาเฮ๊อ เบ๊อะเนอ, อา บ๊าเถ่ ลูรอครุ๊ย เต๊เบ่ เร๊อ เบ๊อะ อา บ๊าเถ่ อาเหล่โกล อา เมบี๊ กาคยา เป่ ลู เน๊อ หย่า. 22เร๊อ แบ่เจ่ จอแปแหร่ ตูจูเพร แบ๊ เพรเหมาะ เตเพร เน๊อ รอครุ๊ย เด๊อ อา บ๊าเถ่ เด๊อ เพรคูเหน่ เออ เร๊อ อา ซูแฮ เพรเหมาะเออ เด๊อ เพรคู อาโอ่. 23เร๊อ เพรคู เฮ๊ฉื่อ เน๊อ, “เก๋อ กู๊แหน่เร๊อ เออหม่า ครุ๊ย เด๊อ อา บ๊าเถ่ เด๊อ แวครุ๊ยกู, หย่า เด๊อ อา พย๊าเถ่ เด๊อ แวหย่ากู เฮ๊อ. อู พย๊าเถ่ อา เด๊อ เพรคูกู อาขว่าอาคยา, อู โตเบ่ เอ๊ ลูมุย เน๊อ ‘เพรเหมาะ.’” c
Copyright information for
EkySCThai