Heb 5 | EkySCThai | STEP | เพรหลู่แต กู่กล๊อดุเล๊อ ปว๋า เพรเพร๋ เนอ, อู นว๊าแถ่ อา เด๊อ แกแยเห่ขุพู๊ เต๊เห่ อาเกล แพ๊ เร๊อ อู แด่แถ่ อา เด๊อ อา เก่ เม เป่ จอแปแหร่ อาเตเม เด๊อ แกแย ล๋อ ปลี อาเหล่โอ่. อา เก่หลู่เก่แตแถ่ เป่ อู เตเต๊เห่, โท๊โต่ แซ่ฮู๊ แกแย เต๊เห่ เตซื๊อ เก่ ปลวาแก อาเงเนอ, อา เก่ หลู่แถ่ เป่ อู เตมีเตดอ เต๊เห่ เด๊อ จอแปแหร่ อา โอ่ ปา.

Hebrews 5

1 เพรหลู่แต กู่กล๊อดุเล๊อ ปว๋า เพรเพร๋ เนอ, อู นว๊าแถ่ อา เด๊อ แกแยเห่ขุพู๊ เต๊เห่ อาเกล แพ๊ เร๊อ อู แด่แถ่ อา เด๊อ อา เก่ เม เป่ จอแปแหร่ อาเตเม เด๊อ แกแย ล๋อ ปลี อาเหล่โอ่. อา เก่หลู่เก่แตแถ่ เป่ อู เตเต๊เห่, โท๊โต่ แซ่ฮู๊ แกแย เต๊เห่ เตซื๊อ เก่ ปลวาแก อาเงเนอ, อา เก่ หลู่แถ่ เป่ อู เตมีเตดอ เต๊เห่ เด๊อ จอแปแหร่ อา โอ่ ปา. 2 เหย่ซี ย๋อ ทวาแพ๊ แกแยเห่ขุพู๊ อาขว่าอาคยา, อา เมซื๊อเมปล๊า แลแค แพ๊. ฮู๊เนอเรอ แกแย เด๊อ อา ซิเง ตาเต เกอ อู เตหมะเตจ๊อ โต่ เร๊อ อา เมซื๊อเมปล๊า เต เต๊เห่ อาเงเนอ, เหย่ซี เตเน ซิยอแจ่ เป่เกออู โต่. 3 โทเรอ เหย่ซี แหน่แบ่เจ่ เร๊อดื่อ เนอ, อา เมซื๊อเมปล๊า เต อาขว่าอาคยา, เหย่ซี เบ่ หลู่แถ่ เป่ ตื๊อแพ๊ แกแย เออเต๊เห่ อาเตซื๊อ เต๊เห่เนอ หม่าโต่, เหย่ซี เบ่ หลู่แถ่ เกอเร๊อ เกอดื่อ เหย่ซี เตซื๊อซื๊อ. ^a

4 เตเพร่ว หม่า อู แด่แถ่แจ่ เกอเร๊อดื่อ อูเหน่ เร๊อ อู เก่ ทวาแถ่ เพรหลู่แต กู่กล๊อดุเล๊อ เนอ เตเพร่ว โต่. ฮู๊ จอแปแหร่ แด่แถ่ เพอาโรน เร๊อ อา เก่ ทวา เพรหลู่แต กู่กล๊อดุเล๊อ เตเพรเนอ, แกแย เด๊อ อา เก่ ทวา เพรหลู่แต กู่กล๊อดุเล๊อ เตเพร เนอหม่า, อา เก่ หม่า แพ๊ตื๊อ จอแปแหร่ เตเพร เบ่ นว๊าแถ่ อา เนอแพ๊. ^b 5 ฮู๊เนอเฮ๊อ, แซ่ฮู๊ ครี๊ เก่ ทวา เพรหลู่แต กู่กล๊อดุเล๊อ เออเนอ, อา แด่แถ่ เกอเร๊อดื่อ อาเหน่ หม่าโต่, อา เมลีเมเตเค เกอเร๊อดื่อ อาเหน่ หม่าโต่, จอแปแหร่ แด่แถ่ ลู แพ๊. เร๊อ จอแปแหร่ เฮ๊ ลู เน๊อ,
“เน หม่า แวพู๊คู, เออเตอเนอเรอ, แว ทวา เฮ๊อ เนเพ เฮ๊อ,” ^c อา เฮ๊ ลู ฮู๊เนอ.

6 จอแปแหร่ เฮ๊โป่ เด๊อ อาโร ตือมือ เน๊อ,
“เน ทวา เพรหลู่แตเต ตูจูเพร เด๊อ อาแซ่เน๊อ เพรหลู่แตเต เมลคีเซเดค เด๊อ เนอเค เตเพร,” ^d อา เฮ๊ โป่ ลู ฮู๊เนอ.

7 เบ๊อะเหย่ซู่ โอ่เซอเพร เบ๊อะเห่ขุเออ เบ๊อะเนอ, อา กุยจ๊อเบ แถ่ ซิปล่อชีเมลอ จอแปแหร่ เด๊อ อา เมแลเปล๊แจ่ ลู เด๊อ เตเซอเออ เตเพร, เร๊อ อา เอ๊โทแถ่ เป๊เส่เทอ ตา เจ๊อ. อา แด่หยว่า อาซิปล่อ เร๊อ อา ซิปล่อฉว่า หนิดา จอแปแหร่ โหง่ อาขว่าอาคยา, จอแปแหร่ หนิดา ลู เตกุยจ๊อเบ. ^e 8 เหย่ซู่ ทวา เจ๊อ จอแปแหร่ อาพู๊คู เตเพร เจ๊อ หม่าแน๊เรอ เบ๊อะอา ข่าเบ่ เตจาเตจือ เบ๊อะเนอ, อา แม๊ปู พย๊าหนิ แฮเงปา เตหนิดา โหง่ เด๊อ จอแปแหร่ อา โอ่. 9 เบ๊อะครี๊ หนิดา โทลอเฮ๊อ จอแปแหร่ อาโหง่ ปว๋า เต๊อเจ่อ เบ๊อะเนอ, อา ทวาแถ่ เป่เฮ๊อ ล๊อ แกแย เด๊อ อา หนิดา ลูโหง่ เนอเต๊เห่ อา เมแลเปล๊กา อาตูจูเพรเง อา แก่ช๊าแก่แร เฮ๊อ. 10 เร๊อ จอแปแหร่ แด่แถ่ ลู เร๊อ เพรหลู่แต กู่กล๊อดุเล๊อ เด๊อ อาแซ่เน๊อ เพรหลู่แตเต เมลคีเซเดค เมเต เด๊อ เหร่อเนอเค เตเพร เนอเฮ๊อ.

เด๊อะรอ หนื่ออื่อ เร๊อ อู เก่ วีแก แต่ เตหยื่อ แต่เหม่

11 โหล่ เฮ๊ เป่ โป่ ซี เร๊อ เตหรี่เตแก เออเนอ อาโอ่ เอ๊ลู ปา. ซี ย๋อ ซิเงโปล เป่เหย่ ดื่อ ซีเง อาขว่าอาคยา, แว โด่แนโปล เป่ ซี เร๊อ อาเป่เหย่ลา. 12 กู๊แหน่เรอ ซี โต ทวาเกอ เฮ๊อ แลแค ซ๊าร๊า เต๊เห่เฮ๊อ. หม่าแน๊เรอ ซี จว๊า โหล่ปา ดื่อเง แลแค แพ๊ อู เบ่ อิซว๊า กาคยา ซี เร๊อ จอแปแหร่ อาลาอาโหง่ เด๊อ อาแก่ช๊า แพ๊ว๊า. ซี โต เอ่เกอ เฮ๊อ อู เหล่เอ่เพรอ เฮ๊อ หม่าแน๊เรอ ซี จว๊า โอปา ดื่อเง แพ๊ แลแค อินู๊เทอ แพ๊ว๊า. ^f 13 แกแย เตเพรเพร เด๊อ อา โอปา ดื่อเงแพ๊ อินู๊เทอ เนอหม่า อา แซ่แพ๊ เร๊อ เป๊เจ่ เด๊อ อา อินู๊ปา เนอแพ๊. เตจ๊อเตเต อาหรี่อาแก เนอ, อา ซิเง เอ๊เกอลา อู โต่. 14 หม่าแน๊เรอ, เหล่เอ่ อา เพรอ เนอหม่า แกแย ดุเผร่ เด๊อ อา อิซว๊า ซิเงแฮ เบ่น๊อ โทเฮ๊อ อาเหน่ เด๊อ อา เก่ เบ่เพ๊ ซิเงแจ่ เตแร๊ เร๊อ เตมู๊แหม่ เนอเต๊เห่ อาเง แพ๊.