Luke 5

เหย่ซู่ อา โคเจ่ เด๊อ อาเหร่อเล๊อ เต๊เห่

(มัทธิว ๔:๑๘-๒๒, มาระโก ๑:๑๖-๒๐)

1เตอเนอเค เบ๊อะเหย่ซู่ ก๊อถ่อ โอ่ เด๊อ เนซาเรท เทออ่อดุทือ เบ๊อะเนอ, แกแย เต๊เห่ ซิหยื่อ หนิโฮ แลแค จอแปแหร่ อาลาอาโหง่ เร๊อ อา จว๊า ดุ๊ยแฮยาแฮ โอ่โร๊เอ๊แหน่เจ๊อ เด๊อ เหย่ซู่ อา โอ่. ^a 2เหย่ซู่ แม๊เถอะ ส่อเกลอ เด๊อ อู กา บ๊าแถ่แด่โอ่ อา เด๊อ เทอทือ เนอเบ่. เพรเมเต๊วฮู๊ เต๊เห่ เถ่จว๊าแก เด๊อ ส่อเกลอกู เร๊อ เหย่ซี จว๊า โฉ่ปลี เกอเร๊อ แลแค อาตีวี ▼

▼แกแย เต๊เห่เห่ เรอ อา เอ๊ เร๊อโหมะ หม่าโต่เรอ แน

. 3เหย่ซู่ จว๊าแถ่โน เด๊อ คูซีโมน อา ส่อเกลอกู เร๊อ อา นอแค ซ๊อซื๊อโน ลู ส่อเกลอ เออเนอ เด๊อ เทอแย ตี๊กิ, โทเรอ เหย่ซู่ โอ่แนตา เด๊อ ส่อเกลอกู เร๊อ อา อิซว๊าตา แกแย เบ๊หมู่ เนอเต๊เห่.

4เบ๊อะอา อิซว๊า โทเฮ๊อเนอ, อา เฮ๊ คูซีโมน เน๊อ, “แคโนยา เน ส่อเกลอเออ เด๊อ เทอ แยเนอ. แซ่ฮู๊ ซี เก่ ปื่อหนิ แลแค เต๊ว อาเงเนอเนอ, วีตา แลแค ซี ตีวี เนอเต๊เห่.”

5คูซีโมน เฮ๊ฉื่อ ลู เน๊อ, “ซ๊าร๊า, เป วีตาโทเฮ๊อตีวี เตเซ๋ เตเซ เจ๊อเฮ๊อ เร๊อ เต๊วหนิ เตเบ๋ โต่, ตื๊อดื่อเรอ ฮู๊ เน เฮ๊เนอ แว เก่วีตา โป่คยา อ๋า.” ^c

6เหย่ซี วีตา ตีวี เร๊อ เต๊วหนิ เอ๊แหน่เจ๊อ, อา โต่ เจ๊อ เด๊อ ตีวี ผื่อ แลยาแก เจ๊อ. ^d 7ฮู๊เนอ อาขว่าอาคยา, เหย่ซี เอ๊กา โป่ แลแค อาโค โอ่ เด๊อ ส่อเกลอกู เด๊อ อาโร เต๊เบ่ เต๊เห่ เก่ แฮ เมจว่าเกอ เหย่ซี. อาโค เต๊เห่ จว๊า เมจว่า เกอ เหย่ซี เร๊อ อา ปื่อโน แลแค เต๊ว เด๊อ ส่อเกลอกู เร๊อ อา บา เจ๊อ เร๊อ ส่อเกลอ เนอเบ่, เร๊อ โต่ เจ๊อ เด๊อ ส่อเกลอ เออเนอเบ่ ผื่อแลจื๊อ ตีลี๊ เจ๊อ.

8เบ๊อะคูซีโมน เปโตร แม๊เถอะ เตเมอาเหน่ ฮู๊เออ เบ๊อะเนอ, อา แด๊งือแลเด๊อ เหย่ซู่ อา กู๊โด่ช๊า เร๊อ อา เฮ๊ เน๊อ, “แบ่เจ่, เถ่จว๊า ตาพาแก เร๊อ แว, แว หม่า แกแย เตซื๊อเตโอ่หร่าพู๊ แพ๊.” 9อา เร๊อ อาโค เด๊อ อา โอ่ เกอ เร๊อ ลู เต๊เห่ ปื่อหนิ เอ๊แหน่เจ๊อ เต๊ว อาขว่าอาคยา, เหย่ ซี คย๊าอายื๊อ ลอ แลแค เจ๊อ. 10เพรเมโหร่เกอลู เต๊ว เร๊อ คูซีโมน เต๊เห่หม่า เพเศเบดี อาพู๊คู, คูยากอบ เร๊อ คูยอห์น แพ๊. เหย่ซี หม่า อา คย๊าอายื๊อ เกอ แหน่เจ๊อ เจ๊อ.

เหย่ซู่ เฮ๊ คูซีโมน เน๊อ, “ซิอิเช แต่เหม่, เป๊อแถ่ เออเตอเนอ ตาเป่แฮ, เน เก่ ทวาแถ่ แกแย เด๊อ อา จว๊าเอ๊กา อู เด๊อ จอแปแหร่ อา โอ่ แซ่เน๊อ เน ปื่อเต๊ว เออเนอ ปา.” 11เหย่ซี บ๊าเถ่โอ่แก ส่อเกลอ เออเต๊เห่ เด๊อ เทอทือ เนอ, แด่แก ลอ, ล๋อ ตาเต เด๊อ อา โอ่ เกอ เหย่ซี เนอเต๊เห่ โทเร๊อ เหย่ซี โครครวา เหย่ซู่ อาคยา. เร๊อ เหย่ซี ทวาแถ่เกอ แบ่เจ่ เหย่ซู่ครี๊ อา โคเจ่ เต๊เห่.

เหย่ซู่ แหย่โอ่เหม่ แกแย เตเพร

(มัทธิว ๘:๑-๔, มาระโก ๑:๔๐-๔๕)

12โตโพ๊เค เบ๊อะเหย่ซู่ โอ่ เด๊อ วีตีวี เบ๊อะเนอ, เพร จุมู๊แหม่โอ่ เตเพร. เบ๊อะอา แม๊เถอะ เหย่ซู่ เบ๊อะเนอ, อา แด๊งือแล เด๊อ เหย่ซู่ อา กู๊โด่ช๊า, เร๊อ อา กุยซิยอ ลู เน๊อ, “แบ่เจ๋, เน เก่ ซิปล่อโอ่ แหย่โอ่เหม่ เป่ แว เตชุ๊ยเออ เฮ๊เนอหม่า เน แหย่ แจ่ แพ๊.”

13เหย่ซู่ บ๊อแฮ อากู๊ขุ เร๊อ อา โต่เบ่โท ลู เร๊อ อา เฮ๊ ลู เน๊อ, “แว ซิปล่อโอ่ แพ๊,” อา เฮ๊ โทเร๊อ “เตเช๋ โอ่เหม่แกม๊อ,” อา เฮ๊ โป่ ฮู๊เนอ, เร๊อ อี๊. เตชุ๊ยโอ่เหม่แก เจ๊อ.

14เหย่ซู่ เฮ๊แก ลู โหง่ เน๊อ, “แด๊โฉ่โล เป่ แต่ อู เตเพร่ว แต่เหม่ นี๋. จว๊า เด๊อะโลแม๊ เนเหน่ เด๊อ เพรหลู่แตเต เนอเตเพร อา โอ่ เนอ นี๋. โทเร๊อ เน เตชุ๊ย โอ่เหม่เฮ๊อ เออเนอ, แซ่ฮู๊ อา เก่ เด๊อะโล เป่เกอ เด๊อ แกแย โอ่โร๊ อาเป๊เส่เง เนอเรอ หลู่แตแถ่ เกอ ฮู๊ คูโมเสส อาโหง่เฮ๊แก โอ่ เนอ นี๋.” ^e

15อา นอเฮ๊โล อู เตเพร่ว โต่ ตื๊อดื่อเรอ แบ่เจ่ เหย่ซู่ อาหรี่อาแก เออเนอ, แกแย ลื๊อลื๊ออา แด๊โฉ่ โลปีซีจว๊า ยาเล๊อ เร๊อ อา อาเหล่โกล เนอ เจ๊อ, เร๊อ แกแย เต๊เห่ ซิหยื่อ หนิโฮ แลแค อา เตเฮ๊เบ่, โทเร๊อ อา ซิหยื่อ นอแฮ แหย่โอ่เหม่ แลแค อา เตชุ๊ยเตเช เร๊ออา แฮโหร่แฮเอ๊ แหน่เจ๊อ เด๊อ ลูโอ่เจ๊อ. 16หม่าแน๊เรอ เหย่ซู่ เถ่จว๊าแก โตโมโม เด๊อ เก่เชเทอ แก หล่อตาม๊าขุ เร๊อ จว๊า กุยจ๊อเบ เบ๊อะเนอ.

เหย่ซู่ แหย่โอ่เหม่ แกแย เซอชิกยา

(มัทธิว ๙:๑-๘, มาระโก ๒:๑-๑๒)

17เตอเนอเค เบ๊อะเหย่ซู่ อิซว๊าอี๊แส่ตา อูเบ๊อะเนอ, ฟาริสี เต๊เห่ เร๊อ เพรอิซว๊า เตซว๊าเตแส่ อาซ๊าร๊า เต๊เห่ โอ่แนโอ่ เกอ แลแค เบ๊อะเนอ. เหย่ซี เออเต๊เห่ เนอหม่า อา โอ่ แลแค เฮ๊อ เด๊อ ล๋อ ดอ โอ่ เด๊อ กาลิลี เก่กู, เนอเต๊เห่ เร๊อ ล๋อ ดอ โอ่ เด๊อ ยูดาห์ เก่กู เนอเต๊เห่ เร๊อ เด๊อ วีเยรูซาเล็ม อากูเนอ แฮ เฮ๊อ. แซ่ฮู๊ เหย่ซู่ เก่ แหย่โอ่เหม่ เป่ แกแยชุ๊ยแกแยเช เออเต๊เห่ เนอเรอ แบ่เจ่ จอแปแหร่ อา เตโพรเตเตอเร๊อ โอ่ เกอ เร๊อ เหย่ซู่. 18แกแย เต๊เห่ แย๊แฮ แกแย เซอชิกยา เตเพร, เร๊อ เหย่ ซี แย๊แฮ ซีเท เร๊อ เหล่เมอ. เร๊อ แซ่ฮู๊ อา เก่ แด่ตาหนิ ลู เด๊อ เหย่ซู่ อา เป๊เส่เง เนอเรอ, อา จ่าเพรอ แอ๊จื๊อ จอโน ลู เด๊อ หี่ด๊อกู. 19หม่าแน๊เรอ แกแย ย๋อ โอ่โหร่ ตาลว๊าซิลือ อาขว่าอาคยา, เหย่ซี แย๊โน แจ่ ปาโต่. ฮู๊เนอเรอ เหย่ซี แย๊แถ่ ลู เด๊อ หี่ขุกู๊โก่ อารือดือ เร๊อ แถ่ ย๊าโม แลแค หี่ขุกู๊โก่ ่ เร๊อ แจตา ซีเทลอเร๊อ เหล่เมอเมอ แกแยแย เด๊อ แกแย ตูปลูเต๊เผ่ อากลาเมกู เด๊อ เหย่ซู่ อาเบ๊เง.

20เบ๊อะเหย่ซู่ แม๊เถอะ เหย่ซี อาเตหยื่อ ชอแหน่เจ๊อ เบ๊อะเนอ, อา เฮ๊ แกแย ชุ๊ย เนอเตเพร เน๊อ, “โคแบ๊ซว๊า แว ปลวาแก เฮ๊อ เน เตซื๊อเตพี๊ เต๊เห่ เฮ๊อ.”

21เพรอิซว๊า เตซว๊าเตแส่ อาซ๊าร๊า เต๊เห่ เร๊อ ฟาริสี เต๊เห่ เฮ๊ เกอเร๊อ เป่ลู เน๊อ, “แกแย เออเตเพร เฮ๊เบ่ซื๊อ เฮ๊อ จอแปแหร่ เฮ๊อ. อูเป เตเพร เก่ ปลวาแก แจ่ เตซื๊อ เป? เพร ปลวาแก แจ่ เตซื๊อ หม่า ตื๊อแพ๊ จอแปแหร่ เตเพร แพ๊.”

22เหย่ซู่ ซิเง เหย่ซี เฮ๊ เกอเร๊อ เป่ลู เออเต๊เห่ เร๊อ อา แด๊เฮอ เหย่ซี เน๊อ, “ซี จว๊าเตเน โต่ แลแค เด๊อ ซี ซิปล่อกู ฮู๊เนอหม่า เมเต? 23เก่ เฮ๊ เน๊อ, ‘อาปลวาแกเฮ๊อ เน เตซื๊อเตพี๊ เฮ๊อ,’ หม่าโต่เรอ ‘ก๊อถ่อ เร๊อ จว๊ามอ,’ เก่เฮ๊หม่า เบ๊อะเต๊อเจอะ อายูเล๊อ? 24หม่าแน๊เรอ แกแยพู๊คู หม่า แวเออ, แซ่ฮู๊ ซี เก่ ซิเง แลแค เนอ, เด๊อ เห่ขุ เออเนอ, แว โอ่ เร๊อ เตอเรอฉว่าชอ เด๊อ แว ปลวาแกเบ๊ อู เตซื๊อเตปล๊า เต๊เห่เนอเรอ, แว เก่ เด๊อะโล เป่ ซี,” อา เฮ๊โท ฮู๊เนอ เร๊อ อา เฮ๊ เพร เซอชี๊กยา เออเตเพร เน๊อ, “แว เฮ๊ เน, ก๊อถ่อ ถู่ลูหนิ เน เหล่เมอ เด๊เนอ เนอเรอ กามอ เด๊อ เน หี่เนอ.” 25โตโพ๊โต แกแยเพ เนอเตเพร ก๊อถ่อ ถู่ลูหนิ อา เหล่เมอเด๊เนอ เด๊อ แกแย ตูปลูเต๊เผ่ อาเป๊เส่เง เร๊อ เถ่กาแก เด๊อ อาหี่ เร๊อ อา ถู่เซ๊แถ่ จอแปแหร่. 26อู คย๊าอายื๊อ ลอปลี เจ๊อ ปว๊า เพร เจ๊อ. เร๊อ เหย่ซี ถู่เซ๊แถ่ แลแค จอแปแหร่ เร๊อ อา เฮ๊ แลแค เน๊อ, “เออเตอเนอ, เป แม๊เถอะเฮ๊อ เตโค๊ตีกลี๊เจ๊อ เต๊เห่ เฮ๊อ!”

เหย่ซู่ เอ๊ คูเลวี

(มัทธิว ๙:๙-๑๓, มาระโก ๒:๑๓-๑๗)

27อา เมโท ฮู๊เนอ เนอ, เหย่ซู่ เถ่จว๊าแก, เร๊อ อา จว๊าแม๊เถอะ เร๊อ เพรกวาเอ่ อาหมู่อาร๊า เตเพร เด๊อ อามุย เร๊อ คูเลวี. เร๊อ อา โอ่แนโอ่ เด๊อ เหล่กวา อาหมู่อาร๊า อาหี่กู. เร๊อ เหย่ซู่ เฮ๊ ลู เน๊อ, “ครวา เกอแวคยา เร๊อ ทวา เกอ แว โคเจ่.” 28คูเลวี ก๊อถ่อ เร๊อ แด่แก ลอ ล๋อ ตาเต เด๊อ อา โอ่ เร๊อ ลู เนอเต๊เห่ เร๊อ อา ครวาจว๊าเกอ เหย่ซู่ อาคยา.

29เออโตโพ๊เรอ, คูเลวี เมนี๋ ป่วยดุ โตโพ๊ เด๊อ อาหี่, เร๊อ อา เมป่วย เป่ เหย่ซู่ แพ๊. เร๊อ อา หม่าแฮหนิ อาซว๊าโค เด๊อ อา กวา อาหมู่อาร๊า เต๊เห่ เร๊อ ซิเผระ ซิแหม่ เด๊อ อาโรเต๊เห่, เร๊อ อา แฮเอ่ปลู แฮเอ่เผ่ เกอ ลอ เร๊อ ลู. 30ฟาริสี เต๊เห่ เร๊อ เพรอิซว๊า เตซว๊าเตแส่ อาซ๊าร๊า เด๊อ เหย่ซี อาตู๊หมู่ตอกล๊อกู เต๊เห่ แด่ ลอ เตซื๊อ เด๊อ แบ่เจ่ แบ่เจ่เหย่ซู่ อา โคเจ่ เต๊เห่ อาขุ เร๊อ อา เฮ๊ เน๊อ, “ซี จว๊า เอ่เต่อโอเต่อเกอ เร๊อ เพรกวาอาหมู่อาร๊า เต๊เห่ เร๊อ เพรโอ่หร่าพู๊ เนอเต๊เห่ เมเต?” เหย่ซี แด๊เฮอ แลแค ฮู๊เนอ. ^f

31เหย่ซู่ เฮ๊ฉื่อ เหย่ซี เน๊อ, “แกแย เด๊อ อาโอ่โมโอ่รี โอ่ฉว่าโอ่ชอ เต๊เห่เนอ อา โหล่ เร๊อ เตขุซ๊าร๊าดุ โต่ แกแย เด๊อ อาชุ๊ยอาเช เต๊เห่เนอ ตื๊อหม่า อา โหล่ แพ๊เตขุซ๊าร๊าดุ แพ๊. 32แว แฮ เอ๊กา แกแย เด๊อ อาจ๊ออาเต เนอเต๊เห่ หม่าโต่. แซ่ฮู๊ เพรเตเหล่ซื๊อพู๊ เต๊เห่ เก่ ถู่แหล่แต๊แกละกา แลแค อาซิปล่อ เนอเรอ, แว แฮ เอ๊กา เหย่ซี แพ๊.”

อู แด๊เฮอ เตโด่เอ่เฉ่ อาหรี่อาแก

(มัทธิว ๙:๑๔-๑๗, มาระโก ๒:๑๘-๒๒)

33ฟาริสี เต๊เห่ เร๊อ เพรอิซว๊า เตซว๊าเตแส่ อาซ๊าร๊า เต๊เห่ เฮ๊ เหย่ซู่ เน๊อ, “คูยอห์น อา โคเจ่ เต๊เห่ เร๊อ ฟาริสี อา โคเจ่ เต๊เห่ โด่เอ่ เหล่เอ่เหล่โอ เร๊อ กุยจ๊อเบ โตโมโม เจ๊อ ตื๊อดื่อเรอ เน โคเจ่ เต๊เห่เร๊ออา โด่เอ่โด่โอ เกออู โต่ วา.”

34แบ่เจ่ เหย่ซู่ เฮ๊ฉื่อ เหย่ซี เร๊อ โหง่ค๊าโข่ ตือมื๊อ เร๊อ อา เฮ๊ เน๊อ, “เบ๊อะกาฉู่แด่เพรคู โอ่เต่อเกอปา เร๊อ อาโค ซิเผระ ซิแหม่ เบ๊อะเนอ, อู นอ โด่เอ่โด่โอ แจ่เเน๊ ซิเผระซิแหม่ เต๊เห่ อาเหล่เอ่ แอ? 35เตอเนอเค ปาเนอ อู เก่ เอ๊จว๊า ตาพาแก ฉู่แด่เพรคู ปา. เบ๊อะเนออาเค ปาหม่า เหย่ซี เก่ โด่เอ่โด่โอ แลแค ปา.”

36เหย่ซู่ เฮ๊ เป่ โป่ เหย่ซี เร๊อ โหง่ค๊าโข่ โต๊โต่ เร๊อ อา เฮ๊ เน๊อ, “อู ท๊อเย จาเซ เร๊อ อู เช๊เผ่บี๊ เร๊อ จาเลอ เนอ อา โอ่ เตเพร่ว โต่. เก่ เมฮู๊เนอ เฮ๊เรอ จาเซเออเนอ อา เก่ แลเยปย๊าแก ปา, โท๊โต่ อิเกเซ เร๊อ อิเกเลอ เออเนอ อา เรปา ลู โต่. 37อู ยือโน แท๊ทือเส่ เทอแย เซ เด๊อ เทอโอพ๊าเลอกู เนอ อา โอ่ เตเพร่ว โต่. อู เก่ ยือโนฮู๊เนอ เฮ๊เรอ เทอแยเซ เออเนอ อา เก่ เซเพ๊แก เทอโอพ๊าเลอ เออเตเม ปา, เร๊อ เทอแย เก่ แหล่โก่แก ลอ ปา, เร๊อ เทอโอ เก่ เพ๊ปย๊าแก ปา. 38อู โตเบ่ ยือโน แพ๊ เทอแยเซ เด๊อ เทอโอพ๊าเซ อากู แพ๋. 39โทเร๊อ แกแย เด๊อ อา โอน๊อ โทเฮ๊อ เทอแยเลอ เต๊เห่เนอ อา ซิหยื่อ โอ่ ปา เทอแยเซ เตเพร่ว โต่. ‘เทอแยเลอ เนอ อา หวิเล๊อ เร๊อ อาเซ,’ อา เฮ๊ เป่ เหย่ซี ฮู๊เนอ.”