John 18:12-18
อู เอ๊แฮ แบ่เจ่ เหย่ซู่ เด๊อ เพอันนาส อาเป๊เส่เง
(มัทธิว ๒๖:๕๗,๕๘, มาระโก ๑๔:๕๓,๕๔, ลูกา ๒๒:๕๔)
12โทเรอ โรมัน เกลอฮู๊ เร๊อ เหย่ซี เกลอฮู๊กู่กล๊อ เตเพร เร๊อยูดาห์เกลอฮู๊ เด๊อ อา โอ่ป่อ เตหลู่แตโฮ เต๊เห่ ปื่อ จอกลอหม่า ลอ เหย่ซู่. 13เร๊อ อา เอ๊ จว๊า เหร่อเล๊อ ลู เด๊อ เพอันนาส อาหี่. อา หม่า เพคายาฟาส อาเพร่เพรคู. เพคายาฟาส หม่า เบ๊อะเนอ ต๊าหน่ากู อา ทวา เพรหลู่แต กู่กล๊อดุเล๊อ เฮ๊อ. 14เพคายาฟาส หม่า แกแย เตเพร เด๊อ อา เด๊อ ซิเงจว่า เป่ แกแยยิวพู๊ ทวาดุทวาเต เต๊เห่ เน๊อ, “ผื๋อ เร๊อ แกแย ล๋อ ปลี เก่ เซอลอ เนอ, แกแย เออเตเพร เก่ เซอแก เนอหม่า อาแร๊เล๊อ,” อา เฮ๊ ฮู๊เนอ aเปโตร โชโม๊บิแก เร๊อ แว ซิเงน๊อ เหย่ซู่ โต่
(มัทธิว ๒๖:๖๙-๗๐, มาระโก ๑๔:๖๖-๖๘, ลูกา ๒๒:๕๕-๕๗)
15คูซีโมน เปโตร เร๊อ เหย่ซู่ อา โคเจ่ เด๊อ อาโร เตเพรเน๊อ, อา ครวาจว๊าเกอ แบ่เจ่ อาคยา. อา โคเจ่ เด๊อ อาโร เออเตเพรเนอ, เพรหลู่แต กู่กล๊อดุเล๊อ เออเตเพร ซิเง ตาเต ลู อาขว่าอาคยา, อา จว๊าโนเกอ เร๊อ แบ่เจ่ เหย่ซู่ เด๊อ เพรหลู่แต กู่กล๊อดุเล๊อ เออเตเพร อาหี่ เตเร๊รากู. 16หม่าแน๊เรอ คูเปโตร ก๊อถ่อ โอ่แก เด๊อ ลูกู่ดากลอ แพ๊. อา โคเจ่ เด๊อ อาโร เด๊อ เพรหลู่แต กู่กล๊อดุเล๊อ ซิเง ลู เออเตเพรเนอ, อา เถ่คยา เร๊อ อา เถ่เฮ๊ เพรโอ่ป่อ กู่ดา เพรเหมาะพู๊ เออเตเพร เร๊อ อา เอ๊โน คูเปโตร เออ เด๊อ หี่เตเร๊รากู. 17เพรเหมาะพู๊ โอ่ป่อ กู่ดา เออเตเพร เฮ๊ คูเปโตร เน๊อ, “เน หม่า เน โอ่เต่อเกอ เด๊อ เหย่ซู่ เฮ๊เนอ เตเพร อา โคเจ่ เนอเต๊เห่ อาเกล เตเพร เฮ๊อ, แวเฮ๊โต่?” เร๊อ อา เฮ๊ฉื่อ ลู เน๊อ, “แว หม่าโต่.” 18ย๋อ เก๊โหร่ เร๊อเพร หลู่ เต๊เห่ เร๊อ เกลอฮู๊ เด๊อ อา โอ่ป่อ เตหลู่เเตโฮ เต๊เห่ ก๊อถ่ออิชุ๊ย ตาวา ลอปลี หมิ. เร๊อ คูเปโตร ก๊อถ่ออิชุ๊ย เต่อเกอ หมิ เร๊อ เหย่ซี.
Copyright information for
EkySCThai