Luk 10:4-12 | EkySCThai | STEP | รือปยา เบ่เบ่, ปยาปี่ เบ่เบ่, แข่แด๊พ๊า เบ่เบ่, พย๊าจว๊าหนิ แต่ เตอเจ๋อ เหม่ นี๋, เบ๊อะซี จว๊า เด๊อ แกล๊โหล่ เบ๊อะเนอ, จว๊า โอ่โก๊ เฮ๊โมเฮ๊แร๊ แต่ อู เตเพร่ว แต่เหม่ นี๋.

Luke 10:4-12

4 รือปยา เบ่เบ่, ปยาปี่ เบ่เบ่, แข่แด๊พ๊า เบ่เบ่, พย๊าจว๊าหนิ แต่ เตอเจ๋อ เหม่ นี๋, เบ๊อะซี จว๊า เด๊อ แกล๊โหล่ เบ๊อะเนอ, จว๊า โอ่โก๊ เฮ๊โมเฮ๊แร๊ แต่ อู เตเพร่ว แต่เหม่ นี๋.

5 “เบ๊อะซี จว๊าโน เด๊อ หี่ เตเมเม อากู เบ๊อะเนอ, เฮ๊เหร่อเล๊อ เน๊อ, ‘เตซิปล่อ ตู๊จู่เตอเจ๊อ เก่ โอ่ ดื่อ เด๊อ หี่เออ เตเม อากู นี๋!’ เฮ๊ แลแค ฮู๊เนอ นี๋. 6 แกแย เด๊อ อา โม เตเปเตแว เก่ โอ่ เบ๊อะเนอ เตเพร เฮ๊เนอหม่า, อา เก่ พย๊าหนิ ดื่อ เน เตเฮ๊โมเฮ๊แร๊ อา เตเปเตดวา เออเนอ ปา. แกแย เด๊อ อา โม เตเปเตแว เก่ โอ่โต่ เฮ๊เนอ, เน เตเฮ๊โมเฮ๊แร๊ เตเปเตดวา เออเนอ อา เก่ กาคยาโต คยาแซ๊ ดื่อ เด๊อ เน โอ่ ปา. 7 โอ่ เบ๊อะหี่เนอ เตเม อากู เร๊อ หี่แบ่เจ่ เด๊อะเอ่เด๊อะโอ ซี อิเตเต๋ เบ่เบ่, ตูรู๊ เอ่ แลแค, เมเตเฮ๊เรอ เพรเมเออเนอ เตเพรเนอ, อา โตเบ่ พย๊าหนิ แหน่ อาคว๊าอาเก่. จว๊าเลโอ่เมอ อูหี่ เตเม โท เตเม แต่เม นี๋. ^a

8 “ซี จว๊าโน เด๊อ วี ตีวี วี อากู บ๊อเกเต๋ เบ่เบ่ เนอ, อู เก่ เอ๊โมฉื่อ ซี เก่เฮ๊เรอ, อู เด๊อะเอ่ ซี อิเตเต๋ เบ่เบ่ เนอ, ตูรู๊ เอ่ แลแค. 9 แหย่โอ่เหม่ เป่ แกแย เด๊อ อาชุ๊ยอาเช เบ๊อะวีเนอ ตีวี อากู เนอ. เร๊อ แด๊โฉ่ เป่ แกแย โอ่ เบ๊อะเนอ เต๊เห่ เน๊อ, ‘จอแปแหร่ เตเร เป๊อเทอเป๊อเก่ อาม๊อเนอม๊อเซ เนอ อา แฮโต่ผื่อ เฮ๊อ เร๊อ ซี เฮ๊อ.’ 10 หม่าแน๊เรอ เบ๊อะซี จว๊าโน เด๊อ วี ตีวี วี อากู เบ๊อะเนอ, อู เก่ เอ๊โมฉื่อ ซี โต่ เก่เฮ๊เรอ, จว๊า เด๊อ แกล๊ดุกูเนอ, เร๊อ จว๊า เฮ๊ เนอ, ^b 11 ‘ซี วีกู เห่หมื่อ เด๊อ อา แบ๊หม่า เป กู๊ยาเล เออเต๊เห่เนอ, เป โซตาแก เป่เฮ๊อ ซี เฮ๊อ. เป ซิหยื่อ นอซิเง ซี เร๊อ เป แด่แกเฮ๊อ ซี เฮ๊อ. หม่าแน๊เรอ เตเนหม่า แลแค เร๊อ จอแปแหร่ เตเร เป๊อเทอเป๊อเก่ อาม๊อเนอม๊อเซ เนอ อา แฮโต่ผื่อ เฮ๊อ.’ ^c 12 แว เฮ๊ ซี, ช๋า จอแปแหร่ เมจากาคยา แกแยเห่ขุพู๊ ปา เบ๊อะเนอ, อา เก่ ซิยอหนิ เล๊อ ปา เจ๊อ วีโสโดมปา, ^d เร๊อ อา เก่เมจากาคยาเล๊อปาเจ๊อ วีเด๊ออาพย๊าฉื่อซีโต่เออตีวีเนอ ปา. ^e