James 5
เตเด๊อะรอเด๊อะเร หนื่ออื่อ แกแย ดุแหย่ เต๊เห่
1แกแยดุแหย่ ซี๋, กู๊แหน่เรอ หนิดา แลแค เต เด๊อ แว เตเร แด๊โฉ่ เป่ ซี เออ. เตจาเตจือ เตเร แฮเบ่เฮ๊อ ซี อาขว่าอาคยา, โหง่เห่ หนื่ออื่อมอ แลแค. 2ซี เตดุแหย่แถ่เซ เต๊เห่เนอ, อา โนซอโนอู ลอ เฮ๊อ. ซีเห่อซีจา เต๊เห่เนอ อาเขระ เอ่ลอ เฮ๊อ. a 3ซีรือซีเท เต๊เห่เนอ อา เถ่อิเถ่เคร๊ ลอเฮ๊อ. เตเถ่อิเถ่เคร๊ เออเนอหมา อา เก่ เด๊อะโล เน๊อ ซี เตซื๊อ โอ่ ปา เร๊อ อา เก่ เอ่แก ซีพ๊าซีหย่า ฮู๊ หมิอือแก ซี เนอ ปา. ซี เตดุแหย่แถ่เซ เต๊เห่เนอ, ซี แด่ปล๊อหนิ เป่ ลอเฮ๊อ ม๊อเนอ เด๊อ คยาตื๊อดื่อเล๊อ เออเต๊เห่ อาเง เฮ๊อ. 4อู เม เป่ ซีแหล่ เร๊อ ซี เด๊อ อู อาคว๊าอาเก่ โต่. หนิดา เมอ แลแค, เหย่ซี อาคว๊าอาเก่ เอ๊โทแถ่สฉื่อเฮ๊อ ซี เฮ๊อ. โทเรอ เพรเก๊ปล๊อดว๊า เป่ ซี โบ๊ เออเต๊เห่ ตามวาเตเล ซี เออเนอ อา โต่แถ่เฮ๊อ เด๊อ เตโพรเตเตอเรอ อา แบ่เจ่ จอแปแหร่ อา โอ่เฮ๊อ. เร๊อ อา หนิโฮ เฮ๊อ เหย่ซี อาเตตามวาเตเล เออเต๊เห่ เฮ๊อ. b 5เบ๊อะซี โอ่เซอเพร เด๊อ เห่ขุเออ เบ๊อะเนอ, ซี จว๊าเมโม เล๊อบา เกอ เร๊อ โทเฮ๊อ ซี ซิปล่อ เน๊อ เห่ขุ อาเตโม เต๊เห่ เฮ๊อ. ซี เมบื่อเมซู๊ เกอเร๊อ เฮ๊อ ซีเหน่ แซ่เน๊อ เตมีเตดอ เนอเฮ๊อ, หม่าแน๊เรอ เตมีเตดอ เออเนอ อู เก่ เมเซอ เหย่ซี ช๋า เตเมเซอ อาม๊อเนอ เนอเตอเนอ ปาเนอ อา ซิเง เกอเร๊อ แลแค อาเหน่โต่. 6อูเตซื๊อ โอ่โต่ หม่าแน๊เรอ ซี เมจากาคยา เมเซอแก อู, หม่าแน๊เรอ เหย่ซี เมตาตือ กาคยาฉื่อเบ๊ ซี เตอเจ๋อ โต่.เตแด่ทูซิปล่อ เน๊อ เตกุยจ๊อเบ
7ฮู๊เนอเร๊อ โป่แหว่ ซี๋, แด่ทูซิปล่อโต่ แลแค เด๊อ แบ่เจ่ แฮ คยาแซ๊ ปา โตโพ๊ เออเนอ นี๋. เตเนแม๊ เกอ แลแค เมอ เพรแฮเมเอ่แหล่ เตเพร โอ่ป่อแม๊ชือ เกอ เร๊อ อา เตเส่เตโพ เด๊อ อางูดุงูชอ เออเต๊เห่เนอ. อา เบ่ เป๊อแถ่ แด่ทูซิปล่อ โอ่ป่อหนิ เก่จือ ตา ลู่ เออ เด๊อ อา เมแด๊แถ่ เป่ ลู เตกลุยเตลุ๊ย เออเต๊เห่, โทเร๊อ อา เบ่ โอ่ป่อ โต่เด๊อ เก่จือ ตาเนอ เด๊อคยา เด๊อ อา เมเผระเมมี เป่ ลู เตเส่เตโพ เออเต๊เห่. 8ซี เบ่เบ่ ซี โต แด่ทูซิปล่อ เกอเกอ ฮู๊เนอ. ตูรู๊ แด่หม่าแด่กลอ แลแค ซี เตแม๊ชือ เนอ, เมเตเฮ๊เรอ แบ่เจ่ เก่ แฮ คยาแซ๊ ปาเนอ, อาม๊อเนอ ผื่อลา เฮ๊อ. 9โป่แหว่ ซี๋, แซ่ฮู๊ ซี เก่ ข่าเบ่ แต่ เตเมจากาคยา แต่เหม่เนอ, ตามวาเตเล แต่ ลู เตเพร เร๊อ เตเพร แต่เหม่. เพรเฮ๊เบ่เมโตเต เออเตเพร แฮโอ่เต่อผื่อ ต๊อต่อเฮ๊อ เด๊อ กู่ดาทือ เฮ๊อ. 10แว โป่แหว่ ซี๋, ซิเหน่แถ่เบ่ โต่ แลแค เพรโพร เด๊อ อา เฮ๊เบ่ เด๊อ แบ่เจ่ อามุย อากู เนอเต๊เห่ นี๋. เบ๊อะซี แม๊เถอะ ป่อชิเต่อเบ่ เร๊อ เตจาเตจือ เบ๊อะเนอ, แม๊บือเกอ เหย่ซี แด่ทูซิปล่อเบ๊ โทเฮ๊อ เตจาเตจือ เนอเต๊เห่ นี๋. 11แกแย เด๊อ อา แด่ทูซิปล่อเบ๊ เนอ, เป เฮ๊ อา เร๊อ แกแย เด๊อ อา พย๊าหนิ เตเด๊อะบุ๊ยเด๊อะเตอเรอ. cซี หนิโฮ โทดื่อเฮ๊อ เพโยบ อา เตแด่ทูซิปล่อ อาหรี่อาแก เฮ๊อ เน๊อ เด๊อ คยาตื๊อดื่อ เร๊อ แบ่เจ่ เตเน หนื่ออื่อ เน๊อ อา เก่เด๊อะบุ๊ยเด๊อะเตอเรอ ลู ฮู๊เต อาหรี่อาแก เนอ, ซี ซิเง เฮ๊อ. เมเตเฮ๊เรอ แบ่เจ่ อา เตซิยอกล่าเบ่ เออเนอ อาเล๊ออาบา แหน่เจ๊อ. d 12โป่แหว่ ซี๋, เด๊อ เตล๋อ ปลี อาเกลเนอ, เต เด๊อ อา โหล่ดุเล๋อ เต๊อเจ่อหม่า หม่าเฮ๊อ เบ๊อะซี อ๊อแล เตเต๊อเจ่อเจ่อ เบ๊อะเนอ, แบ แต่ ซีโหง่ เร๊อ ม๊อขุ, หม่าโต่เร๊อ เห่ขุ, เก่หม่าโต่เรอ เด๊อ เต อาโร เต๊อเจ่อเจ่อ อา เป๊เส่เง ฮู๊เนอ แต่เหม่ นี๋. แซ่ฮู๊ ซี เก่ แลเปล๊ เร๊อ เตเมจากาคยา อาเงเนอ, อา เก่ หม่า เร๊อ “อาหม่า,” เฮ๊ ฮู๊เนอ, อา เก่ หม่าโต่ เฮ๊เรอ “อาหม่าโต่,” เฮ๊ ฮู๊เนอ แพ๊ นี๋. e 13เด๊อ ซีเกล เนอ, แกแย เบ่แป่เบ่เช โอ่ เตเพรเพร แอ? อา เก่ โอ่ เฮ๊เรอ, อา โตเบ่ กุยจ๊อเบ เต. อา ซิครือซิลอ โอ่ เตเพรเพร แอ? อา เก่ โอ่ เฮ๊เรอ, อา โตเบ่ อิโร ถู่เซ๊แถ่ จอแปแหร่. 14เด๊อ ซีเกล เนอ, แกแยชู๊ยแกแยเช โอ่ เตเพรเพร แอ? อา เก่ โอ่ เฮ๊เรอ, อา โตเบ่ เอ๊ เพรหยื่อเอ่ตู๊หมู่ตอกล๊อ โหมะพรูโหมะเผร่ เด๊อ อา ทวา ทวาดุทวาเต เต๊เห่ เร๊อ โหมะพรูโหมะเผร่ เออเต๊เห่ เก่ โปล่ ลู เร๊อ ถ่าเทอ เด๊อ แบ่เจ่ อามุย อากู เร๊อ เหย่ซี โตเบ่ กุยจ๊อเบ เป่ เด๊อ ลูเง. f 15เตหยื่อเตแหน่ อา เตกุยจ๊อเบ เออ อา เก่ แหย่โอ่เหม่แก แกแยชู๊ย เออเตเพร ปา. แบ่เจ่ เก่ แหย่โอ่เหม่ กาคยา คยาแซ๊ ลู ปา เร๊อ อา เก่ เมซื๊อ เต เฮ๊เรอ แบ่เจ่ เก่ ปลวาแก คยาแซ๊ ลู เตซื๊อ ปา. 16ฮู๊เนอเนอ, อ๊อแล แลแค ซี เตซื๊อ เต๊เห่ เตเพร เร๊อ เตเพร, เร๊อ แซ่ฮู๊ ซี เก่ โอ่ฉว่าโอ่แพร กาคยา อาเงเนอ, กุยจ๊อเบ เป่ ลู เตเพร เร๊อ เตเพร นี๋. แกแยจ๊อแกแยเต เตเพร อา เตกุยจ๊อเบ เนอ อาโอ่ เน๊อ อา เตอเรอฉว่าชอ เร๊อ อา เมจว่าเบ๊ เอ๋ แหน่เจ๊อ เตเต๊เห่ เจ๊อ. 17เพรโพร เอลียาห์ หม่า แกแย เตเพร เด๊อ อา แซ่ ฮู๊ แว เร๊อ เน เออเนอแพ๊. เร๊อ แซ่ฮู๊ เก่ เก๊ จือตา แต่เหม่ อาเงเนอ, อา กุยจ๊อเบ ลอซิปล่อสู่เทอ อาขว่าอาคยา, เก่กล่าแก โซหน่า เร๊อ เลโซซว๊า เจ๊อ. g 18อา กุยจ๊อเบ คยา โตโพ๊ เร๊อ เก่จือ ตา คยาแซ๊, เร๊อ ส่อเหมาะเหว่โบ เต๊เห่ เส่เถ่อาโพเถ่ คยาแซ๊. h 19แว โป่แหว่ ซี๋, เด๊อ ซีเกล เนอ แกแย เตเพรเพร อา เก่ จว๊า เปแก เน๊อ เตหมะเตจ๊อ เฮ๊เรอ แกแย เด๊อ อาโรเตเพร เก่ จว๊า เอ๊กาโต คยาแซ๊ ลู เด๊อ แกล๊กู เฮ๊เนอ, 20ซิเงแถ่เบ่ แลแค เน๊อ, แกแย เตเพรเพร เด๊อ อา จว๊า เอ๊กาโต คยาแซ๊ เพรเมเตซื๊อ เด๊อ อา ครวา จว๊าซื๊อน๊อ แกล๊ เออเตเพรเพร เนอหม่า หม่าเฮ๊อ อา เมแลเปล๊กา แกแย เออเตเพร อา ซิปล่อเซอเพร เด๊อ เตเซอ เฮ๊อ. โท๊โต่ แซ่ฮู๊ จอแปแหร่ เก่ ปลวาแก แกแย เออเตเพร อาเตซื๊อโอ่เอ๊ อาเงเนอ, อา เมจว่า เป่เฮ๊อ ลู เฮ๊อ. i
Copyright information for
EkySCThai