John 1:19-27
เจเทอ คูยอห์น แด๊โฉ่ เป่ อู เร๊อ เหย่ซู่ อาหรี่อาแก
(มัทธิว ๓:๑-๑๒, มาระโก ๑:๑-๘, ลูกา ๓:๑๕-๑๗)
19เบ๊อะโตโพ๊ แกแยยิวพู๊ ทวาดุทวาเต เด๊อ อา โอ่ เด๊อ วีเยรูซาเล็ม อากู เต๊เห่ นอจว๊า เพรหลู่แตเต เร๊อ เลวีพู๊ เด๊อ อา เมจว่า เตหลู่แตโฮกู เต๊เห่ เด๊อ คูยอห์น อา โอ่ เร๊อ อา นอแด๊เฮอ ลู เร๊อ, “เน หม่า อูเป?” เร๊อ คูยอห์น แด๊โฉ่โล ซิเง เป่ เหย่ซี เน๊อ, 20“แว หม่า เมสิยาห์ หม่าโต่.” อา อ๊อแล หล่าหล่า ลีลี ฉื่อเป่ เหย่ซี ฮู๊เนอ. 21เหย่ซี แด๊เฮอ โป่ เน๊อ, “เก่ เมฮู๊เนอเรอ, เน หม่า อูเป? เน หม่า เพรโพร เอลียาห์ แอ?” เร๊อ คูยอห์น เฮ๊ฉื่อ เหย่ซี เน๊อ, “หม่าโต่.” a โทเรอ เหย่ซี แด๊เฮอ โป่ เน๊อ, “เน หม่า เพรโพร ▼▼เมสิยาห์ แกแยยิวพู๊ หยื่อเอ่ เร๊อ เพรโพร เก่ แฮ ปา เตเพร
เด๊อ จอแปแหร่ อ๊อแล เด๊อ อา เก่ นอแฮแล ลู ปา เนอเตเพร แอ?” เร๊อ อา เฮ๊ฉื่อ เน๊อ, “หม่าโต่” c 22โทเร๊อ เหย่ซี เฮ๊ เน๊อ, “แซ่ฮู๊ เป เก่ กา แด๊โฉ่โปลเบ๊ เป่ แกแย เด๊อ อา นอจว๊า แด๊เฮอ เป เต๊เห่ อาเงเนอ, แด๊โฉ่โล เป่ เป เร๊อ เน หม่า อูเป? เน เฮ๊ เกอเร๊อ เนเหน่ เร๊อ เน หม่า อูเป?” 23คูยอห์น เฮ๊ฉื่อ ฮู๊ เพรโพร อิสยาห์ เฮ๊เนอ, เร๊อ อา เฮ๊ฉื่อ เหย่ซี เน๊อ, “แว หม่า แกแย เตเพร เด๊อ อา เอ๊โทแถ่ เด๊อ เก่เชเทอแก หล่อตาม๊าขุ เน๊อ, ‘เมจ๊อ หนื่ออื่อ เป่ แลแค แบ่เจ่ เหล่แฮ แกล๊ อาเง นี๋,’ อา เก่ เอ๊โท เป่ อู เนอเตเพร แพ๊.” d 24ฟาริสีพู๊ เต๊เห่ นอแฮ แกแย เออเต๊เห่ เด๊อ คูยอห์น อา โอ่, 25เร๊อ เหย่ซี แฮ แด๊เฮอ โป่ คูยอห์น เน๊อ, “เน เก่ หม่า ครี๊ หม่าโต่โต่, เพรโพร เอลียาห์ หม่าโต่โต่, เพรโพร เด๊อ จอแปแหร่ อ๊อแล เด๊อ อา นอแฮ ลู เนอเตเพร หม่าโต่โต่ เก่เฮ๊เรอ เน จว๊า เจ เป่ โต่ อู เทอ เมเต?” เหย่ซี เฮ๊ ลู ฮู๊เนอ, 26เร๊อ คูยอห์น เฮ๊ฉื่อ เหย่ซี เน๊อ, “แว เจ เป่ อู เร๊อ เทอ ตื๊อดื่อเร๊อ เด๊อ ซีเกล เนอ แกแย โอ่ เตเพร หม่าแน๊เรอ ซี ซิเง ลู โต่. 27อา แฮ เด๊อ แวคยาปา แพ๊ ตื๊อดื่อเร๊อ แว เก่ ฉิโล๊แก เป่ แพ๊ อา แข่แด๊พ๊าเปลอ ปา แพ๊เนอ แว ต่า เร๊อ ลู โต่.”
Copyright information for
EkySCThai