Genesis 46
เพยาโคบ เน๊อ อาตี๊หี่แตแพ เต๊เห่ จว๊า เด๊อ อียิปต์เก่
1ฮู๊เนออาขว่าอาคยา, เพยาโคบ ▼▼เพยาโคบ เน๊อ เพอิสราเอล หม่า เตเพรเพร่ว แพ๊.
โต่หนิ ลอ อาตาเต เร๊อ อา เถ่จว๊า เร๊อ เบ๊อะ อา จว๊าโต่ เฮ๊อ เด๊อ วีเบเออร์เชบา เบ๊อะเนอ, อา เมเซอ เตมีเตดอ เร๊อ หลู่แตแถ่ อาเพ เน๊อ เพอิสอัค ▼▼เพอิสอัค ช๊อแถ่ เกอดื่อ เตหลู่แตเหร่ เต๊เห่ เร๊อ อา จ๊อเบแถ่ เกอดื่อ จอแปแหร่ ตูจูเพร เบ๊อะ เหล่โอ่ เออ โต๊โผะโพ๋ แพ๊.
อาจอแปแหร่ดุ c 2เร๊อ เบ๊อะ เหมาะคี๊ เบ๊อะเนอ, จอแปแหร่ดุ เฮ๊เบ่ เน๊อ เพยาโคบ เด๊อ เตเด๊อะโลแถ่ อากู เร๊อ “ยาโคบ, ยาโคบ,” อา เอ๊ ลู, เร๊อ “แว โอ่แพ๊,” อา เฮ๊ฉื่อ จอแปแหร่ดุ ฮู๊เนอ. 3เร๊อ จอแปแหร่ดุ เฮ๊ ลู เน๊อ, “แว หม่า จอแปแหร่ดุ, เนเพ อาจอแปแหร่ดุ, ซีอิเชจว๊า แต่ เด๊อ อียิปต์เก่ แต่เหม่. แว นอทวาแถ่ เน เน๊อ เมวเจ่อดู๋ เต๊อเจ่อ เบ๊อะเนอ ปา. 4แว เก่ จว๊าโหร่เกอ เน๊อ เน เด๊อ อียิปต์เก่ ปา, เร๊อ แว เก่ เอ๊กา หม่าแหน่ คยาแซ๊ดื่อ เนกลุยเนลุ๊ย เต๊เห่ เบ๊อะ เก่เออ เต๊เก่ อากู ปา. เน เก่ เซ๊ปลื๊อแก เด๊อ โยเซฟ อากู๊ยากู ปา.” 5โทเร๊อ เพยาโคบ โอ่ เบ๊อะ วีเบเออร์เชบา เนอเร๊อ อา เถ่จว๊า. เร๊อ อาพู๊ เต๊เห่ แด่ เกอเร๊อ อาเพ เพยาโคบ เน๊อ เหย่ซี อาพู๊อาเม ซีเต๊เห่ เน๊อ โหล่ เด๊อ คุ๊ย เด๊อะกาหนิ เหย่ซี เน๊อ เหล่ กาแด่แฮ เน๊อ เพยาโคบ เนอเต๊เห่. 6โทเร๊อ เหย่ซี โต่ เกอเร๊อลอ เหย่ซีเตมีเตดอ เน๊อ เหย่ซีตาหมื่อตาเต เด๊อ อา แม๊ปู เกอเร๊อ เบ๊อะ คานาอันเก่กู เนอเต๊เห่, เร๊อ เพยาโคบ เน๊อ อาพู๊อาเลอ เต๊เห่ เถ่จว๊า แลแค เด๊อ อียิปต์เก่. d 7อา เอ๊จว๊าหนิ อาพู๊ซี, อาเลอซี เน๊อ อากลุยอาแล ลอปลี เจ๊อ. แกแย เด๊อ อา ครวาจว๊าเกอ เน๊อ เพยาโคบ เด๊อ อียิปต์เก่ เต๊เห่
8มุย เด๊อ อาเล เออเต๊เห่ หม่า อิสราเอล อากลุยอาลุ๊ย หม่าเฮ๊อ เพยาโคบ ▼▼เพยาโคบ เน๊อ เพอิสราเอล หม่า เตเพรเพร่ว แพ๊.
อาพู๊เพรคู เด๊อ อา ครวาจว๊า เกอเน๊อ ลู เด๊อ อียิปต์เก่ เนอเต๊เห่ อามุยเฮ๊อ. เหย่ซี หม่า แคร๋ อูเป เฮ๊เร๊อ เพยาโคบ อาพู๊แหว่เพร่ว คูรูเบน, 9เน๊อ คูรูเบน อาพู๊เพรคู คูฮาโนค, คูปัลลู, คูเฮสโรน เน๊อ คูคารมี ซีเต๊เห่. 10เน๊อ คูสิเมโอน อาพู๊เพรคู คูเยมูเอล, คูยามีน, คูโอหาด, คูยาคีน, คูโศหาร์ เน๊อ คูชาอูล, เร๊อ คูชาอูล เนอหม่า คานาอันเมวเจ่อโหมะ อาพู๊. 11เน๊อ เพเลวี อาพู๊เพรคู คูเกอร์โชน, คูโคฮาท เน๊อ คูเมรารี ซีเต๊เห่. 12เน๊อ คูยูดาห์ อาพู๊เพรคู คูเอร์ คูโอนัน, คูเช-ลาห์, คูเปเรศ, คูเศ-ราห์ เน๊อ คูเย่ร๊า ซีเต๊เห่. หม่าแน๊เรอ คูเอร์ เน๊อ คูโอนัน หม่า อา เซอแก เด๊อ เหย่ซี โอ่ปา เบ๊อะ คานาอันเก่กู เบ๊อะเนอ. เน๊อ คูเปเรศ อาพู๊เพรคู คูเฮสโรน เน๊อ คูฮามูล ซีเต๊เห่ ครวาจว๊าป่าเกอ. 13เน๊อ คูอิสสาคาร์ อาพู๊เพรคู คูโทลา, คูปูวาห์, คูโยบ เน๊อ คูชิมโรน ซีเต๊เห่. 14เน๊อ คูเศบูลุน อาพู๊เพรคู คูเสเรด, คูเอโลน เน๊อ คูยาเลเอล ซีเต๊เห่. 15ล๋อ แกแยมูย เด๊อ แด๊โล โทเฮ๊อ เออเต๊เห่ หม่า หม่าเฮ๊อ โหมะเลอาห์ เน๊อ เพยาโคบ อาพู๊เพรคู, อาเหลอเพรคู เน๊อ อากลุยอาลุ๊ย เด๊อ อา โอ่เป๊เจ่แล แลแค เด๊อ ปัดดานอารัมกู เฮ๊อ. เร๊อ เพยาโคบ เน๊อ โหมะเลอาห์ อาพู๊เพร เหมาะ เหมาะดีนาห์ f จว๊าเต่อ เกอ เน๊อ เหย่ซี. เพยาโคบ เน๊อ โหมะ เลอาห์ อาพู๊อาเลอ เพร เหมาะเพรคู ล๋อ ปลี หม่า อาโอ่ อาเพร โซเชอ เน๊อ ซิโซ. 16เพกาด อาพู๊เพรคู เด๊อ อา จว๊าเกอ เต๊เห่ หม่า, คูศิฟีโยน, คูฮักกี, คูชูนี, คูเอสโบน, คูเอรี, คูอาโรดี เน๊อ คูอาเรลี. 17เน๊อ คูอาเชอร์ อาพู๊เพรคู คูอิมนาห์, คูอิชวาห์, คูอิแส่วี๊ เน๊อ คูเบรีอาห์ หม่าอาจว๊าเกอเกอ. เร๊อ เหย่ซี อาโป่เพรเหมาะ หม่า เหมาะเสราห์ เนอ เฮ๊อ. โทเร๊อ คูเบรีอาห์ อาพู๊เพรคู คูเฮเบอร์ เน๊อ คูมัลคีเอล ซี จว๊า เกอเกอ. 18ล๋อ แกแยมูย เด๊อ แด๊โล โทเฮ๊อ เออเต๊เห่ หม่า หม่าเฮ๊อ เพยาโคบ เน๊อ โหมะศิลปาห์ อาพู๊อาเลอ เน๊อ อาหลู่ เต๊เห่ เฮ๊อ. เร๊อ โหมะศิลปาห์ เนอหม่า เพลาบัน เด๊อะ เป่ อาพู๊เพรเหมาะ โหมะเลอาห์ เน๊อ เพรเมจว่า เป่ลู เนอเตเพร เฮ๊อ. เร๊อ ล๋อ ปลี หม่า อาโอ่ เช๊อโซซว๊า. 19เพยาโคบ เน๊อ เหมาะราเชล พู๊โอ่แล พู๊เพรคู ซิเนอ เร๊อ อามุย เน๊อ เพโยเซฟ เน๊อ เพเบนยามิน. 20เบ๊อะ อียิปต์เก่กู เนอ เพโยเซฟ เน๊อ อาเม เหมาะอาเสนัท พู๊โอ่แล พู๊เพรคู ซิเนอ, เร๊อ อามุย เน๊อ คูมนัสเสห์ เน๊อ คูเอฟราอิม, เร๊อ เหมาะอาเสนัท เนอหม่า วีโอน อาเพรหลู่แตเต เพโปทิเฟรา อาพู๊เพรเหมาะ. g 21เพเบนยามิน อาพู๊เพรคู เต๊เห่ หม่า คูเบลา, คูเบเคอร์, คูอัชเบล, คูเก-รา, คูนาอามาน, คูเอไฮ, คูโรช, คูมัปปิม, คูหุปปิม เน๊อ คูอาร์ด ซีเต๊เห่ เฮ๊อ. 22เร๊อ ล๋อ แด๊แถ่โล โทเฮ๊อ เออ เช๊อซิลุย เนอหม่า เพยาโคบ เน๊อ โหมะ ราเชล อาพู๊อาเลอ เต๊เห่ เฮ๊อ. 23เพดาน อาพู๊เพร คู หม่า คูหุชิม. 24คูนัฟทาลี อาพู๊เพรคู เต๊เห่ หม่า คูยาเซเอล, คูกูนี, คูเยเซอร์ เน๊อ คูชิลเลม ซีเต๊เห่ เฮ๊อ. 25ล๋อ แด๊โล โทเฮ๊อ เออโซซว๊าเตเพร เนอหม่า เพยาโคบ เน๊อ โหมะบิลฮาห์ อาพู๊ เน๊อ อาเหลอ เพรคู เต๊เห่ เฮ๊อ. เร๊อ โหมะบิลฮาห์ เนอหม่า เพลาบัน เด๊อะ เป่ อาพู๊เพรเหมาะ โหมะ ราเชล เน๊อ เพรเมจว่า เป่ลู เนอเตเพร เฮ๊อ. 26เพยาโคบ อาพู๊อาเลอ เด๊อ อา ครวาจว๊า เกอ เน๊อ อา เด๊อ อียิปต์เก่ เนอเต๊เห่ หม่า ล๋อ ปลี อาโอ่ อาเชอโซซว๊า เน๊อ อาเพรโซซว๊า เร๊อ อู แด๊เต่อหนิ เพยาโคบ อาแด่ ซีเต๊เห่ โต่. 27เพโยเซฟ โอ่ เบ๊อะ อียิปต์เก่กู เบ๊อะเนอ, อาพู๊เพรคู โอ่ ซิเนอ, เร๊อ เพยาโคบ อาตี๊หี่แตแพ เด๊อ อา โอ่ลอ แลแค เบ๊อะ อียิปต์เก่กู เนอหม่า ล๋อ ปลี อาโอ่ อาเพร โซซว๊าเตอเชอ. h เพโยเซฟ แฮแม๊ฉื่อ อาเพ เด๊อ โกเชนเก่
28เออโต๊โพ๊ เร๊อ แซ่ฮู๊ เพโยเซฟ เก่ แฮแม๊ฉื่อ อาเพ เพยาโคบ เน๊อ ล๋อ แกแยแฮโอ่ เกอ เร๊อลู เด๊อ โกเชนเก่ อาเงเนอ, เพยาโคบ นอจว๊าเฮ๊โฉ่โล เหร่อ เพยูดาห์ เน๊อ เพโยเซฟ. เร๊อ เบ๊อะ เหย่ซี จว๊าโต่ เฮ๊อ เด๊อ โกเชนเก่ เบ๊อะเนอ, 29เพโยเซฟ แถ่ สี่แด๊ เร๊อ อาตีซิโหล่ เร๊อ อา จว๊าแม๊เถอะฉื่อ เน๊อ อาเพ เด๊อ โกเชนเก่. เบ๊อะ เหย่ซี แม๊เถอะฉื่อ เฮ๊อ ลู เบ๊อะเนอ, เพโยเซฟ แพ๊เร๊อ อาเพ แกโบ เร๊อ อา โหง่เซอโหง่โอ่ งย๋า แหน่เจ๊อ. 30เร๊อ เพยาโคบ ▼▼เบ๊อะเออ ตามา หม่า เด๊อ ฮีบรู ลีเทส่อพ๊ากู เนอหม่า อู เอ๊ ลู เน๊อ เพอิสราเอล. เพยาโคบ เน๊อ เพอิสราเอลหม่า เตเพรเพร่ว แพ๊.
เฮ๊ เพโยเซฟ เน๊อ, “เนโอ่เซอเพร ปาแพ๊เนอ แว แม๊เถอะเร๊อดื่อ เจ๊อเฮ๊อ เน๊อ แวเหน่ เฮ๊อ อาขว่าอาคยา, แว เซอ แก เจ๊อ กู๊แหน่ หม๋า อาโม ดื่อเจ๊อ แว เฮ๊อเฮ๊อ.” 31โทเร๊อ เพโยเซฟ เฮ๊ อาโป่แหม่ซี เต๊เห่ เน๊อ อาเพ อากลุยอาแล เด๊อ อาโร เต๊เห่ เน๊อ, “แว เบ่ จว๊าเฮ๊โฉ่ ฟาโรห์ เน๊อ, ‘แว โป่แหม่ซี เน๊อ แวเพ อาตี๊หี่แตแพซี โอ่ เด๊อ คานาอันเก่ เร๊อ อา แฮโต่ แลแค เฮ๊อ เด๊อ แวโอ่ เฮ๊อ. 32เหย่ซี หม่า เพรเกซิหมิ, เพรโบ่เตมีเตดอ เต๊เห่, โทเร๊อ เหย่ซี บ่อแฮ หนิ ลอ แลแค เฮ๊อ เหย่ซีซิหมิ เน๊อ เป่หมู่, ปู่เป๊เหน่หมู่ เต๊เห่, โทเร๊อ อา โต่แฮ เกอเร๊อลอ เหย่ซีตาเต เด๊อ อาโอ่ เน๊อ เหย่ซี เนอ เต๊เห่ เฮ๊อ,’ แว เบ่ จว๊าเฮ๊ อา ฮู๊เนอ. 33เร๊อ เบ๊อะ คุ๊ย เอ๊แฮ ซี เร๊อ อา แด๊เฮอ ซีเหล่เอ่เหล่แร เบ๊อะเนอ, 34ซี โตเบ่ เฮ๊ฉื่อ เน๊อ, ‘ฮู๊ เปเพอเปโพซี อาเหล่โกล โบ่เอ่แฮ โทเฮ๊อ เตมีเตดอ เนอ, เนหลู่ เออเต๊เห่ หม๋า อาเหล่โกล โบ่เอ่แฮ เกอ เตมีเตดอ เด๊อ เป เป๊เจ่ เค โต่ กู๊แหน่ เจ๊อ,’ เฮ๊แลแค ฮู๊เนอ นี๊. ซี เก่ เฮ๊ ฮู๊เนอ เฮ๊หม่า, อา นอโอ่ ซี เบ๊อะ โกเชนเก่ เออเนอ ปา. เมเตเฮ๊เร๊อ อียิปต์พู๊ เต๊เห่ หม่า อาซิยอ แหน่เจ๊อ เพร เก่ ซิหมิ เต๊เห่ เจ๊อ,” อา เฮ๊ เหย่ซี ฮู๊เนอ.
Copyright information for
EkySCThai