Luke 20
อู แด๊เฮอ เหย่ซู่ อา เตอเรอฉว่าชอ อาหรี่อาแก
(มัทธิว ๒๑:๒๓-๒๗, มาระโก ๑๑:๒๗-๓๓)
1เตอเนอเค, เหย่ซู่ โอ่ เด๊อ เตเตหลู่แตโฮกู เร๊อ อา อิซว๊าอี๊แส่ตา เอ๊ลา แกแย, เร๊อ อา แด๊โฉ่โด่แน เป่ อู เร๊อ เตซิครือมีลา. เร๊อ เบ๊อะเนอเค, เพร หลู่แต กู่กล๊อ เต๊เห่ เร๊อ เพรอิซว๊า เตซว๊าเตแส่ อาซ๊าร๊า เต๊เห่, เร๊อ แกแยยิวพู๊ อาตู๊หมู่ตอกล๊อ ทวาดุทวาเต เต๊เห่ จว๊า เด๊อ ลูโอ่. 2เร๊อ อา เฮ๊ ลู เน๊อ, “แด๊โฉ่โล เป่ แม๊ เป, เน เมเต เออเต๊เห่ เนอหม่า เน จว๊าเม เร๊อ อูเป อา เตอเรอฉว่าชอ เป? อูเป นอเม เน เป?” 3เร๊อ แบ่เจ่เหย่ซู่ เฮ๊ฉื่อ เหย่ซี เน๊อ, “เก่ เฮ๊ฮู๊เนอเรอ, แว แด๊เฮอ เกอ ซี โหง่ ตือมือ, เร๊อ แด๊โฉ่โล เป่ เกอ แว. 4เพรเจเทอ คูยอห์น เจ เป่ อู เทอ เออเนอหม่า จอแปแหร่ เด๊อะลู เตอเรอฉว่าชอ แอ? หม่าโต่เรอ แกแย เด๊อะลู แอ?” 5เหย่ซี โด่แน เกอเร๊อ เป่ลู เน๊อ, “เป โต เฮ๊ฉื่อ อา ฮู๊เต? เป เก่ เฮ๊ เน๊อ, ‘จอแปแหร่ เด๊อ ลู’ เก่เฮ๊เรอ, อา เกล๊ แด๊เฮอ แหน่ เฮ๊อ เป เน๊อ, ‘เก่เฮ๊ฮู๊เนอเรอ ซี หยื่อเอ่ ลู โต่ เมเต?’ อา เกล๊ เฮ๊ แหน่ เฮ๊อ. 6หม่าโต่เรอ, ‘แกแย เด๊อะ ลู,’ เป เก่ เฮ๊ เรอ ล๋อ แกแย เบ๊หมู่ เบ๊อะเออ เต๊เห่ ลา หยื่อเอ่ เร๊อ คูยอห์น หม่า เพรโพร เตเพร อาขว่าอาคยา, เหย่ซี เก่ ต่าเซอ เป เร๊อ หล่อ ปา.” 7ฮู๊เนอเรอ เหย่ซี เฮ๊ฉื่อ เน๊อ, “อูเป เด๊อ คูยอห์น เตอเรอฉว่าชอ เด๊อ อา เก่ เจ เป่ อู เทอ เออเนอ, เป ซิเงโต่.” 8เร๊อ เหย่ซู่ เฮ๊ฉื่อ เหย่ซี เน๊อ, “เก่เฮ๊ ฮู๊เนอเรอ แว แรเต เออเต๊เห่ เร๊อ อูเป เตอเรอฉว่าชอ เป เนอ แว แด๊โฉ่โล เป่ ซี โต่โต่.”เฮ๊ ค๊าโข่ เป่ เร๊อ เพรเมเอ่โก๊ แท๊ทือเส่ เผ่ เต๊เห่ อาหรี่อาแก
(มัทธิว ๒๑:๓๓-๔๖, มาระโก ๑๒:๑-๑๒)
9เร๊อ เหย่ซู่ แด๊โฉ่โล เป่ เอ๊ ลา แกแย เร๊อ โหง่ค๊าโข่ ตือมือ เร๊อ อา เฮ๊ เน๊อ, “เบ๊อะโตโพ๊ แกแย โอ่ เตเพร, เร๊อ เตโหล่เตโช เด๊อ อา อาช๊อ เกอเร๊อ เน๊อ แท๊ทือเหมาะ เต๊เห่เนอ อา โอ่ เต๊เหล่ เร๊อ อา เด๊อะแร เอ่แก เร๊อ อา เด๊อะ เมเอ่โก๊ เน๊อ เพรเมเอ่โก๊ เตโหล่เตโช เต๊เห่. โทเรอ อา เถ่จว๊า โอ่ งยาแก เด๊อ เก่อาโร เต๊เก่. a 10เบ๊อะแท๊ทือเส่ มีเฮ๊อ เบ๊อะเนอ, แซ่ฮู๊ อา เก่ พย๊าหนิเกอ แท๊ทือเส่ เด๊อ อา โตเบ่ พย๊าหนิเกอ เนอเต๊เห่เรอ แท๊ทือเผ่ แบ่เจ่ เออ อา นอจว๊าเกอ อาหลู่เล๊ เตเพร เด๊อ เพรเมเอ่โก๊ เตโหล่เตโช เออเต๊เห่ อา โอ่. หม่าแน๊เรอ เพรเมเอ่โก๊เตโหล่เตโช เออเต๊เห่เนอ, อา มือฉื่อปอฉื่อโท ลูหลู่เล๊ เออเตเพร เร๊อ อา ปลวากา โกโยกลี๊แก แพ๊ ลู แพ๊. 11ฮู๊เนอ อาขว่าอาคยา, อา นอจว๊า เต๊เปล่โป่ อาหลู่เล๊ เด๊อ อาโร เตเพร ตื๊อดื่อเรอ เพรเมเอ่โก๊ เตโหล่เตโช เออเต๊เห่ มือฉื่อ คยาโป่ ลู, อา เมเตเรแก โท ลู เร๊อ อา ปลวากา โกโยกลี๊แกโป่คยา ลูลู. 12โทเรอ อา ปลวาแฮ โป่ อาหลู่เล๊ โซเพร เตเพร, เร๊อเพรเมเอ่โก๊ แท๊ทือเผ่ เออเต๊เห่เนอ, อา มือตอปอล๊อซอ, เร๊อมือจู่มือแทฉื่อ ลอ ลู เร๊อ เหว่เถ่แก ลู เด๊อแท๊ทือเผ่กลอ. 13“เร๊อ แท๊ทือเผ่ แบ่เจ่ เฮ๊ เน๊อ, ‘แว โตเบ่ เม ฮู๊เต? แว เก่ นอแฮ เร๊อ แว พู๊เพรคู เด๊อ แว โม เกอเร๊อ เล๊อ ลู เออเตเพร หม่า เหย่ซี เก่ แด่ดุหยื่อแหน่ เล๊อ ลู ปา เก่,’ อา เฮ๊ ฮู๊เนอ. 14“หม่าแน๊เรอ เบ๊อะเพร เมเอ่โก๊เตโหล่เตโช เออเต๊เห่ แม๊เถอะ ลู พู๊เพรคู แฮ เบ๊อะเนอ, เหย่ซี เฮ๊ เกอเร๊อ เป่ลู เน๊อ, ‘เออเตเพร หม่า เตโหล่เตโช แบ่เจ่ อาพู๊คู เด๊อ อา โต พย๊าหนิ ฮู๊โอ่เจเต๊เหย่ เนอเตเพร เฮ๊อ จว่า! จว๊าเมเซอแก ลู โป๋! เร๊อ อา โอ่เจเต๊เหย่ เออเต๊เห่ เนอ อา เก่ ทวา ลอ เปเต่ ปา!’ 15ฮู๊เนอ อาขว่าอาคยา, เหย่ซี จุ่ยตู๊หรู่ เถ่แก ลู เด๊อแท๊ทือเผ่ อากลอ เร๊อ เมเซอแก ลู. “เก่ เมฮู๊เนอเรอ เตโหล่เตโช แบ่เจ่ อา เม เพรเมเอ่โก๊ เตโหล่เตโช เออเต๊เห่ ฮู๊เต ปา? 16อา เก่ แฮ เมเซอแก ล๋อ แกแย เนอเต๊เห่ เร๊อ อา เก่ ปลวา เมเอ่โก๊ เต๊เปล่ติ แท๊ทือเผ่ เออเนอ เร๊อ แกแย เด๊อ อาโร เต๊เห่ ปา.” เบ๊อะแกแย โอ่โหร่ โอ่เอ๊ หนิโฮ เตเฮ๊เบ่เออ เบ๊อะเนอ, เหย่ซี เฮ๊ แลแค เน๊อ, “เป ซิหยื่อ นอทวาแถ่ อา ฮู๊เนอ โต่!” 17เหย่ซู่ แม๊จว๊าโต เหย่ซี เร๊อ อา แด๊เฮอ เหย่ซี เน๊อ, “เก่เฮ๊ฮู๊เนอเรอ ลีเทส่อพ๊า เฮ๊หนื่อ แวหรี่แวแก เนอ,‘แกแย เมแถ่ หี่ เร๊อ หล่อ เด๊อ เหย่ซี วีแก ลู เนอเตเมเนอ, อา ทวาแถ่ หล่อ เด๊อ อา โหล่ดุเล๊อ เด๊อ อา ต๊อป่อหม่า ลอ เจ๊อ หี่เตเม เจ๊อ,’ b อา เฮ๊ ฮู๊เออ เร๊อ อาโหง่แลช๊า หม่า อิเต?” อา แด๊เฮอ อู ฮู๊เนอ. 18“ล๋อ แกแย เด๊อ อา แลตา เด๊อ หล่อ เนอเตเม อาลู เต๊เห่เนอ, อาครุ๊ยอาคร๊แว เก่ แลเก่ แพ๊ ปา, หม่าแน๊เรอ หล่อ เนอเตเม เก่ แลตา เด๊อ เหย่ซี อาลู ปา เนอ, อาครุ๊ยอาคร๊แว เก่ หมื่อ ตีพรี ลอ เจ๊อ ปา.” 19เพรอิซว๊า เตซว๊าเตแส่ อาซ๊าร๊า เต๊เห่ เน๊อ เพรหลู่แต ทวาดุทวาเต เต๊เห่ ซิเง เร๊อ เหย่ซู่ เฮ๊โข่ เหย่ซี ขว่าคยา. โตโพ๊โต อา ซิหยื่อ ปื่อ เจ๊อ เฮ๊อ เหย่ซู่ เบ๊อะเนอ เฮ๊อ. หม่าแน๊เรอ เหย่ซี ซิอิเช แกแย เบ๊หมู่ เนอเต๊เห่ อาเหล่.
อู แด๊เฮอ เหย่ซู่ เน๊อ โตเบ่ เด๊อ โรมัน คุ๊ยซีซาร์ อาหมู่อาร๊า แอ? หม่า โต่ แอ?
(มัทธิว ๒๒:๑๕-๒๒, มาระโก ๑๒:๑๓-๑๗)
20ฮู๊เนอ อาขว่าอาคยา, แซ่ฮู๊ เหย่ซี เก่ ปื่อหนิ เหย่ซู่ เตเฮ๊เบ่ซื๊อโหง่ เต๊เห่, โท๊โต่ แซ่ฮู๊ เหย่ซี เก่ ปื่อซูจว๊าแก ลู เด๊อ โรมัน คุ๊ยซีซาร์ เด๊อ อา โอ่ เร๊อ อา เตอเรอฉว่าชอ เร๊อ อา เตโพรเตเตอเรอ เออเตเพร อา กู๊ยากู อาเงเนอปา, เหย่ซี โอ่ป่อแม๊ เบ๊อะตาโตตาเบ่ เร๊อ อา นอจว๊า เพรทื๊อแม๊ เต๊เห่ อา เกล๊เมโข่ อาเหน่ ฮู๊ แกแยจ๊อจื้อ เต๊เห่เนอ เร๊อ เหย่ซี เก่ แด๊เฮอ โข่ แลแค เหย่ซู่ โหง่ เต๊เห่. 21แกแย เพรทื๊อแม๊ เออเต๊เห่ แด๊เฮอ เหย่ซู่ เน๊อ, “ซ๊าร๋า, เป ซิเง เร๊อ เน เตเฮ๊เบ่อี๊โช เต๊เห่ เน๊อ เน เตอิซว๊าอี๊แส่ เต๊เห่ เนอหม่า อาจ๊ออาเต, โท๊โต่ เน แม๊ดุแม๊ปีตี๊ เกออูโต่. เน อิซว๊าอี๊แส่ อู ฮู๊ อาโต เด๊อ จอแปแหร่ อาแกล๊อาโกล อา จ๊ออาเต เนอเต๊เห่ แพ๊. 22ฮู๊เนอเรอ แด๊โฉ่ เป่แม๊ เป, หม่า เป โตเบ่ เด๊อ โรมัน คุ๊ยซีซาร์ อาหมู่อาร๊า แอ? หม่า โต่ แอ?” 23หม่าแน๊เรอ เหย่ซู่ ลอ ซิเง เด๊อ เหย่ซี แม๊ปูปื่อ ลู เตเฮ๊เบ่ซื๊อ อาขว่าอาคยา, อา เฮ๊ฉื่อ เหย่ซี เนอ, 24“เด๊อะโล เป่ แม๊ แว ซีรือหย่า เต๊เบ่. เด๊อ รือหย่าลู เออเนอหม่า อูเป กู่กล๊อแหย่โย เร๊อ อูเป มุยโอ่เป?” 25เร๊อ เหย่ซี เฮ๊ฉื่อ ลู เน๊อ, “โรมัน คุ๊ยซีซาร์ อาแหย่โย่ เร๊อ อามุย โอ่.” เร๊อ อา เฮ๊ฉื่อ เหย่ซี เน๊อ, “เก่ เมฮู๊เนอเรอ, โรมัน คุ๊ยซีซาร์ แหย่โย อาเต เฮ๊เรอ เด๊อ เร๊อ โรมันคุ๊ยซีซาร์ เนอ, จอแปแหร่ อาเต เก่เฮ๊เรอ เด๊อ เร๊อ จอแปแหร่ เนอ.” 26เร๊อ เหย่ซี ปื่อหนิ ลู เตเฮ๊เบ่ซื๊อ เด๊อ อู เตปลูเต๊เผ่ อาเป๊เส่เง ตือมื๋อ โต่. เหย่ซู่ เฮ๊ฉื่อ เหย่ซี ฮู๊เออ อาขว่าอาคยา อา เถ่ตาปา ลอปลี เจ๊อ เหย่ซี เร๊อ อา โอ่ โส่ตือครื๊อ ลอ แพ๊.อู แด๊เฮอ เหย่ซู่ เร๊อ เตเซอ ก๊อถ่อกาคยา อาหรี่อาแก
(มัทธิว ๒๒:๒๓-๓๓, มาระโก ๑๒:๑๕-๒๗)
27สะดูสีพู๊ เด๊อ อา หยื่อเอ่ เร๊อ แกแยเซอ ก๊อถ่อเซอเพร กาคยา โต่ เนอเต๊เห่ จว๊า เด๊อ เหย่ซู่ โอ่ เร๊อ แฮ แด๊เฮอ ลู โหง่ ตือมือ เนอ, c 28“ซ๊าร๊าดุ, คูโมเสส ราแก เตซว๊าเตแส่ ตือมือ เด๊อ เปเง เร๊อ อา เฮ๊ เนอ, แกแย เตพร เพร เก่ เซอแก อาเมเหล่, เร๊อ อาพู๊ อา โอ่แก เตเพร่ว โต่ เฮ๊เนอ, แซ่ฮู๊ อากลุยแล อา โอ่แก เนอเรอ, อา โป่เพรคู เบ่ พย๊าดว้า อาคี โอ่แกเออ, อา เฮ๊ ฮู๊เนอ. d 29กู๊แหน่เร๊อ โป่ เร๊อ แหม่ เพรคู โอ่ โซซว๊าเตเพร. อา แหว่ เพร่วเล๊อ เตเพร พย๊า อาเม เร๊อ เด๊อคยาเนอ อา เซอแก อาเม เหล่, เร๊อ อาพู๊ โอ่แก เตเพร่ว โต่ อาขว่าอาคยา, อาโป่ เด๊อคยา เตเพร เบ่พย๊าดว้า อาคี โอ่แก เออเตเพร. 30เร๊อ อา โป่เพรคู เนอเพรเตเพร พย๊าดว้า คยาแซ๊ อาคีเออ. 31โทเรอ อา โป่เพรคู โซเพรเตเพร โต่เด๊อ โซซว๊าเตเพร เออเนอ เซอแก แซ่เกอ ฮู๊เนอ, เร๊อ อาพู๊ โอ่แก แลแค เตเพร่ว โต่. 32เด๊อคยา เร๊อ เพรเหมาะ เออเตเพร เซอแก เกอเกอ. 33ฮู๊เนอเร๊อ ช๋า เซอเพรกาคยา อาม๊อเนอ ปา เตอเนอเนอ, เพรเหมาะ เออเตเพร อา ทวา เบ๊อะเตเพร อาเม ปาเป? เมเตเฮ๊เรอ เหย่ซี โป่เร๊อแหม่ โซซว๊าเตเพร พย๊าจือลอ ลู เพรเหมาะ เออเตเพร เนอ.” 34เหย่ซู่ เฮ๊ฉื่อ เหย่ซี เน๊อ, “เออตือทือเนอ, อู พย๊าพู๊พย๊าเม แลแค ว๊า. 35หม่าแน๊เรอ แกแย เด๊อ จอแปแหร่ แด่เฮอ เหย่ซี เน๊อ อา โต เฮ๊อ เด๊อ อา เก่ เซอ ก๊อถ่อกาคยา ช๊า โหน่ปา ตือทือ ปา เต๊เห่เนอ, เตพย๊าพู๊พย๊าเม โอ่ปา โต่ เฮ๊อ. 36เหย่ซี เก่ แซ่ เร๊อ เตเน่วม๊อขุ เนอเต๊เห่ ปา เร๊อ อา เซอ แจ่ ปา โต่. เหย่ซี ก๊อถ่อ กาคยา เด๊อ เตเซอ ปา อาขว่าอาคยา, เหย่ซี หม่า จอแปแหร่ อาพู๊ เต๊เห่ เฮ๊อ. 37เร๊อ คูโมเสส แด๊โฉ่ หล่าหล่า ลีลี เจ๊อ เร๊อ แกแย เด๊อ อา เซอ โทเฮ๊อ เต๊เห่เนอ, อา เก่ ก๊อถ่อ เซอเพร กาคยา ปา, เมเตเฮ๊เรอ เพอับราฮัม เร๊อ เพอิสอัค เร๊อ เพยาโคบ เออเต๊เห่เนอ, อา เซอโท อา งย๊า ลาเฮ๊อ ตื๊อดื่อเรอ ลีเทส่อพ๊ากู เฮ๊ โอ่ โต๊โต่ เน๊อ เบ๊อะหมิแกแถ่ แจ๊โจ่ โต๊โจ่ เบ๊อะเนอ, คูโมเสส เอ๊ แบ่เจ่ เออเนอ เน๊อ, ‘เพอับราฮัม อาจอแปแหร่, เพอิสอัด อาจอแปแหร่, เร๊อ เพยาโคบ อาจอแปแหร่,’ ฮู๊เนอ. e 38แกแย ปว๋า เตเพร โอ่เซอเพร ตูจูเพร ลอ เด๊อ จอแปแหร่ อาเป๊เส่เง อาขว่าอาคยา, อา หม่า แกแยเซอ เต๊เห่ อาจอแปแหร่ หม่าโต่, แกแย เซอเพร เต๊เห่ อาจอแป่แหร่.” 39เพรอิซว๊า เตซว๊าเตแส่ อาซ๊าร๊า เต๊เห่ เฮ๊ โป่ อา เน๊อ, “ซ๊าร๋า, เน เฮ๊ฉื่อ แจ่ แหน่เจ๊อ เจ๊อ.” 40เร๊อ เหย่ซี แด๊เฮอ เป่แฮ บื่อ ปา ลู เตอเจ๋อ โต่.อู แด๊เฮอ ครี๊ อาหรี่อาแก
(มัทธิว ๒๒:๔๑-๔๖, มาระโก ๑๒:๓๕-๓๗)
41เหย่ซู่ แด๊เฮอ เหย่ซี เน๊อ, “อู จว๊า เฮ๊โต่ เร๊อ ครี๊ หม่า ดาวิด อากลุยแล หม่า ฮู๊เต? 42เมเตเฮ๊เรอ เบ๊อะลีเทส่อพ๊าสดูดี อากูเนอ, ดาวิด อาแหน่แบ่เจ่ เร๊อดื่อ จว๊า ราโต่ เนอ,‘แบ่เจ่ เฮ๊ แว แบ่เจ่ เน๊อ, “โอ่แนโอ่ เด๊อ แว กู๊ขุ จ๊อทว๊า เออเตอกยา. f ▼
▼โอ่แนโอ่ เด๊อ กู๊ขุ จ๊อทว๊า ตากยา อาโหง่แลช๊า หม่า แกแย เด๊อ อู เบ่หยื่อเบ่แหน่ อา เร๊อ อา โอ่ เร๊อ อา เตอเรอฉว่าชอ เตเพร
43โอ่แนโอ่ ตื๊อดื่อ โต่เด๊อ แว เมเป่แก ลอหล่าตี๊กลิ ลอ เฮ๊อ แกแย เด๊อ อา ซิเถ่ เน เนอเต๊เห่ ปานี๋. แว เก่ นอทวา แกแย เด๊อ อา ซิเถ่ เน เนอเต๊เห่ แซ่เน๊อ เน กู๊โด่ เหล่หยิเด๊อ เน โอ่แนโอ่ เร๊อ เน หยิตา เกอเร๊อ เออเนอ ปา.”’ h 44คุ๊ยดาวิด เอ๊ ครี๊ เน๊อ ‘แบ่เจ่’ อาขว่าอาคยา, อา จว๊า ทวา แจ่ คุ๊ยดาวิด อาพู๊ ฮู๊เต?” เหย่ซู่ เฮ๊ อู เน๊อ รอหนิ แลแค เพรอิซว๊า เตซว๊าเตแส่ อาซ๊าร๊า เต๊เห่
(มัทธิว ๒๓:๑-๓๖, มาระโก ๑๒:๓๘-๔๐, ลูกา ๑๑:๓๗-๕๔)
45เบ๊อะแกแย หนิดา เอ๊ลา เหย่ซู่ อา เตเฮ๊เบ่ เบ๊อะเนอ, อา เฮ๊ อา โคเจ่ เต๊เห่ เนอ, 46“รอหนิ แลแค ซีเหน่ เร๊อ เพร อิซว๊า เตซว๊าเตแส่ อาซ๊าร๊า เนอเต๊เห่ นี๋. เหย่ซี เนอเต๊เห่หม่า อา ซิหยื่อ แซ๊ แลแค จาจวา โกโหร่ทู เร๊อ อา จว๊ากาจว๊าแฮ เด๊อ เกล๊เบ่กู เร๊อ อา ซิหยื่อ นอ เฮ๊เบ่เจ่เฮ๊เบ่โม ฉื่อ อู เร๊อ อาเหน่. เด๊อ เตจ๊อเบโฮกู เนอเบ่เบ่, เด๊อ ป่วยกู เนอเบ่เบ่, เหย่ซี ซิหยื่อ โอ่แนโอ่ แลแค เหล่โอ่ เด๊อ อู แด่ดุเบ่หยื่อ เบ่แหน่หนิ อา เนอเต๊เห่ แพ๊. 47เหย่ซี จว๊าแลโฮเอ่ แลแห่โอ ลอ เพรเหมาะโอ่แคร๊เตปว๋า เต๊อเจ่อ. แซ่ฮู๊ อู เก่ เตเนเกอเร๊อ เหย่ซี เน๊อ เหย่ซี หม่า แกแยบูโพ๊ เต๊เห่ เจ๊อ เนอเรอ, เหย่ซี กุยจ๊อเบ งยางยา เป่ อู. แกแย ฮู๊เนอ เต๊เห่เนอ, เตเมจากาคยา เก่ เบ่จา เล๊อ เน๊อ อูโร เต๊เห่ ปา.”
Copyright information for
EkySCThai