Genesis 46:1-7
เพยาโคบ เน๊อ อาตี๊หี่แตแพ เต๊เห่ จว๊า เด๊อ อียิปต์เก่
1ฮู๊เนออาขว่าอาคยา, เพยาโคบ ▼▼เพยาโคบ เน๊อ เพอิสราเอล หม่า เตเพรเพร่ว แพ๊.
โต่หนิ ลอ อาตาเต เร๊อ อา เถ่จว๊า เร๊อ เบ๊อะ อา จว๊าโต่ เฮ๊อ เด๊อ วีเบเออร์เชบา เบ๊อะเนอ, อา เมเซอ เตมีเตดอ เร๊อ หลู่แตแถ่ อาเพ เน๊อ เพอิสอัค ▼▼เพอิสอัค ช๊อแถ่ เกอดื่อ เตหลู่แตเหร่ เต๊เห่ เร๊อ อา จ๊อเบแถ่ เกอดื่อ จอแปแหร่ ตูจูเพร เบ๊อะ เหล่โอ่ เออ โต๊โผะโพ๋ แพ๊.
อาจอแปแหร่ดุ c 2เร๊อ เบ๊อะ เหมาะคี๊ เบ๊อะเนอ, จอแปแหร่ดุ เฮ๊เบ่ เน๊อ เพยาโคบ เด๊อ เตเด๊อะโลแถ่ อากู เร๊อ “ยาโคบ, ยาโคบ,” อา เอ๊ ลู, เร๊อ “แว โอ่แพ๊,” อา เฮ๊ฉื่อ จอแปแหร่ดุ ฮู๊เนอ. 3เร๊อ จอแปแหร่ดุ เฮ๊ ลู เน๊อ, “แว หม่า จอแปแหร่ดุ, เนเพ อาจอแปแหร่ดุ, ซีอิเชจว๊า แต่ เด๊อ อียิปต์เก่ แต่เหม่. แว นอทวาแถ่ เน เน๊อ เมวเจ่อดู๋ เต๊อเจ่อ เบ๊อะเนอ ปา. 4แว เก่ จว๊าโหร่เกอ เน๊อ เน เด๊อ อียิปต์เก่ ปา, เร๊อ แว เก่ เอ๊กา หม่าแหน่ คยาแซ๊ดื่อ เนกลุยเนลุ๊ย เต๊เห่ เบ๊อะ เก่เออ เต๊เก่ อากู ปา. เน เก่ เซ๊ปลื๊อแก เด๊อ โยเซฟ อากู๊ยากู ปา.” 5โทเร๊อ เพยาโคบ โอ่ เบ๊อะ วีเบเออร์เชบา เนอเร๊อ อา เถ่จว๊า. เร๊อ อาพู๊ เต๊เห่ แด่ เกอเร๊อ อาเพ เพยาโคบ เน๊อ เหย่ซี อาพู๊อาเม ซีเต๊เห่ เน๊อ โหล่ เด๊อ คุ๊ย เด๊อะกาหนิ เหย่ซี เน๊อ เหล่ กาแด่แฮ เน๊อ เพยาโคบ เนอเต๊เห่. 6โทเร๊อ เหย่ซี โต่ เกอเร๊อลอ เหย่ซีเตมีเตดอ เน๊อ เหย่ซีตาหมื่อตาเต เด๊อ อา แม๊ปู เกอเร๊อ เบ๊อะ คานาอันเก่กู เนอเต๊เห่, เร๊อ เพยาโคบ เน๊อ อาพู๊อาเลอ เต๊เห่ เถ่จว๊า แลแค เด๊อ อียิปต์เก่. d 7อา เอ๊จว๊าหนิ อาพู๊ซี, อาเลอซี เน๊อ อากลุยอาแล ลอปลี เจ๊อ.
Copyright information for
EkySCThai