John 4:43-54
เหย่ซู่ แหย่โอ่เหม่ คุ๊ย อาหลู่เล๊ เตเพร อาพู๊คู
(มัทธิว ๘:๕-๑๓, ลูกา ๗:๑-๑๐)
43เหย่ซู่ โอ่ เบ๊อะเนอ เนอเนอ โทเร๊อ อา เถ่จว๊า เด๊อ กาลิลีเก่. 44เหย่ซู่ เฮ๊โท ดื่อ เฮ๊อ เน๊อ, “เพรโพร เนอ อาดอกูพู๊ เร๊อดื่อ แด่หยื่อแด่แหน่ หนิเกอเร๊อ ลู โต่.” a 45เบ๊อะอา จว๊าโต่ เด๊อ กาลิลีเก่ เบ๊อะเนอ, แกแยกาลิลีพู๊ เบ๊อะเนอ เต๊เห่ เอ๊โมฉื่อ ลู, เมเตเฮ๊เรอ เหย่ซี จว๊าน๊อเกอ เตจว๊าตาลว๊าป่วย เด๊อ วีเยรูซาเล็ม อากู เร๊อ อา แม๊เถอะน๊อ ลอ โทเฮ๊อ แบ่เจ่ เหย่ซู่ เม อาโค๊ตีกลี๊ เตล๋อ ปลี เบ๊อะป่วยเค เนอเฮ๊อ. b 46โทเรอ, แบ่เจ่ เหย่ซู่ กาคยา คยาแซ๊ เด๊อ วีคานา เด๊อ กาลิลีเก่กู เบ๊อะอาเหล่ เมทวาแถ่ เทอ เร๊อ แท๊ทือเส่เทอแย เนอ เบ๊อะวีคาเปอรนาอูม อากู เนอ, แกแย ทวา คุ๊ย อาหลู่เล๊ กู่กล๊อ โอ่เตเพร เร๊อ อา พู๊เพรคู อาชุ๊ย. c 47เบ๊อะอา หนิโฮ เฮ๊อ เร๊อ เหย่ซู่ โอ่ เด๊อ ยูดาห์เก่ เร๊อ อา แฮ เด๊อ กาลิลีเก่ เบ๊อะเนอ, อา จว๊า เด๊อ ลูโอ่ เร๊อ อา กุยซิยอ เหย่ซู่ เน๊อ อา เก่ ครวากาเกอ ลู เด๊อ วีคาเปอรนาอูม เร๊อ กา แหย่โอ่เหม่ เป่ ลู พู๊คู เด๊อ อา เตเร เซอตีลี๊ ลาเฮ๊อ เออเตเพรเนอ. 48เหย่ซู่ เฮ๊ อา เน๊อ, “ซี ดาแม๊เถอะ เป่ปา เตโค๊ตีกลี๊คยา เร๊อ อาคย๊าอายื๊อ เต๊เห่ โต่ เฮ๊เรอ, ซี หยื่อเอ่ เจ๊อ ตีกี๋ โต่.” 49โทเรอ แกแย ทวา กู่กล๊อดุ เออเตเพรเนอ อา เฮ๊ฉื่อ ลู เน๊อ, “แบ่เจ๋ กา เกอเร๊อ แว กู๊แหน่ เบ๊อะแวพู๊ อาเซอ แต่ล๋ายโต่ เบ๊อะเนออาเคเออ,” อา เฮ๊ ลู ฮู๊เนอ. 50แบ่เจ่ เหย่ซู่ เฮ๊ฉื่อ ลู เน๊อ, “กาคยา คยาแซ๊ มอ. เน พู๊เพรคู เก่ โอ่โม กาคยา ดื่อ ปา.” เร๊อ แกแย ทวา ดุ เออเตเพร หยื่อเอ่ เหย่ซู่ อา เตเฮ๊เบ่ เร๊อ อา กาคยา คยาแซ๊ เด๊อ อาหี่. 51เบ๊อะอา กา เด๊อ แกล๊ลู เบ๊อะเนอ, อาหลู่ เต๊เห่ แฮ ลือฉื่อ อา เร๊อ อา แด๊โฉ่ ลู เน๊อ, “เน พู๊เพรคู โอ่โม กาคยา เฮ๊อ.” 52อา แด๊เฮอ อาหลู่ เออเต๊เห่ เร๊อ อาพู๊คู โอ่โม กาคยา คยาแซ๊ เบ๊อะเกเต? เร๊อ เหย่ซี เฮ๊ฉื่อ ลู เน๊อ, “อา อาเหน่กู่ ตา เบ๊อะป่าเฮ๊หนื่อ เหมาะกุ่ย ตือมือ เบ๊อะเนอ.” 53อาเพ เตเนแถ่ โต่เบ่คยา อาพู๊ อาเหน่กู่ ตา เบ๊อะเนอหม่า, อา โตตื๊อ เบ๊อะแบ่เจ่ เหย่ซู่ เฮ๊ ลู เน๊อ, “เน พู๊คู เก่ โอ่โม กาคยา ดื่อ ปา เบ๊อะเนอ.” เด๊อ เออ อาขว่าอาคยา, อา เร๊อ อา ตี๊หี่แตแพ เต๊เห่ หยื่อเอ่แหน่ ลอปลี แบ่เจ่ เหย่ซู่. 54เออเนอหมา แบ่เจ่ เหย่ซู่ โอ่ เด๊อ ยูดาห์เก่ เร๊อ เถ่จว๊า คยาแซ๊ เด๊อ กาลิลีเก่ เร๊อ อา เด๊อะโล อาเตเม โคตีกลี๊ เนอโพ๊โตโพ๊ เออเนอ เฮ๊อ.
Copyright information for
EkySCThai