Luke 6:20-23
เตซิครือซิลอ เร๊อ เตซิเปลซิหย่อ
(มัทธิว ๕:๑-๑๒)
20เหย่ซู่ แม๊ตาเต๋า เด๊อ อา โคเจ่ เต๊เห่ เร๊อ อา เฮ๊ เหย่ซี เนอ, “ซี เด๊อ อา โซพ๊าโซแร เออเต๊เห่เนอ, จอแปแหร่ เก่ เด๊อะบุ๊ยเด๊อะเตอเรอ หม่าแหน่ เจ๊อ เฮ๊อ ซี เฮ๊อ, เมเตเฮ๊เรอ จอแปแหร่ เทอเลเก่กู เนอหม่า แกแย ฮู๊เนอเต๊เห่ อาเต เฮ๊อ.21ซี เด๊อ อา ซิกู๊ซิวี กู๊แหน่ เออเต๊เห่เนอ, จอแปแหร่ เก่ เด๊อะบุ๊ยเด๊อะเตอเรอ หม่าแหน่ เจ๊อ ซี เฮ๊อ, เมเตเฮ๊เรอ จอแปแหร่ เก่ เด๊อะ เอ่ก๊อโอบา ซี ปา! ซี เด๊อ อา โหง่อาเห่ กู๊แหน่ เออเตเห่เนอ, จอแปแหร่ เก่ เด๊อะบุ๊ยเด๊อะเตอเรอ หม่าแหน่ เจ๊อ ซี เฮ๊อ, เมเตเฮ๊เรอ ซี เก่ งยาฮาน๊อ ปา! 22ซี ย๋อหยื่อเอ่ แกแยพู๊คู หม่าเฮ๊อ แวเออ อาขว่าอาคยา, เร๊อ อู ซิเถ่ ซี, อู เอ๊โมฉื่อ ซี โต่, อู เป๊อเจ่ออิแช๊ ซี เร๊อ อู เฮ๊ มู๊แหม่รีแจ่ ซี อาขว่าอาคยา, ซี เก่ พย๊าหนิ หม่าแหน่ เจ๊อเฮ๊อ เตเด๊อะบุ๊ยเด๊อะเตอเรอ เฮ๊อ. a 23เมเตเฮ๊เรอ เหย่ซี อาเพออาโพ เด๋อ งย๊าเค เต๊เห่เนอ, อา เมจาเมจือ โทลอเฮ๊อ เพรโพร เต๊เห่ ฮู๊เนอ เฮ๊อ. เบ๊อะซี แม๊เถอะ เบ่เฮ๊อ ฮู๊เนอ ปา อาเบ๊อะเนอ, ซิครือซิลอ แลแค นี๋. เตซิครือซิลอ อี๊ฉ่าอี๊เปล๊อ แลแค นี๋, เมเตเฮ๊เรอ เด๊อ ซีเงเนอ, จอแปแหร่ แด่หนื่ออื่อ เป่เฮ๊อ ซี เตเหม่หนิคว๊าเก่ เด๊อ ม๊อขุ เนอ อาดุ หม่าแหน่ เจ๊อ. b
Copyright information for
EkySCThai