John 11:45-53
อู เคร เมเซอ เหย่ซู่
(มัทธิว ๒๖:๑-๕, มาระโก ๑๔:๑-๒, ลูกา ๒๒:๑-๒)
45แกแยยิวพู๊ เด๊อ อา แฮ โอ่เล เกอ เหมาะมารีย์ เต๊เห่ แม๊เถอะ เหย่ซู่ เมเออ อาขว่าอาคยา, อา หยื่อเอ่ โร๊ลูเหย่ซู่. 46หม่าแน๊เรอ เต๊เห่เห่ เนอ อา จว๊า เด๊อ ฟาริสี เต๊เห่ อา โอ่ เร๊อ อา จว๊า แด๊โฉ่โล เป่ เหย่ซี เร๊อ เหย่ซู่ เมเตเออ. 47ฮู๊เนอเรอ เพรหลู่แต ทวาดุทวาเต เต๊เห่ เร๊อ ฟาริสี เต๊เห่ เอ๊ปล๊อ แกแยยิวพู๊ ทวาดุทวาเต เด๊อ อาโร เต๊เห่ เร๊อ โอ่กู๊โอ่แก๊ เกอเร๊อลู. เร๊อ เหย่ซี เฮ๊ เน๊อ, “เป เก่ เมฮู๊เต เออ? แกแย เออเตเพร เมโล เป่ อู เตโค๊ตีกลี๊คยา โร๊ลู เฮ๊อ. 48เป เก่ แด่โอ่ เป่แฮ ตื๊อดื่อ อา ฮู๊เออ เฮ๊เนอหม่า, อู หยื่อเอ่ เกอลอ ลู เฮ๊อ. โทปาเร๊อ โรมัน เกลอฮู๊ เต๊เห่ เก่ แฮ ปา เร๊อ แฮ เมโพร๊แก ลอ เป เตหลู่แตโฮโฮ, เป เมวเจอะพู๊พู๊ เนอเจ่อลอ ปา.” 49เออโตโพ๊เรอ เด๊อ เหย่ซี อาเกล เนอ, แกแยมุย เร๊อ เพคายาฟาส โอ่เตเพร. เบ๊อะเนอ ต๊าหน่า หม่า อา ทวา เพรหลู่แต กู่กล๊อดุเล๊อ. เร๊อ อา เฮ๊แถ่ เน๊อ, “ซี ซิเง แลแค เตอเจ๋อ โต่. 50เด๊อ แกแยยิวพู๊ เมวเจอะ เออโต๊โหมะ เต๊อเจ่อลอ เตเรปย๊าเตเรแก ลอ อาเงเนอ, แกแย เออเตเพร เก่ เซอแก เด๊อ แกแยยิวพู๊ เออเต๊เห่ อาเง เนอ อาแร๊เล๊อ เนอหม่า, ซี ซิเงโต่ แอ?” 51อา เฮ๊ ฮู๊เออ เนอหม่า อา เฮ๊ เกอเร๊อดื่อ เน๊อ อา เตแจ่เตลีแม เนอหม่าโต่. จอแปแหร่ นอเฮ๊เบ่ ลู แพ๊. เบ๊อะเนอ ต๊าหน่า อากูเนอ, อา ย๊อ ทวา เพรหลู่แต กู่กล๊อดุเล๊อ เร๊อ อา เฮ๊โพร หนื่ออื่อ เหร่อ เน๊อ เหย่ซู่ เก่ เซอ เด๊อ ยูดาห์ แกแยเมวเจอะพู๊ เต๊เห่ อาเง ปา, ฮู๊เนอแพ๊. 52โทเรอ อา เตเฮ๊โพร เออเนอ, อา โตแพ๊ตื่อ เหย่ซู่ เก่ เซอ เป่ เด๊อ แกแยยิวพู๊ เต๊เห่ อาเง เนอหม่าโต่, อา เก่ เซอโต่ เป่เกอ จอแปแหร่ อาพู๊อาเลอ โอ่ แลแค เด๊อ เทอเก่ อาโร เต๊เห่ อาเงเง. แซ่ฮู๊ อา เก่ เมทวาแถ่ แกแย เออเต๊เห่ ตู๊หมู่หมู๋ แพ๊ ปา อาเงเนอ, อู เบ่ เมเซอ ลู ปา. 53ฮู๊เนอเรอ, เป๊อแถ่ เบ๊อะเนอ เตอเนอ ตาเป่แฮ เร๊อ แกแย ทวา แกแยยิวพู๊ ทวาดุทวาเต เต๊เห่เนอ, อา แม๊ปู เครเมเซอ แลแค เฮ๊อ เหย่ซู่.
Copyright information for
EkySCThai