Luke 3
เพรเจเทอ คูยอห์น อา เตเฮ๊โฉ่โด่แน
(มัทธิว ๓:๑-๑๒, มาระโก ๑:๑-๘, ยอห์น ๑:๑๙-๒๘)
1เบ๊อะ จ๊อแผ่ดุ ทิเบริอัส เป๊อะเทอเป๊อะเก่ บาแถ่ เฮ๊อ เช๊อแง หน่า เบ๊อะเนอ, ปอนทิอัสปีลาต ทวาแถ่ คุ๊ยดุ เด๊อ ยูดาห์เก่. เร๊อ เพรเป๊อ กาลิลีเก่ หม่า คุ๊ยเฮโรด. เร๊อ คุ๊ยเฮโรด อาโป่ คูฟีลิป หม่า เพรเป๊อ อิทูเรียเก่ เร๊อ ตราโคนิติสเก่. คุ๊ยลีซาเนีย เร๊อ อา เป๊อหนิ เก่ อาบีเลนเก่. 2เพร่หลู่แต ดุเล๊ออู หม่า เพอันนาส เร๊อ เพคายาฟาส เฮ๊อ. เบ๊อะเนออาเค เพเศคาริยาห์ อาพู๊คู คูยอห์น โอ่ เด๊อ เก่เชเทอแก หล่อตาม๊าขุ. เร๊อ จอแปแหร่ แด๊โฉ่โลตาเป่ อาลาอาโหง่ เด๊อ คูยอห์น อา โอ่. 3ฮู๊เนอ อาขว่าอาคยา, ล๋อ ดอ โอ่ผื่อ ตีวี๊ตาวา เบ๊อะเทอแลโหมะจอร์แดน อาช๊า เต๊เห่เนอ, คูยอห์น จว๊าเล แด๊โฉ่โด่แน ลอ อู เร๊อ ถู่แหล่แต๊แกละ แลแค ซีซิปล่อ แลแค เร๊อ เจ แลแค ซีเหน่ เร๊อ เทอ ตื๊อเรอ จอแปแหร่ ปลวาแก ซี เตซื๊อ เนอเต๊เห่ แพ๊. 4ฮู๊ จอแปแหร่ อาลาอาโหง่ ราหนื่ออื่อ โทเฮ๊อ เด๊อ เพรโพร อิสยาห์ อา ลีกูเนอ, เร๊อ อา เฮ๊ เนอ, a “แกแย เตเพร เอ๊โทแถ่ เด๊อ เก่เชเทอแก หล่อตาม๊าขุ เร๊อ อา เฮ๊ เน๊อ, ‘ตี๊หรี่แตแร หนื่ออื่อ แลแค แกล๊ เด๊อ แบ่เจ่ อาเง. เมจ๊อเมเต แลแค แบ่เจ่ แกล๊เหล่แฮแกล๊ อาเง โตโบ๊ นี๋. 5ล๋อ เก่จ๊ออ่อกู เต๊เห่เนอ, เบ่ โท๊บา ลอ. ล๊อ โกโลขุ เน๊อ โฉ่ดุโฉ่ทู เต๊เห่เนอ, เบ่ เมรือดือ ลอ. เมจ๊อ ลอ แกล๊ เด๊อ อา ตี๊กิตากา เนอเต๊เห่. เร๊อ เบ่ เมส่า ลอ แกล๊ เด๊อ อา ตีพรีตูพรู๊ เนอเต๊เห่. 6แกแย ปว๋า เตเพร เก่ แม๊เถอะ ลอ จอแปแหร่ นว๊าแถ่ เพรเมแลเปล๊กา แกแย เห่ขุ เออเนอ เตเพร ปา.’” b 7แกแย เต๊เห่ เตเร แฮ เจ แลแค อาเหน่ เร๊อ เทอ เร๊อ อา แฮโหร่แฮเอ๊ แหน่เจ๊อ เด๊อ คูยอห์น อา โอ่. เร๊อ คูยอห์น เฮ๊ เหย่ซี เน๊อ, “หรู่ ซี๋! ซี เก่ เหล่แลเปล๊ เร๊อ จอแปแหร่ อา เต เด๊อะจา เด๊อ อา เก่ แฮปา เออเนอ อูเป เตเพร เด๊อะรอเด๊อะเร ซี เป? c 8ซี เก่ ถู่แหล่เต๊เปล่หม่าแหน่เฮ๊อซิปล่อเฮ๊อ เก่เฮ๊เรอ เด๊อะโล แลแค ซี เตโอ่เซอเพร เต๊เห่ เร๊อ ซี เตแด่ ซี ซิปล่อสู่เทอ เต๊เห่. เฮ๊โทเฮ๊แล แต่ ซีเหน่ เน๊อ, ‘เป หม่า เพอับราฮัม อากลุยอาแล’ เนอแต่เม. แว เฮ๊ ซี, จอแปแหร่ เมทวาแถ่ หล่อเออเต๊เห่ เร๊อ เพอับราฮัม อาพู๊ หม่า อา เมแจ่ แพ๊. d 9กวา เต๊เบ่ โอ่เฮ๊อ เด๊อ ส่อแก่ช๊าเฮ๊อ เร๊อ อู เก่ กวาเก่ แลคื๊อเฮ๊อ ส่อเหมาะ เต๊เห่ ปา e, เร๊อ อู เก่ จุ่ยตือ โต่ เจ๊อ เด๊อ อาหรุ่ยอาถว่า ปา. ส่อเหมาะ ต๊อเหมาะเหมาะ เด๊อ อาเส่อาโพ ตว่าแร๊ โต่ เนอ, อู เก่ กวาเก่ แลคื๊อแก อา ปา เร๊อ อู เก่ วีโนแก อา เด๊อ หมิกู ปา.” 10เร๊อ แกแย แด๊เฮอ คูยอห์น เอ๊ ลา เน๊อ, “เก่ เฮ๊ ฮู๊เนอเรอ เป โตเบ่ เมฮู๊เต?” 11เร๊อ อา เฮ๊ฉื่อ เหย่ซี เน๊อ, “แกแย เด๊อ อาจา โอ่ เนอปือเนอ เบ่ เด๊อ เป่ เกอ แกแย เด๊อ อาจา โอ่ เกออู ตือปื๋อ โต่ เนอเตเห่. โทเร๊อ แกแย เด๊อ อา เหล่เอ่เหล่โอ โอ่ เต๊เห่เนอ, เบเอ่เบโอ เป่ เกออู.” 12เพรกุยอาหมู่อาร๊า เต๊เห่ เก่ เจ เกอ แลแค อาเหน่ เร๊อ เทอ เร๊อ อา แฮ เด๊อ คูยอห์น อา โอ่ เร๊อ อา แฮ แด๊เฮอ ลู เน๊อ, “ซ๊าร๊า, เป โตเบ่ เมฮู๊เต?” f 13เร๊อ อา เฮ๊ฉื่อ เหย่ซี เน๊อ, “กุย แลแค อาหมู่อาร๊า ฮู๊ อู นอกุย ซีเนอ, กุยเล๊อกุยปา แต่ เร๊อ อู นอกุย ซี เนอ แต่เหม่.” 14เกลอฮู๊ เต๊เห่ แด๊เฮอเกอ ลู เน๊อ, “เป ล๊า? เป โตเบ่ เมฮู๊เต?” เร๊อ อา เฮ๊ฉื่อ เหย่ซี เน๊อ, “เบ่ ปื่อเผ่ พย๊าเผ่ หนิ อูรืออูเท โต่. เกบู เกบย่า แต่ อู เตเพร๊ แต่เหม่ โตซิปล่อ หนิ แลแค เร๊อ คว๊าเก่ เด๊อ ซี พย๊าหนิ เนอเต๊เห่.” 15แกแย แม๊ชือ ซิเล, เร๊อ เตเน โหร่ เอ๊ ลา แลแค คูยอห์น เน๊อ, “แตแร๋ หม่า ครี๊ เด๊อ จอแปแหร่ น๊อ แถ่ อา เด๊อ อา เก่ แฮ เมแลเปล๊กา แกแย เห่ขุ เฮ๊เนอหม่า อา เฮ๊อ ก๋อ.” 16ฮู๊เนอ อาขว่าอาคยา, คูยอห์น เฮ๊ เหย่ซี ปว๋า เตเพร เน๊อ, “แว เจ ซี เร๊อ เทอ แพ๊, หม่าแน๊เรอ เพร เด๊อ อา เตอเรออาโพร ฉว่าชอ เล๊อเล๊อ เจ๊อ เร๊อ แว เตเพรเนอ อา เก่ แฮ ปา. แว ฉิโล๊ เป่แพ๊ อา แข่แด๊พ๊า เปลอ แพ๊ เน๋อ แว ต่า เร๊อ อา โต่. อา เก่ แฮ เจ ซี เร๊อ แหย่โยบูโพ๊แบ่เจ่ เร๊อ หมิ ปา ▼▼“หมิ” อาโหง่แลช๊า หม่า, เตเจแม๊ หม่า อาหม่าหม่า เตเมปลีเมโพ๊ หม่า อาหม่าหม่า
17อา เออเนอ อาแซ่เน๊อ แกแย เตเพร เด๊อ อา อิเคร๊เช๊แก โบ๊สู่ เร๊อ โบ๊เช๊ เนอ. อาโบ๊เช๊ เต๊เห่เนอ อา เก่ กากลอปล๊อ เด๊อ อาแจกู ปา, ตื๊อดื่อเรอ โบ๊สู่ เต๊เห่เนอ อา เก่ ชื๊ออือแก เร๊อ หมิ เด๊อ อา ปีเป่ แจ่ ปา โตโพ๋ โต่ เออเต๊เผ่ อากู เนอ ปา.” 18คูยอห์น เอ๊โทแด๊โฉ่โด่แน เป่ อู เตซิครือมีลา อา แกล๊ อาโกล เอ๊โล เร๊อ อา เด๊อะอ๊าเด๊อะเหร่ เร๊อดื่อ แกแย เบ๊หมู่ เนอเต๊เห่. 19หม่าแน๊เรอ คุ๊ยเฮโรด ย๋อ จว๊าพย๊า เกอเร๊อ คยาแซ๊ดื่อ อาคี โหมะเฮโรเดียส อาขว่าอาคยา, คูยอห์น เฮ๊ ลู เร๊อ อา เมเต เออเนอหม่า อา ซื๊อ. โท๊โต่ เด๊อ อาเหร่อเคเนอ หม่า คุ๊ยเฮโรด ย๋อ เม เตมู๊แหม่รีแจ่ เต๊เห่ อาขว่าอาคยา, อา แด่โป่ ลู เตซื๊อ เร๊อ เนอเนอ. h 20ตื๊อเออเนอ โท๊โต่, คุ๊ยเฮโรด เม เตมู๊แหม่รีแจ่ ดุเล๊อโป่ เต๊อเจ่อ หม่า หม่าเฮ๊อ อา ด๊อตาแก คูยอห์น เด๊อ ทอกู เออเนอ เฮ๊อ. คูยอห์น เจ เป่ เหย่ซู่ เทอ
(มัทธิว ๓:๑๓-๑๗, มาระโก ๑:๙-๑๑)
21เบ๊อะแกแย เบ๊หมู่ เจ โทลอเฮ๊อ ดื่ออาเหน่ เร๊อ เทอ เบ๊อะเนอ, แบ่เจ่ เหย่ซู่ เจ เกอ โหน่ เทอ เด๊อ คยา. เบ๊อะอา กุยจ๊อเบ เบ๊อะเนอ, ม๊อขุ ลูโม แอแถ่. 22โทเร๊อ แหย่โยบูโพ๊แบ่เจ่ กลว่าอาเหน่ ฮู๊ ถู่หลุ่ย เร๊อ อา แฮ ตาโอ่ เด๊อ เหย่ซู่ ลู เบ๊อะเนออาเค โหง่พรา ตา เด๊อ ม๊อขุ เร๊อ อา เฮ๊ เน๊อ, “เน หม่า แวพู๊คู เด๊อ แว โม เกอเร๊อ เร๊อ อาโตอาเบ่ เร๊อ แว ซิปล่อสู่เทอ เตเพร.” iเหย่ซู่ อากลุยแล แก่ช๊าแกแร เต๊เห่
(มัทธิว ๑:๑-๑๗)
23เบ๊อะเหย่ซู่ เป๊อแถ่ อิซว๊า อู เบ๊อะเนอ, อา หน่า ผื่อบา เฮ๊อ โซเชอ เฮ๊อ. อู เตเนแต่ ลู เร๊อ เพโยเซฟ อาพู๊ แพ๊.คูโยเซฟ หม่า คูเฮลี อาพู๊, 24คูเฮลี อาเพหม่า คูมัทธัต, คูมัทธัต อาเพหม่า คูเลวี, คูเลวี อาเพหม่า คูหม่าหล่าคี๊, คูหม่าหล่าคี๊ อาเพหม่า คูหย่าเหน่, คูหย่าเหน่ อาเพหม่า คูโยเซฟ, 25คูโยเซฟ อาเพหม่า คูมัทธาธีอัส, คูมัทธาธีอัส อาเพหม่า คูอาโมส, คูอาโมส อาเพหม่า คูนาฮูม, คูนาฮูม อาเพหม่า คูเอสลี, คูเอสลี อาเพ หม่า คูนักกาย, 26คูนักกาย อาเพหม่า คูมาอาท, คูมาอาท อาเพหม่า คูมัทธาธีอัส, คูมัทธาธีอัส อาเพหม่า คูเสเมอิน, คูเสเมอิน อาเพหม่า คูโยเสค, คูโยเสค อาเพหม่า คูโยดา, 27คูโยดา อาเพหม่า คูโยอานัน, คูโยอานัน อาเพหม่า คูเรซา, คูเรซา อาเพหม่า คูเศรุบบาเบล, คูเศรุบบาเบล อาเพหม่า คูเชอัลทิเอล, คูเชอัลทิเอล อาเพหม่า คูเนรี, 28คูเนรี อาเพหม่า คูหม่าหล่าคี๊, คูมาลาคี อาเพหม่า คูอัดดี, คูอัดดี อาเพหม่า คูโคสัม, คูโคสัม อาเพหม่า คูเอลมาดัม, คูเอลมาดัม อาเพหม่า คูเอร์, 29คูเอร์ อาเพหม่า คูเยซู, คูเยซู อาเพหม่า คูเอลีเยเซอร์, คูเอลีเยเซอร์ อาเพหม่า คูโยริม, คูโยริม อาเพหม่า คูมัทธัต, คูมัทธัต อาเพหม่า คูเลวี, 30คูเลวี อาเพหม่า คูสิเมโอน, คูสิเมโอน อาเพหม่า คูยูดาส, คูยูดาส อาเพหม่า คูโยเซฟ, คูโยเซฟ อาเพหม่า คูโยนาม, คูโยนาม อาเพหม่า คูเอลียาคิม, 31คูเอลียาคิม อาเพหม่า คูเมเลอา, คูเมเลอา อาเพหม่า คูเมนนา, คูเมนนา อาเพหม่า คูมัทตะธา, คูมัทตะธา อาเพหม่า คูนาธัน, คูนาธัน อาเพหม่า คูดาวิด, 32คูดาวิด อาเพหม่า คูเจสซี, คูเจสซี อาเพหม่า คูโอเบด, คูโอเบด อาเพหม่า คูโบอาส, คูโบอาส อาเพหม่า คูสัลโมน, คูสัลโมน อาเพหม่า คูนาโชน, 33คูนาโชน อาเพหม่า คูอัมมีนาดับ, คูอัมมีนาดับ อาเพหม่า คูอัดมิน, คูอัดมิน อาเพหม่า คูอารนี, คูอารนี อาเพหม่า คูเฮสโรน, คูเฮสโรน อาเพหม่า คูเปเรศ, คูเปเรศ อาเพหม่า คูยูดาส 34คูยูดาส อาเพหม่า คูยาโคบ, คูยาโคบ อาเพหม่า คูอิสอัค, คูอิสอัค อาเพ หม่า คูอับราฮัม, คูอับราฮัม อาเพหม่า คูเทราห์, คูเทราห์ อาเพ หม่า คูนาโฮร์, 35คูนาโฮร์ อาเพหม่า คูเสรุก, คู เสรุก อาเพหม่า คูเรอู, คูเรอู อาเพหม่า คูเปเลก, คูเปเลก อาเพหม่า คูเอเบอร์, คูเอเบอร์ อาเพ หม่า คูเซลาห์, 36คูเซลาห์ อาเพหม่า คูไคนาน, คูไคนาน อาเพหม่า คูอารฟาซัส, คูอารฟาซัส อาเพหม่า คูเซม, คูเซม อาเพหม่า คูโนอาห์, คูโนอาห์ อาเพหม่า คูลาเมค, 37คูลาเมค อาเพหม่า คูเมธูเสลาห์, คูเมธูเสลาห์ อาเพหม่า คูเอโนค, คูเอโนค อาเพหม่า คูยาเรค, คูยาเรค อาเพหม่า คูมาหะลาเลเอล, คูมาหะลาเลเอล อาเพหม่า คูไคนาน, 38คูไคนาน อาเพหม่า คูเอโนส, คูเอโนส อาเพหม่า คูเสท, คูเสท อาเพหม่า คูอาดัม หม่าเฮ๊อ จอแปแหร่ อาพู๊คู เนอเตเพร เฮ๊อ.
Copyright information for
EkySCThai